Սերգեյ Մկրտչյան

Սերգեյ Մկրտչյան
Ծնվել է	օգոստոսի 24 (սեպտեմբերի 6), 1911 Աշխաբադ, Transcaspian Oblast, Թուրքեստան, Ռուսական կայսրություն
Մահացել է	օգոստոսի 26, 1974(1974-08-26) (62 տարեկան) Երևան, Հայկական ԽՍՀ, ԽՍՀՄ
Քաղաքացիություն	Ռուսական կայսրություն և  ԽՍՀՄ
Մասնագիտություն	երկրաբան
Գիտական աստիճան	պրոֆեսոր, ակադեմիկոս և Երկրաբանա-հանքաբանական գիտությունների դոկտոր
Պարգևներ	ԽՍՀՄ պետական մրցանակ Հայկական ԽՍՀ գիտության վաստակավոր գործիչ Լենինի շքանշան «Պատվո նշան» շքանշան Կարմիր Աստղի շքանշան Ստալինյան մրցանակ «1941-1945 թթ. Հայրենական մեծ պատերազմի ժամանակ անձնվեր աշխատանքի համար» մեդալ «Կովկասի պաշտպանության համար» մեդալ և Աշխատանքային Կարմիր դրոշի շքանշան
Կուսակցություն	ԽՄԿԿ

Սերգեյ Սեդրակի Մկրտչյան (օգոստոսի 24 (սեպտեմբերի 6), 1911, Աշխաբադ, Transcaspian Oblast, Թուրքեստան, Ռուսական կայսրություն - օգոստոսի 26, 1974(1974-08-26), Երևան, Հայկական ԽՍՀ, ԽՍՀՄ), հայ խորհրդային երկրաբան։ ՀԽՍՀ ԳԱ ակադեմիկոս (1956 թ.), պրոֆեսոր (1955 թ.), ՀԽՍՀ գիտության վաստակավոր գործիչ (1961 թ.)։ ԽՄԿԿ անդամ 1944 թվականից։

Կենսագրություն

1932 թվականին ավարտել է Ադրբեջանի պոլիտեխնիկական (հետագայում՝ նավթի) ինստիտուտը։ 1932-1942 թվականներին աշխատել է ՀԽՍՀ Մինիստրների խորհրդի երկրաբանական վարչությունում որպես երկրաբանա-հետախուզական ջոկատների պետ և տեխնիկական ղեկավար, իսկ 1943-1947 թվականներին՝ գլխավոր ինժեներ և պետի տեղակալ։ 1947 թվականից աշխատել է ՀԽՍՀ ԳԱ համակարգում, նախ՝ երկրաբանական գիտությունների ինստիտուտի սեկտորի վարիչ, 1950-1963 թվականներին և 1971-1974 թվականներին՝ տնօրեն։ 1961 - 1967 թվականներին ընտրվել է ՀԽՍՀ ԳԱ ակադեմիկոս քարտուղար, 1967-1971 թվականներին՝ ՀԽՍՀ ԳԱ փոխնախագահ։ Մկրտչյանը աշխատանքային գործունեությանը զուգընթաց դասախոսել է Երևանի համալսարանում։ Աշխատություններում լուսաբանել է օգտակար հանածոների առաջացման ու տեղաբաշխման օրինաչափություններին՝ մագմատիզմին և երկրաբանական պատմությանը վերաբերող մի շարք պրոբլեմներ։ Նրա ղեկավարությամբ և ակտիվ մասնակցությամբ կատարված երկրաբանական հետազոտությունները հնարավորություն ընձեռեցին հիմնավորել և ՀԽՍՀ ընդերքում բացահայտել հարուստ բնական ռեսուրսներ։ Մկրտչյանը մասնակցել է «Հայկական ԽՍՀ երկրաբանություն» բազմահատոր հիմնարար հրատարակության կազմման աշխատանքներին և խմբագրել այն։ Մասնակցել է Միջազգային երկրաբանական կոնգրեսի XXII (Հնդկաստան, 1964 թ.), XXIII (Չեխոսլովակիա, 1968 թ.) և XXIV (Կանադա, 1972 թ.) նստաշրջանների աշխատանքներին։

Պարգևներ

ԽՍՀՄ պետական մրցանակի դափնեկիր (1950 թ.)։

Պարգևատրվել է Լենինի և այլ շքանշաններով։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 644)։