Սթենլի լեռ
| Սթենլի լեռ | |
|---|---|
 | |
| Տեսակ | լեռնազանգված |
| Երկիր |  Ուգանդա և  ԿԴՀ |
| Լեռնաշղթա | Rwenzori Mountains? |
| Բարձրությունը ծովի մակարդակից | 5109 մետր |
| Բարձրագույն գագաթ | Margherita Peak? |
| Պահպանման տարածք | Վիրունգայի ազգային պարկ |
| Անվանված է | Հենրի Մորտոն Ստենլի |
Սթենլի (ֆր.՝ Mont Stanley), լեռ Աֆրիկայում, Ռուվենզորի լեռնազանգվածի մաս։ Գտնվում է Կոնգոյի դեմոկրատական հանրապետության և Ուգանդայի սահմանին[1]։ Աֆրիկայի երրորդ ամենաբարձր լեռն է։ Բարձրությամբ զիջում է միայն Կիլիմանջարոյին և Քենիային։
Լեռն անվանակոչվել է հետախույզ և լրագրող սըր Հենրի Մորտոն Սթենլի անունով։ Գտնվում է Կոնգոյի դեմոկրատական հանրապետության և Ուգանդայի սահմանին։ Սթենլին համարվում է այս երկրների ամենաբարձր լեռը։ Մորթոն-Սթենլի լեռը բաղկացած է մի քանի գագաթներից, որոնցից երեքը՝ Մարգարիտան (5,109 մ), Ալեքսանդրան (5,091 մ), Ալբերտը (5,087 մ) գտնվում են ծովի մակերևույթից 5 կիլոմետր բարձրության վրա։ Բարձրությամբ Աֆրիկայի երրորդ ամենամեծ լեռն է Կիլիմանջարոյից (5,895մ) և Քենիայից (5,199մ) հետո։
Երկրաբանորեն, Ռուվենզորի լեռնազանգվածի նման, Սթենլի լեռը նույնպես բաղկացած են բյուրեղային ապարներից։ 1906 թվականին առաջին անգամ իր արշավախմբով լեռան գագաթ է բարձրացել իտալացի լեռնագնաց արքայազն Լուիջի Ամադեոն[2]։ Առաջին ամենաբարձր գագաթը, նա անվանել է Մարգարիտա՝ ի պատիվ Իտալիայի թագուհի Մարգարիտա Սավոյացու։
Լեռան 2600 մետր բարձրության վրա տարածվում են արևադարձային անտառները, ավելի բարձր՝ հանդիպում է եղեգնի և հավամրգու թփուտներ, 3800 մետր բարձր բարձրություններում՝ ալպյան մարգագետիններ, 4000 մետրից բարձր՝ մամուռներ և քարաքոսեր։ Լեռը մոտ է գտնվում հասարակածին, գագաթները ծածկված են սառցադաշտերով, որոնց տարածքը տարեցտարի նվազում է։
Լեռան բուսական և կենդանական աշխարհը եզակի է։ Սթենլի լեռը կազմում է Ռուվենզորի ազգային պարկի մի մասը, որը 1994 թվականից գտնվում է ՅՈՒՆԵՍԿՕ-ի համաշխարհային ժառանգության ցանկում[3]։
| Գագաթ | Մետր | Ոտնաչափ |
|---|---|---|
| Մարգարիտ | 5,109 | 16,763 |
| Ալեքսանդրա | 5,091 | 16,703 |
| Ալբերտ | 5,087 | 16,690 |
| Սավոյա | 4,977 | 16,330 |
| Ելենա | 4,968 | 16,300 |
| Էլիզաբեթ | 4,929 | 16,170 |
| Ֆիլիպ | 4,920 | 16,140 |
| Մոբիուս | 4,916 | 16,130 |
| Մեծ Ատամ | 4,603 | 15,100 |
Ծանոթագրություններ
[խմբագրել | խմբագրել կոդը]- ↑ «Mount Stanley - Peakbagger.com». peakbagger.com. Վերցված է 2020 թ․ նոյեմբերի 13-ին.
- ↑ «A Prince of Climbers | VQR Online». www.vqronline.org. Արխիվացված է օրիգինալից 2020-08-21-ին. Վերցված է 2020 թ․ նոյեմբերի 13-ին.
- ↑ Dictionary of Geotourism. Singapore: Springer Singapore. 2019 թ․ նոյեմբերի 11. էջեր 530–530. ISBN 978-981-13-2537-3.
 | Վիքիպահեստն ունի նյութեր, որոնք վերաբերում են «Սթենլի լեռ» հոդվածին։ |
| ||||||
