Սերգեյ Եսենինի հուշարձան (Սանկտ Պետերբուրգ)
Սերգեյ Եսենինի հուշարձան | |
---|---|
Սերգեյ Եսենինի հուշարձանը | |
Տեսակ | հուշարձան |
Ճարտարապետ | Feliks Romanovsky? |
Երկիր | Ռուսաստան |
Բնակավայր | Սանկտ Պետերբուրգ |
Շինության ձև | քանդակ |
Ներկա վիճակ | Կանգուն |
Սերգեյ Եսենինի հուշարձան (ռուս.՝ Памятник Сергею Есенину), հուշարձան Ռուսաստանի Սանկտ Պետերբուրգ քաղաքի Տավրիկյան զբոսայգում, որը նվիրված է ռուս բանաստեղծ Սերգեյ Եսենինին։
Պատմություն[խմբագրել | խմբագրել կոդը]
1995 թվականին նշվում էր բանաստեղծ Սերգեյ Եսենինի 100-ամյակը։ Այդ տարեթվի նախօրեին «Սերգեյ Եսենին» բարեգործական հիմնադրամը որոշել էր Սանկտ Պետերբուրգում տեղադրել Եսենինի հուշարձանը։ Այդ քաղաքում բանաստեղծն անցկացրել է կյանքի վերջին օրերը։ Նույն հիմնադրամը ֆինանսավորել է հուշարձանի նախագծումը, պատրաստումը և տեղադրումը[1]։
Հուշարձանի տեղադրման համար ընտրվել է Տավրիկյան զբոսայգին։ Հուշարձանի հեղինակն է քանդակագործ Ալբերտ Չարկինը[2]։ Հուշարձանը ստեղծելիս նա աշխատել է 1994 թվականի մայիսից իր արվեստանոցում։ Հուշարձանի համար նա մշակել է ութ տարբեր էսքիզներ, որոնց թվում էին այնպիսի տարբերակներ, որտեղ բանաստեղծ Եսենինը պատկերված էր զբոսայգում քայլելիս, լճի մոտ խոտին պառկած և նստարանին նստած։ Արդյունքում հաստատվել է այն տարբերակը, որտեղ Եսենինը պատկերված է նստած[1]։
Հուշարձանը պատրաստվել է «Քանդակ» գործարանում կարելական սպիտակ մարմարից։ Նրա բարձրությունը 2,5 մ է։ Հուշարձանի պլինթոսի երկայնքով փորագրված է «Սերգեյ Եսենին» պարզ մակագրությունը։ Պատվանդանը պատրաստված է մոխրագույն գրանիտից, բարձրությունը 0,5 մ է[1]։
Հուշարձանը բացվել է 1995 թվականի հոկտեմբերի 3-ին, իսկ 15 տարի անց վերականգնվել է վանդալությունից վնասվելուց հետո[1]։
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
- «Памятник Есенину С. А.». Энциклопедия Санкт-Петербурга. Վերցված է 2016 թ․ հունիսի 12-ին.
- «Памятник Сергею Есенину в Таврическом саду». S-pb.in Дыхание Питера. Վերցված է 2016 թ․ հունիսի 12-ին.