Սերբիայի ազգային գրադարան

Սերբիայի ազգային գրադարան

Երկիր	Սերբիա
Տեսակ	ազգային գրադարան, ակադեմիական հրատարակիչ և մշակութային կառույց
Հիմնվել է	1832
Տեղադրություն	Բելգրադ
Հասցե	Skerlićeva 1, 11000 Beograd
Այլ տվյալներ
Կայք	nb.rs​(սերբ.)

Սերբայի ազգային գրադարանը (սերբ.՝ Народна библиотека Србије) տեղակայված է Բելգրադում։ Գրադարանում պահպանվոմ են գրքեր, գիտական ամսագրեր, թերթեր, ամսագրեր, ձայնագրություններ, քարտեզներ, նկարներ, ձեռագրեր և այլն։ Գրադարանի ընդհանուր հավաքածուն ընդգրկում է շուրջ 6 միլիոն նմուշ։

Պատմություն

Գրադարանի հիմնադրումը կապվում է 1832 թվականի փետրվարին տեղի ունեցած պատմական իրադարձության հետ, երբ Դիմիտրիե Դավիդովիչը՝ սերբական առաջին թերթի հրատարակիչը, նամակով դիմեց կոմս Միլոշ Օբրենովիչին։ Նույն թվականի նոյեմբերին կոմսը հրաման արձակեց պարտադիր օրինակներ ուղարկել Ազգային գրադարանին։

Առաջին համաշխարհային պատերազմի ժամանակ գրադարանն ու նրա հավաքածուն վնասվեցին ռմբակոծությունների հետևանքով, այդ պատճառով էլ մնացած հավաքածուն Բելգրադից տեղափոխվեց Նիշ ու Կրաուգևաց։ Պատերազմի ավարտից հետո Ազգային գրադարանի մասին ակտի ու 1919 թվականի Տպագրության մասին օրենքի համաձայն՝ Գրադարանը դարձավ կենտրոնական պետական ու ստացավ ողջ Հարավսլավիայում տպագրվող գրքերից պարտադիր օրինակներ ստանալու իրավունք։

Երկրորդ համաշխարհային պատերազմի ժամանակ տեղի ունեցած ռմբակոծությունները ամբողջովին ոչնչացրին գրադարանն ու նրա հավաքածուն, որ ներառում էր 500 000 գիրք, ինչպես նաև կիրիլյան 1424 ձեռագրեր, շուրջ 1500 օրինակ հնագույն քարտեզներ ու գրավյուրաներ, 4000 ամսագրերից կազմված հավաքածուներ, 1800 թեթեր՝ թուրքական փաստաթղթերի արխիվի և ցուցակների ու կատալոգների հետ։

1944 թվականին Բելգրադի ազատագրումից հետո սկսվեցին գրադարանի վերակառուցման աշխատանքները։

Արտաքին հղումներ

Սերբիայի ազգային գրադարան էջը Վիքիպահեստում

• «Պաշտոնական կայքը» (սերբերեն). Վերցված է 2014 թ․ ապրիլի 22-ին.
• «Tri veka burne istorije Narodne biblioteke Srbije» (սերբերեն). Վերցված է 2014 թ․ ապրիլի 22-ին.

Վիքիպահեստն ունի նյութեր, որոնք վերաբերում են «Սերբիայի ազգային գրադարան» հոդվածին։