Սերգիյ Ռադոնեժսկու տաճար (Նիժնի Տագիլ)

Սերգիյ Ռադոնեժսկու տաճար
Հիմնական տվյալներ
Տեսակ	տաճար
Երկիր	Ռուսաստան
Տեղագրություն	Նիժնի Տագիլ
Դավանանք	ուղղափառություն
Թեմ	Նիժնի Տագիլի թեմ
Հիմնադրված	2001
Առաջին հիշատակում	2000
tagilsergiya.ru

Սերգիյ Ռադոնեժսկու տաճար (ռուս.՝ Храм Сергия Радонежского), ռուս ուղղափառ եկեղեցու Նիժնետագիլյան համայնքի տաճար, որը գտնվում է Նիժնի Տագիլ քաղաքի Տագիլշինյան շրջանի Մետալուրգների փողոցում։

Պատմություն

Տաճարը հիմնադրվել է 2000 թվականի սեպտեմբերի 25-ին Նիժնի Տագիլի մետալուրգիական կոմբինատի ղեկավարության խնդրանքով։ Տաճարի հիմքում առաջին քարը դրել են քաղաքագլուխ Ն. Ն. Դիդենկոն, Սվերդլովսկի մարզի նահանգապետ Է. Է. Ռոսսելը, Նիժնետագիլսկի մետալուրգիական կոմբինատի գլխավոր տնօրեն Սերգեյ Նոսովը և Մոսկվայի ու Համայն Ռուսիո պատրիարք Ալեքսի II-ը։ Տաճարի կառուցման համար ընտրվել է եկատերինբուրգցի ճարտարապետ Վ. Ի. Սիմինենկոյի նախագիծը, իսկ կապալառուն եղել է «Տագիլշին» տրեստը։

Տաճարի կառուցումը սկսվեց 2001 թվականին, այն ֆինանսավորում էին Նիժնի Տագիլի մետալուրգիական կոմբինատը, «Եվրազհոլդինգը» և Եկատերինբուրգի թեմը, որի մասին հիշատակվում է եկեղեցու պատին փակցված հուշատախտակին։ 2003 թվականի սեպտեմբերի 25-ին իրականացվեց տաճարի խաչերի և գմբեթի օծումը։ Տաճարի ամբողջական օծումը իրականացվել է 2004 թվականի հոկտեմբերի 22-ին, այն կատարել են Եկատերինբուրգի և Վերխոտուրսկի արքեպիսկոպոս Վիկենտիի, Սերգիևո-Պասադսկի եպիսկոպոս Ֆեոգնոստի և Բրյանսկի ու Սեվսկի արքեպիսկոպոս Ֆեոֆիլակտի կողմից։

Տաճարի ճարտարապետություն

Տաճարի Ռուս-բյուզանդական ճարտարապետությունում առկա են նաև Դասականության հիմնադրույթներ և 19-20-րդ դարերի շրջանի եկեղեցական ճարտարապետության ավանդույթներ։ Շատ գաղափարներ վերցվել են 1963 թվականին քանդված Վիյսկո-Նիկոլսկի եկեղեցու պատկերներից։

Տաճարի շենքը ունի խաչաձև գմբեթավոր քաղաքային եկեղեցու տեսք, կառուցված է բարձր գետնախարսխի վրա, նախատեսված է 800 մարդու համար։ Այն բաղկացած է քառակուսի քառաքայլ հիմնական ծավալից, կիսաշրջանաձև ելուստից գմբեթից և սեղանատնից։ Գերիշխող զանգակատունը 40 մետր բարձրությամբ, հասնում է մինչև խաչին։ Գմբեթի տանիքը ունի արտահայտիչ զարդաքանդակներ, որոնք պսակազարդված են սոխագմբեթներով։

Տաճարն ունի 11 զանգ` 6 կգ-ից մինչև 1,5 տոննա քաշով։ Ընդհանուր առմամբ, եկեղեցին ունի յոթ գմբեթ։ Եկեղեցու շինությունն ունի երեք մուտք։ Տաճարը նկարազարդել են մոսկվացի արվեստագետները` ըստ Ռուսաստանի վաստակավոր նկարիչ Վ. Պավլովի էսքիզների։

Արտաքին հղումներ

• «История храма» (ռուսերեն)։ Храм во имя святого преподобного Сергия Радонежского։ Վերցված է 2014-03-19 
• «Храм во имя св. прп. Сергия Радонежского» (ռուսերեն)։ Нижнетагильская епархия Русской Православной Церкви։ Վերցված է 2014-03-19 (չաշխատող հղում)
• «В НИЖНЕМ ТАГИЛЕ ТРИ АРХИЕРЕЯ СОВЕРШАТ ОСВЯЩЕНИЕ ХРАМА ПРЕПОДОБНОГО СЕРГИЯ РАДОНЕЖСКОГО» (ռուսերեն)։ Православие.Ru։ 2004-10-21։ Վերցված է 2014-03-19 
• «Храм во имя Сергия Радонежского в г. Нижний Тагил» (ռուսերեն)։ ПРОЕКТНО-РЕСТАВРАЦИОННАЯ МАСТЕРСКАЯ при Уральской государственной архитектурно-художественной академии։ Վերցված է 2014-03-19