Սերը ժանտախտի օրերին
Սերը խոլերայի օրերին El amor en los tiempos del cólera | |
|---|---|
| Հեղինակ | Գաբրիել Գարսիա Մարկես |
| Տեսակ | գրական ստեղծագործություն |
| Բնօրինակ լեզու | իսպաներեն |
| Նկարագրում է | Կարիբյան ավազան |
| Էջեր | 464[1] |
| Երկիր |  Կոլումբիա |
| Հրատարակիչ | Penguin Random House |
| Հրատարակման տարեթիվ | 1985 |
| Թարգմանիչ | Edith Grossman? |
| Վիքիքաղվածք | Սերը ժանտախտի օրերին |
Սերը խոլերայի օրերին (իսպ.՝ El amor en los tiempos del cólera, Գաբրիել Գարսիա Մարկեսի 1985 թվականին հրատարակված վեպը, որը համարվում է գրողի ամենաարժեքավոր ստեղծագործություններից մեկը[2]։
Սյուժե
[խմբագրել | խմբագրել կոդը]Վեպի գլխավոր հերոսը Ֆերմինա Դասան է։ Նա մերժում է մանկության ընկերոջ՝ Ֆլորենտինո Արիսայի առաջարկությունը, իմանալով, որ իրենց երիտասարդ սերը սոսկ միամիտ դրվագ է եղել իր կյանքում։ 21 տարեկանում (վերջնաժամկետ, որը ինքն իր համար սահմանել էր ամուսնության համար) նա ամուսնանում է Խուվենալ Ուրբինոյի հետ։ Ուրբինոն բժիշկ էր, որը տարվել էր գիտությամբ և ժանտախտի դեմ պայքարելու գաղափարներով։ Նա շատ ռացիոնալ մարդ էր, ում ամբողջ կյանքը հստակ կազմակերպված էր։ Ուրբինոյի սերը հակադարձվում է Արիսայի սիրուն, որը լցված էր հնացած ռոմանտիզմով։ Ֆերմինան իմանում է, որ Ուրբինոն այն նվիրված ամուսինը չէ, ինչպիսին թվում էր։ Նա անկեղծ խոստովանում է իրենց ամուսնության ընթացքում իր ունեցած սիրային կապի մասին։ Երբ Ուրբինոն մահանում է, Ֆերմինայի ու Արիսայի սերը պոռթկում է նոր ուժով, այնինչ նրանք արդեն երիտասարդ չէին։ Բայց դա արդեն այն միամիտ երիտասարդական սերը չէր, այլ չափահասների, որոնք հասկացել էին կյանքը։ Նրանք ճանապարհորդում են Արիսային պատկանող նավով և սիրում էին միմյանց։ Ավելորդ սահմանային ստուգումների կանգառներից խուսափելու համար, նրանք դրոշ էին կախել, որը նշանակում էր հիվանդության առկայություն նավի վրա (այստեղից էլ ծագում է վեպի անվանումը)։ Միայն թե այդպիսի դրոշով նրանց հետ չեն թողնում և սիրահարները մեկնում են նոր ճանապարհորդության։
Վեպի կերպարներ
[խմբագրել | խմբագրել կոդը]- Ֆերմինա Դասա-գլխավոր հերոսուհի
- Ֆլորենտինո Արիսա-գլխավոր հերոս
- Խուվենալ Ուրբինո դե լա Կալյե-Ֆերմինա Դասայի ամուսինը
- Լորենսո Դասա-Ֆերմինա Դասայի հայրը
- Երեմիա դե Սենթ-Ամուր-նկարիչ, որի ինքնասպանությամբ սկսվում է վեպը
- Տրանսիտո Արիսա-Ֆլորենտինոյի մայրը
- Հիլդեբրանդա Սանչես-Ֆերմինայի զարմիկը
- Բարբարա Լինչ-Ուրբինոյի սիրուհին
- Լեոն 12-րդ-Ֆլորենտինո Արիսայի գործատուն,Կարիբյան գետային շոգենավատորմի նախագահ
- Լեոնա Կասիանի-Ֆլորենտինո Արիսայի գործընկերը
Էկրանավորում
[խմբագրել | խմբագրել կոդը]2007 թվականին վեպը էկրանավորվել է New Line Cinema կինոստուդիայում[3]։
Գրականություն
[խմբագրել | խմբագրել կոդը]- Литературный иллюзион, или Магия слов Габриэля Гарсиа Маркеса
- Габриель Гарсия Маркес. Любовь во время чумы в библиотеке Lib.ru
Ծանոթագրություններ
[խմբագրել | խմբագրել կոդը]- ↑ https://www.penguinrandomhouse.com/books/57987/el-amor-en-los-tiempos-del-colera-by-gabriel-garcia-marquez/
- ↑ Г. Г. Маркес, Любовь во время чумы, Звезда, 2001, ISBN 5-901354-01-X
- ↑ Love in the Time of Cholera (2007)
 | Վիքիքաղվածքն ունի նյութեր, որոնք վերաբերում են «Սերը ժանտախտի օրերին» հոդվածին։ |
| ||||||
