Սերգեյ Գալստյան (երգիչ)

Վիքիպեդիայում կան հոդվածներ Գալստյան ազգանունով այլ մարդկանց մասին։

Անվան այլ կիրառումների համար տե՛ս՝ Սերգեյ Գալստյան (այլ կիրառումներ)

Սերգեյ Գալստյան
Հիմնական տվյալներ
Ծնվել է	նոյեմբերի 5, 1924(1924-11-05)
Մահացել է	հունիսի 26, 2001(2001-06-26) (76 տարեկան)
Մասնագիտություն	երաժիշտ
Աշխատավայր	Ալեքսանդր Սպենդիարյանի անվան օպերայի և բալետի ազգային ակադեմիական թատրոն և Երևանի Կոմիտասի անվան պետական կոնսերվատորիա
Կրթություն	Մոսկվայի կոնսերվատորիա (1949)
Պարգևներ

Սերգեյ Արտյոմի Գալստյան (նոյեմբերի 5, 1924(1924-11-05) - հունիսի 26, 2001(2001-06-26)), հայ օպերային երգիչ, քնարական բարիտոն։ ՀԽՍՀ ժողովրդական արտիստ (1967)։

Կենսագրություն

Սերգեյ Գալստյանը ծնվել է Լենինականում։ 1942 թվականին զորակոչվել է բանակ և մասնակցել Հայրենական Մեծ պատերազմին։ 1949 թվականին ավարտել է Մոսկվայի պետական կոնսերվատորիան՝ Նիկոլայ Սպերանսկու դասարանը։ 1949-1974 թվականներին եղել է Երևանի օպերայի և բալետի թատրոնի մեներգիչ, եղել է Հայպետէստրադայի, պարի պետական անսամբլի, սիմֆոնիկ նվագախմբի, Հայաստանի Կապելլայի տնօրենը։ Եղել է Երևանի Կոմիտասի անվան կոնսերվատորիայի պրոռեկտորը։ Սերգեյ Գալստյանի անմիջական մասնակցությամբ ստեղծվել են Երևանի Մնջախաղի, Կամերային թատրոնները, «Ուրարտու», «Արմինե», «Էրեբունի» էստրադային համույթներ, աշուղական կոլեկտիվներ։ Հյուրախաղերով հանդես է եկել արտերկրում։ Երգել է նաև տարբեր ազգերի ժողովրդական երգեր։ 1974 թվականին թողել է բեմը։

Դերերգեր

• Օնեգին՝ Չայկովսկու «Եվգենի Օնեգին»
• Ելիցկի՝ Չայկովսկու «Պիկովայա դամա»
• Ժերմոն՝ Վերդիի «Տրավիատա»
• Ջոն Սորել՝ Մենոտիի «Հյուպատոսը»
• Արշակ՝ Տիգրան Չուխաճյանի «Արշակ Բ»
• Սարո՝ Արմեն Տիգրանյանի «Անուշ»

Մրցանակներ և պարգևներ

• ՀԽՍՀ վաստակավոր արտիստ, 1960
• ՀԽՍՀ ժողովրդական արտիստ, 1967