Սերգիև Պոսադ

Բնակավայր
ռուս.՝ Сергиев Посад
Դրոշ Զինանշան
Երկիր	Ռուսաստան
Հիմնադրված է	1337 թ.
Մակերես	50 կմ²
ԲԾՄ	210 մետր
Բնակչություն	▼101 967 մարդ (2019)
Ժամային գոտի	UTC+3
Հեռախոսային կոդ	496 54 և 496 55
Փոստային դասիչ	141300–141315
Պաշտոնական կայք	sergiev-posad.net​(ռուս.)
Սերգիև Պոսադ (Ռուսաստան)
Սերգիև Պոսադ Վիքիպահեստում

Սերգիև Պոսադ (ռուս.՝ Сергиев Посад), քաղաք Ռուսաստանի Դաշնությունում՝ Մոսկվայի մարզում։ Սերգիևո-Պոսադսկի շրջանի վարչական կենտրոնն է։ Գտնվում է Մոսկվա քաղաքի կենտրոնից շուրջ 70 կիլոմետր դեպի հյուսիս-արևելք, Յարոսլավլից մոտավորապես 200 կիլոմետր դեպի հարավ-արևմուտք։ 2015 թվականի հունվարի 1-ի տվյալներով բնակչության թվաքանակը եղել է 106.007: Քաղաքը զբոսաշրջային կարևոր կենտրոն է, ընդգրկված է Ռուսաստանի պատմական քաղաքներով անցնող «Ոսկե օղակ» երթուղում, ճանաչված է առաջին հերթին Սուրբ Երրորդության վանքով, որը ներառված է ՅՈՒՆԵՍԿՕ-ի Համաշխարհային ժառանգության հուշարձանների ցանկում։ Այդ վանքը համարվում է Ռուսաստանի ուղղափառ քրիստոնեական կարևորագույն սրբավայրը, իսկ Սերգիև Պոսադ քաղաքն էլ՝ Ռուսաստանի հոգևոր մայրաքաղաքը։ Այդտեղ է գործում Մոսկովյան հոգևոր ակադեմիան։

Պատմություն

Ներկայիս Սերգիև Պոսադ քաղաքը կազմավորել է միջնադարում Սուրբ Երրորդության վանքի շուրջը եղած բնակավայրերի միավորմամբ։ Սուրբ Սերգեյ Ռադոնեժսկու վարքը (կենսագրությունը) վկայում է, որ 1340-ական թվականներին Բարդուղիմեոս (ավազանի անունով՝ Սերգեյ) և Ստեֆան եղբայրները այստեղ մի փոքր եկեղեցի են կառուցել, որի շուրջը հետագայում կազմավորվել են վանքն ու կից բնակավայրը։ 1380 թվականին իշխան Դմիտրի Իվանովիչ Դոնսկոյն իր զորքով եկել է վանք՝ Կուլիկովոյի ճակատամարտից առաջ օրհնություն ստանալու։ Վանական Սերգեյը 1392 թվականին վախճանվել է, իր մահից 30 տարի անց (1422 թ.) դասվել սրբերի կարգը, և նրա շիրմի վրա կառուցվել է Սուրբ Երրորդության ճերմակաքար տաճարը։

1608-1610 թվականներին լեհ-լիտվական զորքերը շուրջ 16 ամիս պաշարել են վանքը։ Ռուսաստանի նշանավոր արքաներից Պետրոս Առաջինը հաճախ է այցելել այդ վանքը, իսկ Մոսկվայում ստրելեցների բարձրացրած ապստամբության ժամանակաշրջանում (1698 թ.) նաև թաքնվել է այդտեղ։ 1744 թվականին կայսրուհի Ելիզավետա Առաջինի հրամանով վանքին դափնեպսակակրի՝ լավրայի տիտղոս է շնորհվել։

Մինչև 1919 թվականը քաղաքը կրել է Սերգիև Պոսադ անվանումը, խորհրդային կառավարության որոշմամբ, աթեիստական նկատառումներով, նախ անվանվել Սերգիևսկ, այնուհետև՝ 1930 թվականին՝ ռուս հեղափոխական Զագորսկու պատվին՝ Զագորսկ։ 1991 թվականին վերականգնվել է պատմական անվանումը՝ Սերգիև Պոսադ։

Տնտեսություն

Քաղաքի գլխավոր արդյունաբերական ձեռնարկությունները երկուսն են՝

• ԶԼԿԶ (ЗЛКЗ - Загорский лакокрасочный завод) - ներկեր արտադրող կարևոր գործարան՝ հիմնադրված 1955 թ. [1]
• ЭМЗ Звезда (Էլեկտրամեխանիկական գործարան «Զվեզդա» - Электомеханический завод Звезда) - 1941 թվականին հիմնադրված ռազմական գործարան, որը մասնագիտացել է տեղեկատվական համակարգերի արտադրության բնագավառում [2] Archived 2007-09-04 at the Wayback Machine.

Անվանի անձինք

• Անդրեյ Ռուբլյով - 14-րդ դարի նկարիչ, «Սուրբ Երրորդություն» սրբապատկերի հեղինակ
• Դանիիլ Չյոռնի - 14-րդ դարի նկարիչ, սրբապատկերների հեղինակ
• Պավել Ֆլորենսկի - աստվածաբան, փիլիսոփա, հետազոտող
• Վիկենտի Տրոֆիմով - նկարիչ
• Վլադիմիր Ֆավորսկի - նկարիչ, փայտափորագրող, գրաֆիկ
• Արիստարխ Լենտուլով - նկարիչ, ռուսական ավանգարդի ներկայացուցիչ
• Բորիս Կուստոդիև - նկարիչ
• Միխայիլ Նեստերով - նկարիչ

Գործընկեր քաղաքներ

• Վաղարշապատ (Հայաստան, 2010 -ից)
• Սարով (Ռուսաստան, 2007 -ից)
• Նոր Աֆոն (Աբխազիա, 2007 -ից)
• Գնեզնո (Լեհաստան, 2007 -ից)
• Սրեմսկի Կառլովցի (Սերբիա)
• Սալդուս (Լատվիա)
• Ֆուլդա (Գերմանիա, 1991 -ից)
• Բարի (Իտալիա, 2010 -ից)

Ուշագրավ փաստեր

2002 թվականին Էվելին Բուլանժեն ստեղծել է տղամարդկանց համար նախատեսված օծանելիք, որն անվանել է «Զագորսկ»։

Տեսարժան վայրեր

• Պաշտամունքային 7 կառույց՝ ներառյալ Սուրբ Երրորդության տաճարը
• Մոսկովյան հոգևոր ակադեմիան
• Խաղալիքների թանգարանը
• Պատմա-գեղարվեստական թանգարան-պահուստարանը
• «Եկեղեցա-հնագիտական կաբինետ» անվանումը կրող թանգարանը

Սերգիև Պոսադը լուսանկարներում

• 

  Սերգիև Պոսադը թռչնաթռիչքի բարձրությունից

• 

  Վանական համալիրի ընդհանուր տեսքը

• 

  Կենտրոնական փողոցը

• 

  Սբ. Երրորդության տաճարը

• 
• 
• 

  Համալիրի մուտքը

• 

  Սբ. Հոգու տաճարը (1476)

• 

  Զանգակատունը (1740-70)

• 

  Սեղանատունն ու Վերափոխման տաճարը

• 

  Վերափոխման մատուռը (XVII դարի վերջ)

• 

  Չեռնիգովյան եկեղեցին

• 

  Չեռնիգովյան եկեղեցու ներսը

• 

  Եղիա մարգարեի եկեղեցին

• 

  Խաղալիքների թանգարանը

• 

  Պողոս-Պետրոս եկեղեցին

Գրականություն

• Токарева Т. Ю. Приходские Церкви Сергиева Посада — Сергиев Посад, 1997.
• Филимонов К. А. Черниговский скит: история архитектурного ансамбля.
• Балдин В. И. Загорск. — М., 1958.
• статьи: Нестеров Михаил Васильевич, Пришвин Михаил Михайлович, Сергий Радонежский, Розанов Василий Васильевич, Фаворский Владимир Андреевич, Флоренский Павел Александрович, Загорск. — БСЭ
• Мясников А. Л. Золотое кольцо. История городов. Подарочное издание. Александр ПРИНТ, 2000.
• Четырина Н. А. Сергиевский посад в конце XVIII — начале XIX вв.. — АИРО-XXI, Дмитрий Буланин, 2006.
• Егорова Л. А. Окрестности Москвы. — ОЛМА-ПРЕСС Образование, 2006.
• Глушкова В. Путешествие из Москвы в Ярославль. Москва — Сергиев Посад — Переславль-Залесский — Ростов Великий — Ярославль. М.: Вече, 2007.
• Сергиев Посад (музей-заповедник). Альбом. Авторы: О. И. Зарицкая, Т. Н. Манушина. С. В. Николаева. — М.: Изд-во «АРТ-РОДНИК», 1997.
• Шпанькова Т. Н. Прогулки по родоному городу. Сергиев Посад. Красюковка. — Сергиев Посад, 2007.
• «Возвращение к вере. Храмы Радонежского края». Фотоальбом. — Сергиев Посад: Ремарко, 2007. — 256 с., илл. Твердый прошитый переплет. Матовая ламинация обложки. Выборочный лак. Бумага мелованная матовая. Тираж 5000 экз.

Արտաքին հղումներ

• Համայնքապետարանի պաշտոնական կայքէջը
• Քաղաքային խորհրդի պաշտոնական կայքէջը Archived 2017-12-20 at the Wayback Machine.
• Քաղաքի ճարտարապետական հուշարձանները «Храми Росії» կայքում