Սզնի Շովիցի
Գիտական դասակարգում | ||||||||||
---|---|---|---|---|---|---|---|---|---|---|
|
||||||||||
Լատիներեն անվանում | ||||||||||
Crataegus szovitsii
|
Սզնի Շովիցի (լատին․՝ Crataegus szovitsii), վարդազգիների ընտանիքի, սզնի ցեղի բույս։
Նկարագրություն[խմբագրել | խմբագրել կոդը]
Տերևաթափ, փոքր ծառ է 2-5 սմ բարձրությամբ, երբեմն աճում է թփանման։ Մոտ է Սզնի արևելյանին, որից տարբերվում է միայն տերևների ձևով և սռնակների թվով։ Ճյուղերը ամուր են, գորշավուն։ Երիտասարդ ընձյուղները ծածկված են խիտ թաղիքասպիտակ մազմզուկներով։ Կարճացած ընձյուղների զգալի մասը վերածվել է տերևակալած փշերի։ Տերևները հակառակ ձվաձև են, սեպանման կամ հակառակ ձվաձև է, շեղանկյուն, խոր կտրատված 5 բաժինների (երկարացած ընձյուղների վրա 5-9 բաժինների), լայն բլթակներով, 3-4,5 սմ երկարությամբ, ամուր, կապտավուն, ծածկված տերևների մակերեսին սեղմված մազմզուկներով։ Ծաղկաբույլերը կազմված են 10-12 ծաղիկներից, խիտ թաղիքամազմզուկապատ են։ Սռնակների թիվը հասնում է 3-4-ի։ Պտուղները կարմիր են, 1,2-1,5 սմ տրամագծով, 3-4 (հազվադեպ 2) եռակող սերմերով։ Ծաղկում է հունիսին, պտուղները հասունանում են հոկտեմբերին։
Տարածվածություն[խմբագրել | խմբագրել կոդը]
Տարածված է Կովկասում (արևելյան Հարավային Կովկաս՝ Արցախ), Արևմտյան Հայաստանում։ Հայաստանի պայմաններում հանդիպում է Զանգեզուրում, միջին լեռնային գոտում, արիդային նոսրանտառներում, չոր լանջերում։
Կիրառություն[խմբագրել | խմբագրել կոդը]
Բարձր դեկորատիվ տեսակ է[1]։
Ծանոթագրություններ[խմբագրել | խմբագրել կոդը]
- ↑ Հարությունյան Լ․ Վ․, Հարությունյան Ս․ Լ․, Հայաստանի դենդրոֆլորան, հ. 1, Երևան, «Լույս հրատարակչություն», 1985, էջ 374։