Սերգեյ Կորովին

Սերգեյ Կորովին
Ծնվել է	օգոստոսի 19, 1858
Ծննդավայր	Մոսկվա, Ռուսական կայսրություն
Վախճանվել է	հոկտեմբերի 26, 1908 (50 տարեկան)
Մահվան վայր	Մոսկվա, Ռուսական կայսրություն
Քաղաքացիություն	Ռուսական կայսրություն
Կրթություն	Մոսկվայի նկարչության, քանդակագործության և ճարտարապետության ուսումնարան
Մասնագիտություն	նկարազարդող և նկարիչ
	Sergey Korovin Վիքիպահեստում

Սերգեյ Ալեքսեևիչ Կորովին (օգոստոսի 19, 1858(1858-08-19)^[1]^[2], Մոսկվա, Ռուսական կայսրություն^[3] - հոկտեմբերի 26, 1908(1908-10-26)^[1]^[2], Մոսկվա, Ռուսական կայսրություն^[3]), ռուս նկարիչ, Կոնստանտին Կորովինի եղբայրը։ Սովորել է Մոսկվայի գեղանկարչության, քանդակագործության և ճարտարապետության ուսումնարանում։ Շարունակել է պերեդվիժնիկների արվեստի ավանդույթները («Պատժից առաջ», 1884, ԽՍՀՄ Հեղափոխության թանգարան, Մոսկվա)։ Ստեղծել է գյուղացիական թեմաներով նկարներ («Համայնքի առաջ», 1893, Տրետյակովյան պատկերասրահ)։ Նկարազարդել է Գոգոլի «Շինել» վիպակը (1900-1908) և այլ հեղինակների գործեր^[4]։

Կենսագրություն[խմբագրել | խմբագրել կոդը]

Սերգեյ Կորովինը ծնվել է ունևոր վաճառականի հնադավանական ընտանիքում^[5]։ Հայրը՝ Ալեքսեյ Միխայլովիչը, սովորել է համալսարանում, սակայն չի ավարտել, մայրը՝ Ապոլինարիա Իվանովնան, Վոլկովի բնակիչ էր, սերում էր վաճառականի սերնդից։

1874-1886 թվականներին սովորել է Մոսկվայի գեղանկարչության, քանդակագործության և ճարտարապետության ուսումնարանում Վասիլի Պերովի, Ալեքսեյ Սավրասովի և հեռավոր ազգական Իլարիոն Պրյանիշնիկովի մոտ^[5]։ 1888-1907 թվականներին դասավանդել է նույն ուսումնարանում՝ ընդմիջելով միայն 1894-1898 թվականներին։

Ռուս նկարիչների միության անդամ։

Շարունակում էր պերեդվիժնիկների արվեստի ավանդույթները («Պատժից առաջ», 1884, Ռուսաստանի ժամանակակից պատմության թանգարան, Մոսկվա)^[6]։ Նրա ամենանշանավոր աշխատանքներից մեկը՝ «Համայնքի առաջ» կտավն (Տրետյակովյան պատկերասրահ, 1893) ունի յուրօրինակ կոմպոզիցիա և արտացոլում է 1861 թվականի բարեփոխումներից հետո գյուղական շրջանում կատարվող իրադարձությունները։

1890-ական թվականների երկրորդ կեսին նկարչի կտավներն աչքի են ընկնում նրբագեղությամբ, քնարականությամբ․ հաճախ է նկարում բնանկարներ։ Եթե նախկինում Կորովինն իր նկարներում մանրամասն մշակում էր բոլոր մանրամասնությունները, ապա այժմ նրա աշխատանքներում ի հայտ է գալիս տրամադրություն՝ արտահայտված էտյուդային ոճով։

Սերգեյ Կորովինի պատկերազարդումներից առանձնանում են Նիկոլայ Գոգոլի «Շինել» պատմվածքի պատկերները (1900-1908թթ, Տրետյակովյան պատկերասրահ, Ռուսական թանգարան)

Հանկարծամահ է եղել 1908 թվականին սրտային անբավարարությունից^[5]։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 RKDartists (նիդերլ.)
↑ ^2,0 ^2,1 ^2,2 ^2,3 ^2,4 Կերպարվեստի արխիվ — 2003.
↑ ^3,0 ^3,1 ^3,2 ^3,3 ^3,4 ^3,5 Коровин Сергей Алексеевич // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
↑ Հայկական Սովետական Հանրագիտարան, 5-րդ հատոր։ Երևան: Հայկական Հանրագիտարան Հրատարակչություն։ 1979։ էջ 662
↑ ^5,0 ^5,1 ^5,2 Brief biography Archived 2016-03-04 at the Wayback Machine. @ RusArtNet.
↑ Brief biography @ Russia IC.

Գրականություն[խմբագրել | խմբագրել կոդը]

Pyotr Suzdalev, Сергей Алексеевич Коровин, Художник РСФСР (Artists of the RSFSR), 1967

Արտաքին հղումներ[խմբագրել | խմբագրել կոդը]

An appreciation of Korovin's work by Pyotr Suzdalev @ Art Poisk.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 662)։

[_47b9032e4c32961d-1] 1,0 ^1,1 ^1,2 ^1,3 ^1,4 RKDartists (նիդերլ.)

[_0985d396f0f7959e-2] 2,0 ^2,1 ^2,2 ^2,3 ^2,4 Կերպարվեստի արխիվ — 2003.

[_f42f6109dc64794d-3] 3,0 ^3,1 ^3,2 ^3,3 ^3,4 ^3,5 Коровин Сергей Алексеевич // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.

[4] Հայկական Սովետական Հանրագիտարան, 5-րդ հատոր։ Երևան: Հայկական Հանրագիտարան Հրատարակչություն։ 1979։ էջ 662

[R-5] 5,0 ^5,1 ^5,2 Brief biography Archived 2016-03-04 at the Wayback Machine. @ RusArtNet.

[I-6] Brief biography @ Russia IC.

[1]

[2]

[3]

[4]

[5]

[6]