Սերգեյ Մավրոդի (պրոֆեսոր)

Վիքիպեդիայից՝ ազատ հանրագիտարանից
Սերգեյ Մավրոդի
Ծնվել է1965
ԾննդավայրԽՍՀՄ
Քաղաքացիություն ԱՄՆ
Մասնագիտությունգեղարվեստական ​​ղեկավար, գրող, կինոռեժիսոր և գյուտարար

Սերգեյ Անատոլևիչ Մավրոդի (ռուս.՝ Сергей Анатольевич Мавроди, անգլ.՝ Sergey Mavrody, 1965, ԽՍՀՄ- 26 մարտ, 2018, Մոսկվա), ռուսական և հունական ծագման ռուս և ամերիկացի հեղինակ, ռեժիսոր, ստեղծագործական տնօրեն, գյուտարար։

Կենսագրություն[խմբագրել | խմբագրել կոդը]

Մավրոդին Մոսկվայից տեղափոխվել է Միացյալ Նահանգներ 1990 թվականին։ 1996 թվականին Միացյալ Նահանգների կառավարությունը նրան տրամադրել է Genius վիզա, իսկ մի քանի տարի անց նա ստացել է Ամերիկայի քաղաքացիություն[1]։ 1990 թվականին Մավրոդին Մոսկվայի Գերասիմովի անվան կինեմատոգրաֆիայի համառուսական պետական ինստիտուտում ստացել է գեղեցիկ արվեստների մագիստրոսի կոչում[2]։ Մավրոդիի ուսուցիչները եղել են Իվան Իվանով-Վանոն (Խորհրդային միության կինոռեժիսոր, հայտնի է որպես «պատրիարք ռուսական անիմացիայից») և Ստանիսլավ Սոկոլովը (կինոռեժիսոր, Էմմի մրցանակաբաշխության դափնեկիր)[1]։

Մավրոդին իր ուսումը շարունակել է Չիկագոյի արվեստի ինստիտուտում, որտեղ 1992 թվականին ստացել է գեղեցիկ արվեստների մագիստրոսի երկրորդ կոչումը[2]` որպես ձևավորող և համակարգչային անիմատոր[3]։ Մավրոդիի գործունեությունը կապված էր ձևավորման տարբեր դիսցիպլինների հետ, այդ թվում` վեբ ձևավորման, HTML5 տեխնոլոգիայի, օգտատիրոջ ինտերֆեյսի ձևավորման, վիզուալ ձևավորման, ինտերակտիվ ձևավորման, կինոյի և անիմացիայի ձևավորման հետ։ Մավրոդին Չիկագոյի արվեստի ինստիտուտում[2] և DeVry համալսարանում եղել է պրոֆեսոր[4]։

1992 թվականին Մավրոդին համագործակցել է Էդուարդ Կացի հետ` ֆուտուրիստ-պոետ Վասիլի Կամենսկու «Հեռախոս» պոեմի վիզուալ թարգմանության ստեղծման գործում։ Պոեմը եղել է Կամենսկու «Տանգո կովերի հետ» բանաստեղծությունների գրքի մի մասը, որը հրատարակվել է 1914 թվականին։ Այդ վիզուալ թարգմանությունը հրապարակել է Փարիզ 1 Սորբոնի պանթեոն համալսարանը (Փարիզ)[5]։

Գրքր և հրապարակումներ[խմբագրել | խմբագրել կոդը]

2012 թվականից Մավրոդիի անգլերեն գրքերը փափուկ կազմով հրապարակվել են ամերիկյան Ingram Content Group հրատարակիչների, Belisso կորպորացիայի և Ամազոն ընկերության կողմից` Amazon Kindle ձևաչափով։ Գրքի արտոնագիրը ձեռք էր բերվել նաև չինարեն` չինական գրքի շուկայի համար, որից հետո գիրքը հրապարակել է Post and Communication Press չինական ընկերությունը։ Հրատարակության համար կորեերեն արտոնագիրը ձեռք է բերել J-Pub հարավկորեական հրատարակչությունը։ Ըստ HTML5 Arena կայքի հրապարակումների` գիրքը նաև դասվում է HTML5 լավաագույն գրքերի շարքում։

Անգլերեն ընտրված գրքեր[խմբագրել | խմբագրել կոդը]

  • ART-RESEAUX, թողարկում дю CERAP, Փարիզ 1 Սորբոնի պանթեոն համալսարան, Ֆրանսիա։ 1992 թվական։ ISBN 2-9506594-0-3: Կոլեկտիվ աշխատանք։
  • Սերգեյ Մավրոդի։ Արվեստի վիզուալ ձևեր` ավանդականից թվային։ 2007 թվական։ ISBN 978-0-9833867-5-9:
  • Sergey’s HTML5 և CSS3 Quick Reference: Black & White Edition: 2010 թվական։ ISBN 0-615-43891-1:
  • Sergey’s HTML5 և CSS3 Quick Reference: Color Edition: 2011 թվական։ ISBN 0-615-43321-9:
  • Sergey’s HTML5 և CSS3 Quick Reference (երկրորդ հրատարակություն)։ 2012 թվական։ ISBN 0-9833867-2-2:
  • Sergey’s HTML5 և CSS3: HTML5, CSS3 և API: (երրորդ հրատարակություն)։ 2013 թվական։ ISBN 0-9833867-4-9:
  • Հեղինակային կինոյի համաշխարհային կինոալմանախ 2016 թվական։ ISBN 978-1532947582:

Գրքեր և հրապարակումներ ռուսերեն[խմբագրել | խմբագրել կոդը]

  • «Գեղարվեստական կրթությունն Ամերիկայում», հեղինակ` Սերգեյ Մավրոդի։ Ճանապարհ դեպի էկրան, Գոսկինի պարբերականը։ 1990 թվական։
  • «HTML5 և CSS3 Տեղեկատու (երրորդ հրատարակություն)»։ Հեղինակ` Սերգեյ Մավրոդի։ 2013 թվական, Պետերբուրգ։
  • «Ժամանակակից արվեստը ռուսաստանում 2006-ից 2012 թվական»։ Հեղինակ` Յուլիա Հելման։ Նախաբանն ըստ Սերգեյ Մավրոդի։ 2013 թվական, Մոսկվա:ISBN 978-0983386797
  • «Ժամանակակից արվեստը ռուսաստանում 2000-ից 2005 թվականը»։ Հեղինակ` Յուլիա Հելման։ Նախաբանն ըստ Սերգեյ Մավրոդի։ 2013 թվական, Մոսկվա։ ISBN 978-0983386766

Գրքեր այլ լեզուներով[խմբագրել | խմբագրել կոդը]

Կինոնկարիչ և ռեժիսոր[խմբագրել | խմբագրել կոդը]

1988 թվականին Մավրոդին որպես բեմադրող նկարիչ համատեղ աշխատել է խորհրդա-ամերիկյան «Կամուրջ» երաժշտական ֆիլմում, որը հայտնի է դարձել մամուլում և ստացել է բազմաթիվ մրցանակներ[6][7][8][9][10], ներառյալ Ամերիկյան հեռուստատեսային ակադեմիայի դրամաշնորհը[11], որը հայտնի է որպես College Emmy: Մավրոդին նաև եղել է 1990 թվականին նկարահանված «Հաղթահարելով բաժանումը» վավերագրական ֆիլմի առարկան, որը հնչունավորել է ամերիկացի հայտնի ռադիոհաղորդավար Քեյսի Քասեմը (անգլ.՝ Casey Kasem)[12]:

1990 թվականին Մավրոդին կատարել է պրոդյուսերի և ռեժիսորի դերը «Վտանգավոր մոլորակ» ամինացիոն ֆիլմում, որը ստացել է պատվավոր մրցանակ միջազգային փառատոնի ժամանակ (Հյուսիսային Կարոլինա)։ Ֆիլմը ցուցադրվել է նաև ամերիկյան WTTW հեռուստաալիքով և Ռուսաստանի առաջին ալիքով 1991 թվականի օգոստոսի 31-ին[13]։ «Վտանգավոր մոլորակ» ֆիլմը զբաղեցրել է երրորդ տեղը Չիկագոնյան կինոյում և Moving Image վիդեո փառատոնում։ Ֆիլմը պատմություն է այլմոլորակայինի մասին, որը եկել էր երկիր, բայց ողբերգականորեն մնում է աննկատ, մեզ հիշեցնելով, որ ամենաթանկ և երկար սպասված իրադարձությունը մարդկային պատմության մեջ կարող է լինել տխուր և սովորական միջադեպ։ Մավրոդիի հաջորդ անիմացիոն ֆիլմի` «Հովվերգության» երաժշտական շարքը ստեղծվել է Music Disques Dreyfus ընկերության հետ համագործակցության ընթացքում և ընդգրկել է Ժան Միշել Ժարի «L 'Оркестр Sous La Pluie» («Նվագախումբն անձրևի տակ») ստեղծագործությունը` Չինաստանում տեղի ունեցած համերգի ալբոմից (Les Concerts En Chine)[14]:

Մավրոդին եղել է միջազգային անիմացիոն կինոյի միության անդամ Միջին արևմուտքում և գլխավոր անիմացիոն ժյուրի Չիկագոյի կինոփառատոնում[15]։ Սերգեյ Մավրոդին համարվում է Չիկագոյի հեղինակային ֆիլմի Բլոու-Ապ կինոփառատոնի հիմնադիրը և նախագահը[16][17]։

Ֆիլմագրություն[խմբագրել | խմբագրել կոդը]

Տարի Ֆիլմի անվանում Տեսակ Դեր Ընտրված մրցանակներ և կինոփառատոններ
1988 Կամուրջ Երաժշտական նկարիչ-բեմադրող
  • College Emmy Award, LA. 1988[11]
1989 Մարիա, Մարիբելան Տրանզիստորիայում անիմացիա, ֆենտեզի, մյուզիքլ բեմադրողի նկարչի օգնական
  • Prize at the International Film Festival, Giffone, Italy. 1989
1990 Արգելքի հաղթահարումը վավերագրական ինքն իրեն
  • CINE Eagle Award, Washington, D.C., 1990[11]
1991 Վտանգավոր մոլորակ անիմացիա, ֆանտազիա ռեժիսոր
  • Honorable Mention in Animation. N. Carolina International Festival, 1991[18]
  • The 3rd Place, Chicago Moving Image Film/Video Festival, 1991[19]
2007 Լուսինը հելոուինի ժամանակ տեսանյութ բեմադրող նկարիչ
2009 Հովվերգություն անիմացիա ռեժիսոր
  • 7th Matsalu nature Film Festival, 2009, Եզրափակիչ, Տալլին
2009 Ever Ever On տեսահոլովակ սցենարիստ
2010 Առաջին շփումը անիմացիա ռեժիսոր
2013 Այս քաղաքը վավերագրական պրոդյուդեր
2017 All Things Beautiful թրեյլեր պրոդյուսեր
  • Номинация — Queens Film Festival[20]
2017 Darkside Stories թրեյլեր պրոդյուսեր
  • Номинация Queens Spirit Award — Spotlight Horror Film Awards[21]
2017 The 'What If' Factor դրամա պրոդյուսեր

Գյուտեր[խմբագրել | խմբագրել կոդը]

Սերգեյ Մավրոդին հրապարակել է իր հայտնագործությունները ԱՄՆ Հեղինակային իրավունքների և հեղինակային նշանների գերատեսչությունում։ Երկու արտոնագրերն էլ բջջային տեխնոլոգիաների ոլորտից են։

Ծանոթագրություններ[խմբագրել | խմբագրել կոդը]

  1. ↑ 1,0 1,1 «Interaction Design Association: Sergey Mavrody». Ixda.org. Արխիվացված է օրիգինալից 2014 թ․ հուլիսի 14-ին. Վերցված է 2013 թ․ ապրիլի 14-ին.
  2. ↑ 2,0 2,1 2,2 The School of the Art Institute of Chicago. Summer 1998 Course Schedule. p.57, Faculty Biographies: Sergey Mavrody
  3. ↑ «Books by Sergey Mavrody». Amazon.com. Վերցված է 2013 թ․ ապրիլի 14-ին.
  4. ↑ DeVry University, School of Media Arts and Technology. 2012 Course Schedule.
  5. ↑ ART-RÉSEAUX, Editions du CERAP, Université Paris 1 Panthéon Sorbonne. 1992. P22. ISBN 2-9506594-0-3
  6. ↑ Warren, James (October 11, 1988). «1st Joint Music Video Puts Soviets, Americans In Tune With The Times» Chicago Tribune.
  7. ↑ Voland, John (October 17, 1988). «Pop & Rock» Los Angeles Times.
  8. ↑ (Spring 1989). Award Winner Q & A." Academy of Television Arts & Sciences.
  9. ↑ Dupler, Steven (December 17, 1988). The Eye." Billboard.
  10. ↑ Block, Cody (September 5, 1988). «Celluloid Curtain.» Screen.
  11. ↑ 11,0 11,1 11,2 Bridge Film Official Site
  12. ↑ «Bridging the Gap» IMBD.
  13. ↑ Weekly program listings (1991), TV Guide, Vol. 4
  14. ↑ Pastoral film soundtrack on IMDB
  15. ↑ Chicago International Children’s Film Festival Guide, 1994
  16. ↑ О кинофестивале авторского кино Блоу-Ап.
  17. ↑ Интервью с президентом кинофестиваля авторского кино Блоу-Ап.
  18. ↑ Futch, Michael (1991 թ․ փետրվարի 8). «Spotlight Fayetteville: City Prepares to Host Film and Video». The Fayetteville Observer. Վերցված է 2012 թ․ նոյեմբերի 4-ին.
  19. ↑ Chicago Moving Image Film / Video Festival, newsletter, February 9-11, 1991
  20. ↑ «Номинация Queens Film Festival».
  21. ↑ «Номинация Queens Spirit Award Spotlight Horror Film Awards».

Արտաքին հղումներ[խմբագրել | խմբագրել կոդը]

Ստացված է «https://hy.wikipedia.org/w/index.php?title=Սերգեյ_Մավրոդի_(պրոֆեսոր)&oldid=9490211» էջից