Սեսիլիե Լեգանգեր

Վիքիպեդիայից՝ ազատ հանրագիտարանից
Jump to navigation Jump to search
Սեսիլիե Լեգանգեր
Cecilie Leganger 22.04.2009 small.jpg
Անձնական տեղեկություն
Սեռ` իգական
Մասնագիտացում` հանդբոլիստ
Երկիր` Flag of Norway.svg Նորվեգիա
Ծննդյան ամսաթիվ` մարտի 12, 1975(1975-03-12) (43 տարեկան)
Ծննդավայր` Բերգեն, Հորդալան, Վեստլանն, Նորվեգիա

Սեսիլիե Լեգանգեր (նորվ.՝ Cecilie Leganger, մարտի 12, 1975(1975-03-12), Բերգեն, Հորդալան, Վեստլանն, Նորվեգիա), նորվեգացի հանդբոլիստուհի, նախկինում՝ Նորվեգիայի կանանց հանդբոլի հավաքականի անդամ:

Միջազգային առաջնություններ[խմբագրել | խմբագրել կոդը]

Լեգանգերն Նորվեգիայի ազգային հավաքականի կազմում իր դեբյուտն ունեցել է 1993 թվականին՝ 17 տարեկանում և երեք տարի անց, ընդամենը 20 տարեկանում՝ հեռացել է: 1993 թվականին նվաճել է բրոնզե մեդալ աշխարհի կանանց հանդբոլի առաջնությունում՝ ընտրվելով որպես լավագույն դարպասապահ և համարվելով մրցաշրջանի ամենաթանկ ֆուտբոլիստը: 1994 թվականի Եվրոպայի առաջնությունում դարձել է լավագույն դարպասապահ: 1995 թվականի աշխարհի առաջնությունում նա կրկին դարձել է լավագույն դարպասապահ: Մեկ տարվա ընդմիջումից հետո վերադարձել է որպես ակումբի խաղացող, բայց չի խաղացել ազգային հավաքականում մինչև 1998 թվականի Եվրոպայի առաջնությունը, նվաճել է ոսկե մեդալ նորվեգական թիմի հետ և ընտրվել որպես առաջնության լավագույն դարպասապահ: 1999 թվականի աշխարհի առաջնությունում կրկին ընտրվել է լավագույն դարպասապահ: 2000 թվականի Սիդնեյի օլիմպիական խաղերում նվաճել է բրոնզե մեդալ[1]: 2001 թվականի աշխարհի առաջնությունում կրկին ընտրվել է լավագույն դարպասապահ:

Ակումբային կարիերա[խմբագրել | խմբագրել կոդը]

Որպես ակումբային խաղացող Նորվեգիայի չեմպիոն է ճանաչվել 1999 թվականին (ակումբ՝ Bækkelaget), Սլովենիայի չեմպիոն՝ 2004 թվականին (ակումբ՝ Krim Ljubljana), Դանիայի չեմպիոն՝ 2005 թվականին (ակումբ՝ Slagelse dt) նաև 2004/2005 թվականների և 2006/2007 թվականների ԵՀՖ չեմպիոնների լիգայի չեմպիոն: 2010 թվականից մինչև 2014 թվականը խաղացել է Լարվիկ ՀԱ -ում, որտեղից էլ հեռացել է սպորտից և ճանաչվել բոլոր ժամանակների լավագույն դարպասապահ:

Ծանոթագրություններ[խմբագրել | խմբագրել կոդը]

  1. "2000 Summer Olympics – Sydney, Australia – Handball" Archived 7 April 2008 at the Wayback Machine. databaseOlympics.com (Retrieved on 29 April 2008)

Արտաքին հղումներ[խմբագրել | խմբագրել կոդը]