Սերմնացան (վան Գոգի կտավ)

Վիքիպեդիայից՝ ազատ հանրագիտարանից
1rightarrow blue.svgԱյս հոդվածը Վինսենթ վան Գոգի կտավի մասին է։ Այլ գործածությունների համար այցելեք Սերմնացան (այլ կիրառումներ)։
Picto infobox artiste.png
Սերմնացանը
De zaaier
Van Gogh - Sämann bei untergehender Sonne3.jpeg
տեսակ նկարների շարք
նկարիչ Վինսենթ վան Գոգ
տարի 1888
ժանր բնանկար
նյութ յուղաներկ
հավաքածու Վան Գոգի թանգարան
հատվածն է The Sower

Սերմնացանը (հոլ.՝ De zaaier), հոլանդացի նկարիչ Վինսենթ վան Գոգի կտավը՝ նկարված 1888 թվականին Առլում:

Պատմություն[խմբագրել | խմբագրել կոդը]

Վան Գոգը տարված էր սերմնացանի թեմայով։ Դեռ 1880 թվականն նա նկարել էր Ժան Ֆրանսուա Միլլեի «Սերմնացան» կտավի կրկնօրինակը. Միլլեի արվեստը Վան Գոգի համար գեղանկարչության մեջ գյուղական թեման արծարծելու փայլուն օրինակ էր։ Ավելի ուշ Վան Գոգը ստեղծեց այդ թեմայով իր սեփական աշխատանքները։ Այս նկարի հետաքրքիր առանձնահատկությունն այն է, որ մայր մտնող արեգակը սերմնացանի գլխի շուրջ լուսապսակ է ձևավորել։ Իր ընկերոջը՝ Էմիլ Բերնարին գրած նամակում Վան Գոգը սերմնացանին ու լուսապսակը համարում է կյանքի անվերջության խորհրդանիշեր. նրանք ցույց են տալիս արարման գործընթացի անվերջ կրկնումը, պտուղների հավաքումը։ Այդպիսով, սերմնացանը խորհրդանշում է կյանքը։ Հետագայում Վան Գոգը աշխատել է հնձվորի կերպարի շուրջ՝ այն համարելով մահվան խորհրդանիշ։ Իր նամակներում նկարիչը գրել է.

Aquote1.png Ինչ-որ իմաստով մարդը հատիկ է, որ հավաքում է հնձվորը: Այսինքն` դու տեսնում ես, որ նա հակառակ բևեռն է սերմնացանի, որին ես փորձել էի պատկերել ավելի վաղ: Aquote2.png


Գրականություն[խմբագրել | խմբագրել կոդը]

  • 100 գլուխգործոցներ Վան Գոգի թանգարանից

Արտաքին հղումներ[խմբագրել | խմբագրել կոդը]