Սեսիլյա Բո

Վիքիպեդիայից՝ ազատ հանրագիտարանից
Jump to navigation Jump to search
Սեսիլյա Բո
Cecilia Beaux.jpg
Ծնվել էմայիսի 1, 1855(1855-05-01)[1][2][3][…]
ԾննդավայրՖիլադելֆիա, Փենսիլվանիա, ԱՄՆ[4]
Վախճանվել էսեպտեմբերի 17, 1942(1942-09-17)[5][6][7][…] (87 տարեկան)
Մահվան վայրԳլոստեր, Էսեքս շրջան, Մասաչուսեթս, ԱՄՆ[8]
ՔաղաքացիությունFlag of the United States (1912-1959).svg ԱՄՆ
ԿրթությունԺյուլիանի ակադեմիա և Պենսիլվանիայի գեղարվեստի ակադեմիա[9]
Մասնագիտություննկարչուհի
Ոճամերիկյան ռեալիզմ[10]
Ժանրդիմապատկեր[4]
Թեմաներդիմանկար
Ուշագրավ աշխատանքներSita and Sarita?
ՈւսուցիչԹոնի Ռոբեր Ֆլյորի
ԱշակերտներBetsy Flagg Melcher? և Lucy Taggart?
ԱնդամակցությունԱրվեստի և գրականության ամերիկյան ակադեմիա
ՄայրCecilia Leavitt?
Cecilia Beaux Վիքիպահեստում

Սեսիլյա Բո[11] (ֆր.՝ Cecilia Beaux Cecilia Beaux , մայիսի 1, 1855(1855-05-01)[1][2][3][…], Ֆիլադելֆիա, Փենսիլվանիա, ԱՄՆ[4] - սեպտեմբերի 17, 1942(1942-09-17)[5][6][7][…], Գլոստեր, Էսեքս շրջան, Մասաչուսեթս, ԱՄՆ[8]), ամերիկացի նկարիչ։

Կյանք և ստեղծագործական գործունեություն[խմբագրել | խմբագրել կոդը]

Ապագա նկարչի հայրը ֆրանսիացի էր, մայրն՝ ամերիկացի։ Մոր վաղաժամ մահից հետո Սեսիլյան և նրա քույրը դաստիարակվել են մայրական գծի հարազատների կողմից։ Սեսիլյան 1871 թվականից սկսել է նկարչության դասեր ստանալ իր հորաքրոջից, այդ ժամանակ նա հետաքրքրվել է հիմնականում պատմական և կրոնական նկարներով։ Ունենալով մեծ տաղանդ, սովորել է հոլանդացի նկարչի մոտ, իսկ 1877 թվականից` Փենսիլվանիայի ակադեմիայում։ 1885 թվականին Ֆիլադելֆիայում ցուցադրված նրա առաջին կտավը («Մանկության վերջին օրերը») մեծ հաջողություն է ունեցել։ Երկու տարի անց նույն կտավը ցուցադրվել է Փարիզում և կրկին դրական արձագանք է գտել արվեստի քննադատների կողմից։

1888 թվականին Սեսիլյա Բոն մեկնել է Եվրոպա, որտեղ հաճախել է Փարիզի Ժյուլիանի ակադեմիա և Կոլարոսի ակադեմիա, ուսումնասիրել է հին վարպետների ստեղծագործությունները Անգլիայի և Իտալիայի թանգարաններում։ Սեսիլյա Բոյի ֆրանսիացի ուսուցիչների շարքում էին Թոնի Ռոբերտ-Ֆլյուրը և Ուիլյամ Ադոլֆ Բուգրոն։ Նկարիչը մասնակցել է 1889 թվականի փարիզյան համաշխարհային ցուցահանդեսին և արժանացել մրցանակի։

1900 թվականին Սեսիլյա Բոն վերադարձել է Միացյալ Նահանգներ, ապրել և ստեղծագործել է Նյու Յորքում, որտեղ հիմնականում զբաղվել է դիմանկարային նկարչությամբ՝ հայտնի քաղաքական և մշակութային գործիչների պատվերներով։ 1902 թվականից դարձել է Դիզայնի ազգային ակադեմիայի անդամ։ Սեսիլյայի վրձնին են պատկանում Ժորժ Կլեմանսոյի, ԱՄՆ նախագահ Թեոդոր Ռուզվելտի կնոջ` Էդիթ Ռուզվելտի և նրա դստեր, ծովակալ Դեյվիդ Բիթիի և ուրիշների դիմանկարները։ 1942 թվականին նկարիչը պարգևատրվել է Ամերիկյան արվեստի և գրականության ասոցիացիայի ոսկե մեդալով։

Նրա հայտնի ուսանողների թվում է նկարիչ արվեստագետ Ալիս Քենթ Սթոդարդը։

Սեսիլյա Բոն մահացել է 87 տարեկան հասակում, 1942 թվականի սեպտեմբերի 17-ին, Մասսաչուսեթս նահանգում։ Նրան հուղարկավորել են Բալա Սինվինում, Փենսիլվանիա[12]։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
  2. 2,0 2,1 Cecilia Beaux — 2008.
  3. 3,0 3,1 Cecilia Beaux — 2006. — ISBN 978-0-19-977378-7
  4. 4,0 4,1 4,2 4,3 http://vocab.getty.edu/page/ulan/500014265
  5. 5,0 5,1 5,2 CLARA — 2008.
  6. 6,0 6,1 6,2 RKDartists
  7. 7,0 7,1 7,2 Grove Art Online / J. Turner[Oxford, England], Houndmills, Basingstoke, England, New York: OUP, 1998. — ISBN 978-1-884446-05-4
  8. 8,0 8,1 8,2 https://www.britannica.com/biography/Cecilia-Beaux
  9. https://www.aaa.si.edu/collections/cecilia-beaux-papers-5882
  10. https://www.pafa.org/museum/collection/item/les-derniers-jours-d-enfance
  11. Часто встречается ошибочная транскрипция Бью или Бьюкс.
  12. «Cecilia Beaux | American painter» (անգլերեն)։ Encyclopedia Britannica։ Վերցված է 2019-02-11 

Գրականություն[խմբագրել | խմբագրել կոդը]

  • Grafly, Dorothy. "Cecilia Beaux" in Edward T. James, Janet Wilson James, and Paul S. Boyer, eds. Notable American Women, 1607–1950: A Biographical Dictionary (1971)
  • Beaux, Cecilia. Background with Figures: Autobiography of Cecilia Beaux. Boston and New York: Houghton Mifflin, 1930.
  • Goodyear, Jr., Frank H., and others., Cecilia Beaux: Portrait of an Artist. Pennsylvania Academy of the Fine Arts, 1974. Library of Congress Catalog No. 74-84248
  • Tappert, Tara Leigh, Cecilia Beaux and the Art of Portraiture. Smithsonian Institution, 1995. 1-56098-658-1
  •  Chisholm Hugh, ed. (1911)։ «Beaux, Cecilia»։ Encyclopædia Britannica 3 (11th ed.)։ Cambridge University Press 

Արտաքին հղումներ[խմբագրել | խմբագրել կոդը]