Սեպուհ Աբգարյան
| Սեպուհ Աբգարյան | |
|---|---|
 | |
| Հիմնական տվյալներ | |
| Ծնվել է | հունիսի 12, 1930 Կիպրոս, Բրիտանական կայսրություն |
| Երկիր |  Կիպրոս |
| Մահացել է | օգոստոսի 5, 2014 (84 տարեկան) Նիկոսիա, Կիպրոս |
| Մասնագիտություն | կոմպոզիտոր, դիրիժոր և ռադիոհաղորդավար |
Սեպուհ Լևոնի Աբգարյան (հունիսի 12, 1930, Կիպրոս, Բրիտանական կայսրություն - օգոստոսի 5, 2014, Նիկոսիա, Կիպրոս), հայազգի կոմպոզիտոր, երգիչ, դիրիժոր, ռադիոհաղորդավար, «Գոհար» սիմֆոնիկ նվագախմբի և երգչախմբի դիրիժոր, գեղարվեստական ղեկավար։
Կենսագրություն և ստեղծագործական կյանք[խմբագրել | խմբագրել կոդը]
Ծնվել է Կիպրոսի Նիկոսիա քաղաքում, ուսուցչի ընտանիքում։ Հայրը ծնունդով սասունցի էր։ Ընտանիքը տեղափոխվել է Բեյրութ, որտեղ Սեպուհը սովորել է Սուրբ Նշան դպրոցում և աշակերտել Էդուարդ Տարոնյանին և Բարսեղ Կանաչյանին։ Նա միշտ երախտագիտությամբ է հիշել իր ուսուցիչներին, որոնք մեծ ազդեցություն են թողել նրա ձևավորման և կայացման վրա։ Երբ 13 տարեկան էր, ընտանիքը տեղափոխվում է Հալեպ, որտեղ 1954 թվականին ավարտում է Մելգոնյան հայկական վարժարանը, իսկ այնուհետև ուսումը շարունակում Փարիզում[1]։ Փարիզում ուսուցանվելուց հետո վերադառնում է Կիպրոս և աշխատում տեղի վարժարանում։ Երկու այլ հայերի հետ Կիպրոսի հեռահաղորդակցության միությունում հիմնում է հայկական ռադիոհաղորդում, որտեղ աշխատել է շուրջ 46 տարի։ Միաժամանակ աշխատել է Մելգոնյան վարժարանում՝ որպես երգչախմբի ղեկավար[2]։
Հեղինակ է մի շարք երգերի, կամերային, սիմֆոնիկ երաժշտությունների, օրատորիաների, որոնք կատարվել են աշխարհի մի շարք երկրներում՝ Տոկիո, Փարիզ, Կիպրոս, Լիբանան, ԱՄՆ։ Սեպուհ Աբգարյանի ամենամեծ ձեռքբերումը «Գոհար» սիմֆոնիկ նվագախմբի և երգչախմբի ղեկավարումն էր, որը իր համերգներով հանդես է եկել Հայաստանում և սփյուռքի բազմաթիվ գաղթօջախներում։ Նա վերոհիշյալ համույթը ղեկավարել է հիմնադրման օրից մինչև կյանքի վերջը[3]։
Մահացել է Նիկոսիայում[4][5]։
Օգտագործել է Սասմա Մհեր ծածկանունը[6]։
Կարծիքներ Սեպուհ Աբգարյանի մասին[խմբագրել | խմբագրել կոդը]
|
Սեպուհ Աբգարյանը մի Մեծություն է մեր իրականության մեջ, ափսոս քիչ բացահայտված։ Դավիթ Սարիբեկյան | 
|
|
|
Բացի լավ արվեստագետ լինելուց՝ նա շատ հոգատար մարդ էր։ Կարող էր հայրաբար վերաբերվել բոլորին։ Նա հրաշալի հումոր ուներ, շատ-շատ լավ գիտեր հայոց պատմությունը։ Հեղինե Քալաշյան, երգչախմբի նախկին անդամ |
|
|
|
Երբ մենք բեմում էինք ու մաեստրոն ղեկավարում էր՝ մենք հայացքներով հասկանում էինք, թե ինչ էր ուզում մեզանից։ Ինքը կարող էր ունքերը կիտած նայել դեմքիս, ու ես արդեն իր հայացքից հասկանում էի, թե ինչ էր ուզում, կատարում էի իր ուզածով։ Գագիկ Մալխասյան, կոնսերվատորիայի դոցենտ |
|
|
|
Չեմ վախենա ասել՝ հայ ազգային երգի շատ-շատ կորած ու անտեսված նմուշներ, մաեստրոյի ու «Գոհարի» շնորհիվ վերամշակվեցին ու ներկայացվեցին հանրությանը։ Սոնա Զարաֆյան, երգչախմբի անդամ |
|
Ծանոթագրություններ[խմբագրել | խմբագրել կոդը]
- ↑ Наталия Халатян. Браво, маэстро Сепух Абгарян Archived 2015-05-11 at the Wayback Machine. - Голос Армении 25.09.2014
- ↑ ՍԵՊՈՒՀ ԱԲԳԱՐՅԱՆ
- ↑ «БРАВО, МАЭСТРО СЕПУХ АБГАРЯН»։ Արխիվացված է օրիգինալից 2015-05-11-ին։ Վերցված է 2021-12-28
- ↑ «Մահացել է «Գոհար» նվագախմբի գեղարվեստական ղեկավար և գլխավոր դիրիժոր Սեպուհ Աբգարյանը»։ Արխիվացված է օրիգինալից 2015-10-24-ին։ Վերցված է 2015-01-24
- ↑ http://www.artsakank.com.cy/am/news/interview/2009/interview-sabouh-apkarian Archived 2015-09-23 at the Wayback Machine. ՀԱՐՑԱԶՐՈՅՑ ԳՈՀԱՐԻ ԽՄԲԱՎԱՐ ԵՒ ԳԵՂԱՐՈՒԵՍՏԱԿԱՆ ՂԵԿԱՎԱՐ ՍԵՊՈՒՀ ԱԲԳԱՐԵԱՆԻ ՀԵՏ
- ↑ Բախտիար Հովակիմյան, Հայոց ծածկանունների բառարան, Ե., ԵՊՀ հրատ., 2005, էջ 547։
| ||||||
