Սթիվ Մեն
| Սթիվ Մեն անգլ.՝ Steve Mann | |
|---|---|
 | |
| Ծնվել է | 1962[1] |
| Ծննդավայր | Համիլտոն, Օնտարիո, Կանադա |
| Քաղաքացիություն | .svg){kind=small} Կանադա |
| Կրթություն | ՄաքՄաստեր համալսարան և Մասաչուսեթսի տեխնոլոգիական ինստիտուտ |
| Գիտական աստիճան | փիլիսոփայության դոկտոր |
| Մասնագիտություն | գյուտարար, համալսարանի դասախոս, համակարգչային գիտնական, ճարտարագետ և գրող |
| Աշխատատու | Տորոնտոյի համալսարան |
| Պարգևներ և մրցանակներ | |
| 🌐 | |
 Steve Mann (scientist) Վիքիպահեստում | |
Սթիվ Մեն (անգլ.՝ Steve Mann, 1962[1], Համիլտոն, Օնտարիո, Կանադա), կանադացի գիտնական և համակարգչային տեխնիկայի ոլորտի ինժեներ, առաջին կրվող համակարգիչներից մեկի ստեղծողը։
Կրթություն
[խմբագրել | խմբագրել կոդը]
Սթիվ Մենը Մակմասթերի համալսարանում ստացել է գիտությունների բակալավրի և մագիստրոսի աստիճան, համապատասխանաբար 1987 և 1992 թվականներին։ Դրանից հետո ուսումը շարունակել է Մասաչուսեթսի տեխնոլոգիական ինստիտուտում, որը դոկտորական աստիճանով ավարտել է 1997 թվականին[3]։
Գյուտեր և մտահաղացումներ
[խմբագրել | խմբագրել կոդը]Դեռևս դպրոցում՝ 1981 թվականին, Սթիվ Մենը հավաքել էր իր առաջին կրվող համակարգիչը՝ հարմարեցնելով 6502-ի միկրոպրոցեսորին, որը տեղափոխվում էր պողպատե շրջանակով պայուսակով՝ նախատեսված ֆոտոխցիկների, լուսանկարահանման լուսաբռնկման և այլ նկարահանող տեխնիկայի կառավարման համար։ Էկրանը, որը հիմնված է տեսախցիկից կատոդային-ճառագայթային տեսորոնիչի վրա, ամրացված է եղել սաղավարտին և տվել է տեքստ 40 սյունակ թույլտվությամբ․ պրոցեսորի վրա մուտքագրումն արվել է յոթ միկրո-անջատիչներով, որոնք ներկառուցված էին լուսաբռնակման բռնակին, ողջ համակարգը էներգամատակարարումը ստանում էր կապարաթթվային մարտկոցներից[4]։
Այդ ժամանակից ի վեր Սթիվը մշտապես զբաղվել է կրվող համակարգչային տեխնոլոգիաների կատարելագործմամբ՝ հայտնիություն ստանալով հատկապես իր վաղ մշակումների շնորհիվ, որոնք օգտագործում են լրացված իրականության սկզբունքները[5]։ Նրա մյուս գյուտերն ու բարելավումները ներառում են չիրպլեթ փոխակերպումներ (ազդանշանների փոխակերպման նոր մաթեմատիկական համակարգ) և կոմպարամետրիկ հավասարումներ (համակարգչային վերափոխված իրականության համար նոր մաթեմատիկական համակարգ)[3], ինչպես նաև հիդրավլաֆոնը՝ աշխարհում առաջին երաժշտական գործիքը, որը գործում է հեղուկների տատանումների ձայնի փոխակերպման սկզբունքի վրա[5]։ Մենի գյուտերը ցուցադրվել են Սմիթսոնյան ինստիտուտում, Ամերիկյան պատմության ազգային թանգարանում, Լոնդոնի գիտության թանգարանում, Նյու Յորքի ժամանակակից արվեստի թանգարանում և Ամստերդամի քաղաքային թանգարանում[3]։
Սթիվ Մենը 200-ից ավելի հոդվածների, գրքերի և արտոնագրերի հեղինակ է (նրա հրապարակումների h-ինդեքսը 44 է, այդ թվում 2010 թվականից՝ 29[6])։ Նա Տորոնտոյի համալսարանի հաստիքային պրոֆեսոր է։ 2013 թվականին Մենը Տորոնտոյում կայացած էլեկտրատեխնիկայի և էլեկտրոնիկայի ինժեներների ինստիտուտի (IEEE) համաժողովի նախագահն է եղել[5][7]։
Ծանոթագրություններ
[խմբագրել | խմբագրել կոդը]- 1 2 NUKAT — 2002.
- ↑ https://corporate-awards.ieee.org/wp-content/uploads/ibuka-rl.pdf
- 1 2 3 «Mann, Steve». Alumni Gallery Award. McMaster University. Արխիվացված է օրիգինալից 2015 թ․ հունիսի 18-ին. Վերցված է 2015 թ․ հունիսի 3-ին.
- ↑ Rhodes B. «Steve Mann designs backpack-mounted computer to control photographic equipment». A brief history of wearable computing. MIT Wearable Computing Project. Վերցված է 2015 թ․ հունիսի 3-ին.
- 1 2 3 Профиль на сайте Торонтского университета (անգլ.)
- ↑ Профиль на Google Scholar (անգլ.)
- ↑ «Living in a Smart World – People as Sensors». IEEE International Symposium on Technology and Society. June 27-29, 2013. IEEE. Արխիվացված է օրիգինալից 2015-02-22-ին. Վերցված է 2015 թ․ հունիսի 3-ին.
Արտաքին հղումներ
[խմբագրել | խմբագրել կոդը]- Официальный сайт (անգլ.)
- Профиль на сайте Торонтского университета (անգլ.)
 | Վիքիպահեստն ունի նյութեր, որոնք վերաբերում են «Սթիվ Մեն» հոդվածին։ |
| ||||||||||||||||||||
