Սեմ Ցույ

Վիքիպեդիայից՝ ազատ հանրագիտարանից
Jump to navigation Jump to search
Սեմ Ցույ
Ծնվել էմայիսի 2, 1989(1989-05-02) (30 տարեկան)
Blue Bell, Փենսիլվանիա, ԱՄՆ
ԵրկիրFlag of the United States.svg ԱՄՆ
Ժանրերսոուլ
Մասնագիտություներգիչ, յություբեր, դաշնակահար, կոմպոզիտոր և հեղինակ-կոմպոզիտոր
Երգչաձայնբարիտոն
Գործիքներդաշնամուր և վոկալ
ԿրթությունԵյլի համալսարան
Կայքsamtsui.com

Սեմ Ցույ (անգլ.՝ Sam Tsui, մայիսի 2, 1989(1989-05-02), Blue Bell, Փենսիլվանիա, ԱՄՆ) ամերիկացի երգիչ և երգերի հեղինակ, տեսանյութերի ռեժիսոր: Ճանաչում է ձեռք բերել ինտերնետում ներկայացնելով հայտնի երգիչների ստեղծագործությունների քավերներ, ինչպիսիք են` Ադել, Բրիթնի Սփիրս, Լեդի Գագա, Թեյլոր Սվիֆթ, Ջասթին Թիմբերլեյք և Բրունո Մարս, ինչպես նաև օրիգինալ երգեր, մեդլիներ և մեշափներ, համագործակցում է YouTube-ի բլոգեր Կուրտ Հյուգո Շնայդերի հետ։ 2018 թվականի հունիսի 19-ի դրությամբ Ցույի ալիքն ունի 2,98 միլիոն բաժանորդ[1]։

Կյանք և կարիերա[խմբագրել | խմբագրել կոդը]

1989-2008: Վաղ կյանք[խմբագրել | խմբագրել կոդը]

Սեմ Ցույը ծնվել է 1989 թվականի մայիսի 2-ին[2]։ Նրա հայրը ունի կանտոնական, իսկ մայրը՝ եվրոպական ծագում և սերում է Այովայից[3]։ Նա կարողանում է խոսել կանտոներեն[4]։ Ցույը ունի եղբայր՝ Քենթ Քևինը։ Ցույը մեծացել է Փենսիլվանիայի Բլյու Բելլ բնակավայրում, որտեղ ապրել է ընդամենը մեկ փողոց հեռու ապագա պրոդյուսեր և նվագակցող Կուրտ Շնայդերից, որի հետ հաճախել է Վիսսահիկովի ավագ դպրոց[5][6][7]։ Նա ակտիվ մասնակցել է ավագ դպրոցի մյուզիքլներին, որոնց թվում են եղել՝Joseph and the Amazing Technicolor Dreamcoat, Urinetown, Titanic և Miss Saigon։ Ցույը հաճախել է Եյլի համալսարան, որտեղ եղել է Davenport College-ի և The Duke's Men of Yale-ի՝ տղամարդկանց ա կապելլա խմբի անդամ։ Նա Եյլի համալսարանում սովորել է դասական հունարեն։

Երրորդության եկեղեցի[խմբագրել | խմբագրել կոդը]

Եյլի համալսարանում սովորելու ընթացքում Ցույը շարունակել է զարգացնել իր հմտությունները՝ վճարովի հիմունքներով աշխատելով որպես մենակատար Սաութփորտի Սուրբ երրորդության եպիսկոպոսական եկեղեցում։ Սաութփորտում ծնված Քուին Բերրիին տված հարցազրույցում Ցույը նշել է, որ այդ ժամանակվա երգչախմբի ղեկավար Ալան Մուրչին, որը քրիստոնյաների շրջանակներում ճանաչված էր արվեստի բնագավառում կատարած իր աշխատանքով, իրեն սովորեցրել է սիրել երաժշտությունը և ոգեշնչել հետևելու իր երազանքներին։

2009-2010[խմբագրել | խմբագրել կոդը]

Կարիերայի սկզբում մասնակցել է The ABC World News հաղորդմանը՝ երգելով The Jackson 5-ի I'll Be There երգը 2009 թվականի հոկտեմբերի 28-ին[8]։ Նույն թվականի նոյեմբերին Ցույը նաև մասնակցել է The Bonnie Hunt շոուին, որտեղ կատարել է Ուիթնի Հյուսթոնի "I Wanna Dance with Somebody (Who Loves Me)" երգը։ Նա նաև մասնակցել է It's On with Alexa Chung շոուին՝ կատարելով Journey-ի "Don't Stop Believin'" երգը Glee հեռուստասերիալի քասթինգի համար[9][10]։

2009 թվականին Ցույը նաև աշխատել է իր սեփական նախագծի վրա, որտեղ նա և Կուրտ Հյուգո Շնայդերը թողարկել են «Քոլեջի մյուզիքլների» էպիզոդների շարք՝ կատակերգական վեբ-սերիալ, որում ծաղրանմանակվում է «Ավագ դպրոցի մյուզիքլ» ֆիլմաշարը, իսկ օրիգինալ երգերն ստեղծել է Շնայդերը[11]։ Թողարկվել է չորս էպիզոդ, որտեղ Ցույը կատարում է Կուպերի գլխավոր դերը։ Սերիալի ունեցած ժողովրդականության պատճառով հայտարարվել է, որ սերիալի հիման վրա կնկարահանվի ֆիլմ (թողարկվել է 2014 թվականի սեպտեմբերի 3-ին)[11][12]։ Էպիզոդները ՅուԹուբում հավաքել են միլիոնավոր դիտումներ։

2010 թվականին Ցույը թողարկել է իր քավերների առաջին ալբոմը՝ The Covers։ Այն թողարկվել է 2010 թվականի փետրվարի 9-ին և ներառել Մայքլ Ջեկսոնի, Journey-ի, Բիյոնսեի, Ջեյսոն Մրազի և Լեդի Գագայի և այլ արտիստների երգերի քավերները։ 2010 թվականի փետրվարի 22-ին Ցույը մասնակցել է Օփրա Ուինֆրիի շոուին իր պրոդյուսեր Կուրտ Շնայդերի հետ[13]։ Երկուսն էլ տվել են հարցազրույց, և Ցույը ներկայացրեց Մայքլ Ջեքսոնի երգերի իր մեդլին։ 2010 թվականի դեկտեբերի 2-ին Ցույը հարցազրույց է տվել Էլեն Դեջեներեսի շոուին և Շնայդերի հետ ներկայացրել Քեթի Փերրիի "Firework" և Բրունո Մարսի "Grenade" երգերի մեշափը[14][15]։ 2010 թվականի դեկտեմբերին Ցույը համագործակցել է Յութուբյան երգչուհի Քրիստինա Գրիմմիի հետ՝ կատարելով "Just a Dream" երգը, որը ամենաշատ դիտված երգն է "KurtHugoSchneider" ալիքում (ավելի քան 100 միլիոն դիտում)[12]։

2011–2012: ՅուԹուբ և ճանաչման ձեռքբերում[խմբագրել | խմբագրել կոդը]

2011 թվականին Ցույը բացել է ՅուԹուբյան իր ալիքը, Կուրտ Շնայդերի համագործակցությունից առանձին։ 2011 թվականի փետրվարի 3-ին Ցույը ներկայացվել է Բրիթնի Սփիրսի պաշտոնական կայքում "Hold It Against Me" երգի քավերով[16]։ 2011 թվականի մարտին Ցույը և "Start Again" երգը հիշատակվել են Էնդի Ֆրանկհեմ-Ալենի «Որոնողը» վեպում, որ տպագրվել է Reads Publishing-ի կողմից և թողարկվել թվային տարբերակով Untreed Reads Publishing-ի կողմից[17]։ 2011 թվականի նոյեմբերին նա ստեղծել է Բրունո Մարսի "It Will Rain" և Ադելի "Set Fire to the Rain" երգերի մեշափը։

2011 թվականին Ցույը եղել է NBC-ի The Sing-Off ա կապելլա մրցույթի 3-րդ եթերաշրջանի անդրկուլիսյան հաղորդավարը։ Նա ձայնագրել է «Ժյուրիի մեդլին», որ ներառում է Սառա Բարեիլեսի "Love Song", Բեն Ֆոլդսի "Gone" և Շաուն Սթոքմենի (Boyz II Men) "On Bended Knee" երգերը։ Տեսանյութը ազատ հասանելի է NBC-ի պաշտոնական կայքում և Ցույի անկախ ՅուԹուբյան ալիքում՝ TheSamTsui։

Ցույն ավարտել է Եյլի համալսարանը (magna cum laude ) 2011 թվականին, որտեղ մասնագիտացել է դասական հունարենի բնագավառում։ Նա C++ ծրագրավորման լեզվի գիտակ է[5][11][13]։ Ցույը երեք անգամ հիշատակվել է Թոմ Հենքսի կողմից, երբ նա դիմել է Եյլի համալսարանի 2011 թվականի շրջանավարտներին[18]։ Ցույը նաև մասնակցել է Եյլի համալսարանի ընդունելության բաժնի 2010 թվականի հոլովակում։ Տեսահոլովակը, որը վերնագրված է «Ինչու եմ ես ընտրում Եյլը»[19], ներկայացնում է տեղեկություններ համալսարանի մասին նրա ուսանողների և ընդունող հանձնաժողովի կողմից, ինչպես նաև երգ, որ կատարվում է կամպուսում։ 2017 թվականին նա նկարահանվել է Եյլի համալսարանի նոր հոլովակում, որ կոչվում է «Ինչու եմ ես ուղևորվում Եյլ»[20]։

Ցույը համագործակցել է երաժիշտ Կուրտ Հյուգո Շնայդերի հետ սկսած ավագ դպրոցից, երբ երկու երաժիշտները կատարել են ձայնագրություններ էլեկտրոնային ստեղնաշարի և GarageBand-ի միջոցով։ Երկուսն էլ հաճախել են Եյլի համալսարան և համագործակցել որպես երաժիշտներ։ 2017 թվականի ապրիլի տվյալներով՝ "KurtHugoSchneider" YouTube-յան ալիքը հավաքել է ավելի քան 2,1 միլիարդ ընդհանուր դիտում և ունի ավելի քան 8 միլիոն բաժանորդ[12][21]։ Time-ի կողմից նրա տեսահոլովակները բնութագրվել են որպես Glee սերիալի ու «Կլոնների հարձակումը» ֆիլմի համադրություն[22]։

2013–այլ: Make It Up և այլ նախագծեր[խմբագրել | խմբագրել կոդը]

Ցույը թողարկել է իր առաջին լիամետրաժ օրիգինալ ալբոմը 2013 թվականի մայիսին՝ այն կոչելով Make It Up։ 2013 թվականի ամռանը Ցույը և Շնայդերը համերգային շրջագայություն են կատարել Կանադայում և Միացյալ Նահանգերում Ալեք Գութի, Against the Current, Լենդոն Էուսթինի, Լյուք Քոնարդի և King the Kid-ի հետ[23]։ 2013 թվականի սեպտեմբերին Ցույը և Շնայդերը ելույթ են ունեցել Սինգապուրում և Հոնկոնգում[24]։ Ցույը դրանից հետո թողարկել է երաժշտական տեսահոլովակներ "Make It Up", "Grey Area", "Shadow", "Bring Me the Night", "Worth It" , "Wherever You Are" and "Open Up The Sky" երգերի համար։

Ցույը շարունակել է ստեղծել հայտնի երգերի քավերներ ՅուԹուբյան իր ալիքում, նաև համագործակցել է ՅուԹուբյան այլ երգիչների հետ։ 2013 թվականի սեպտմբերի 9-ին Սեմը գրել և ձայնագրել է դուետ Էլլե Վինթերի հետ, որը կոչվել է "Unsinkable (Music Is Medicine)"։ Այդ երգի արմատները գալիս են քաղցկեղային հիվանդությունների հետազոտությունից, որը կատարվել է որպես Music Is Medicine's Donate երաժշտական նախագծի մաս։ 2013 թվականի հոկտեմբերի 3-ին Սեմը ՅուԹուբյան իր էջում տեղադրել է լուսանկար[25], որում ինքը նկարվել է Ջեյսոն Մրազի և Հանթեր Հեյիսի հետ։ Նա հայտարարել է, որ ինքը նկարահանել է տեսահոլովակ երկու արտիստնիերի հետ և շուտով կթողարկի այն։ Ավելի ուշ հայտնի է դարձել, որ նա համագործակցել է Թեսսա Վիոլետի, Echosmith, TJ Smith, Թայլեր Վարդի, Բրանդի Բուրնեթի, Բրայան Լենդուի, Կինա Գրաննիսի և Փիթեր Հոլլենսի հետ՝ ստեղծելով "Everybody's Got Somebody but Me" երգի մեշափը։

Ցույի վոկալը ներառվել է Կոկա-Կոլայի գովազդային հոլովակում, որի պրիմերան կայացել է 2014 թվականի հունվարի 14-ին։ 2013 թվականի Կուրտ Հյուգո Շնայդերը և Կոկա-Կոլան սկսել են համագործակցել՝ ստեղծելու 2013 թվականի 2 հիթերի՝ Քելվին Հարիսի "Feel So Close" և Of Monsters and Men'-ի "Little Talks" երգերի քավերները "The Sounds of AHH" արշավի համար։ 2014 թվականի հունվարի 14-ին այդ երկու հոլովակները ներկայացվել են FOX ալիքի American Idol շոուի 13-րդ եթերաշրջանի առաջին էպիզոդում․ Ցույը կատարել է վոկալը, իսկ Շնայդերը նվագել է Կոկա-Կոլայի շշերով, բաժակներով ու տարաներով[26]։ Ցույը Շնայդերի հետ միասին նույնպես նվագել է շշերով։ 2014 թվականի ամռանը Ցույը և Շնայդերը վերադարձել են Ասիա՝ ելույթ ունենալով Կուալա Լումպուրում, Մանիլայում, Սինգապուրում, Հոնկոնգում և Թայբեյում[27]։ Նրանք նաև ծրագրել են ելույթ ունենալ Պեկինում և Շանհայում, սակայն այդ շոուները չեն կայացել։

2016 թվականին Ցույը նկարահանվել է «Ոսկորներ» սերիալի մեկ էպիզոդում որպես ա կապելլա երգող խմբի անդամ Ջեյք Էիսենբերգ[28]։

2017 թվականի մարտի 27-ին Ինստագրամում Սեմ Ցույի հետևորդների թիվը հասել է 328 հազարի [29]։

Աձնական կյանք[խմբագրել | խմբագրել կոդը]

2016 թվականի ապրիլին Ցույը ՅուԹուբյան իր ալիքում վերբեռնել է "coming in and out" տեսանյութ որում հայտարարել է, որ արդեն երկար ժամանակ հարաբերությունների մեջ է Քեսի Բրեվեսի հետ[30]։ Նրանք ծանոթացել են Եյլի համալսարանում, և երկուսն էլ եղել են կամպուսի ա կապելլա խմբի անդամ[31]։ Ամուսնացել են 2016 թվականի ապրիլի 16-ին Կալիֆոռնիայում՝ Լոս Անջելեսում[32]։

Մրցանակներ և պարգևներ[խմբագրել | խմբագրել կոդը]

Տարի մրցանակ կատեգորիա Ստացողը Արդյունք
2015 Dahsyatnya Awards Լավագույն հրավիրված աստղ Ինքը (կիսեց Կուրտ Հյուգո Շնայդերի հետ) Առաջադրված

Սկավառակագրություն[խմբագրել | խմբագրել կոդը]

Ալբոմներ[խմբագրել | խմբագրել կոդը]

Ստուդիական ալբոմներ[խմբագրել | խմբագրել կոդը]

Անցանում Մանրամասներ Երգաանկ
The Covers[7][33]
  • Թողարկում՝ 2010
  • Լեյբլ՝ Sh-K-Boom
  • Ձևաչափ՝ թվային
Make It Up[34]
  • Թողարկում՝ 2013
  • Լեյբլ՝ NoodleHouse Studios
  • Ձևաչափ՝ թվային
Trust[35]
  • Թողարկում՝ 2018
  • Լեյբլ՝ Sam Tsui
  • Ձևաչափ՝ թվային

Մինի ալբոմներ[խմբագրել | խմբագրել կոդը]

Անվանում Մանրամասներ Ցանկ
DJ Got Us Falling in Love[36]
  • Թողարկում՝ հոկտեմբերի 10, 2010
  • Լեյբլ՝ mudhutdigital.com
  • Ձևաչափ՝ թվային
Christmas Everyday[37]
  • Թողարկում՝ դեկտեմբերի 15, 2012
  • Լեյբլ՝ mudhutdigital.com
  • Ձևաչափ՝ թվային
Wildfire[38]
  • Թողարկում՝ հունիսի 24, 2014
  • Lեյլբ՝ mudhutdigital.com
  • Ձևաչափ՝ թվային

Սինգլներ[խմբագրել | խմբագրել կոդը]

Օրիգինալ երգեր[խմբագրել | խմբագրել կոդը]

Տարի Title Մանրամասներ
2010 "Don't Want an Ending"
2011 "Start Again"
  • Պրոդյուսեր՝ Կուրտ Հյուգո Շնայդեր
  • Լեյբլ՝ NoodleHouse Records
2014 "Wildfire"
  • Պրոդյուսեր՝ Կուրտ Հյուգո Շնայդեր
  • Lեյբլ՝ NoodleHouse Records
2016 "Secret"
  • Պրոդյուսեր՝ Սեմ Ցույ[39]
  • Lեյբլ՝ Sam Tsui
2017 "Cameo"
  • Լեյբլ՝ Sam Tsui[40]
"Impatience"
  • Լեյբլ՝ Sam Tsui[41]

Քավերներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Sam Tsui on YouTube (TheSamTsui)» 
  2. «Sam Tsui on last.fm» 
  3. Van Alan (2012-11-13)։ «Sam Tsui | Singer & Songwriter (Interview)»։ New Media Rockstars։ Վերցված է 2014-11-11 
  4. «At 9:15, Sam Tsui busts out his Cantonese»։ Young Post։ 2014-07-04։ Վերցված է 2015-01-08 
  5. 5,0 5,1 «The Duke's Men of Yale: Sam Tsui»։ Yale University։ Արխիվացված է օրիգինալից 2013-12-27-ին։ Վերցված է 2014-11-11 
  6. «Sam Tsui's one-man choir hits YouTube»։ ABS-CBN News and Current Affairs։ 2010-09-12։ Վերցված է 2010-09-14 
  7. 7,0 7,1 «Sam Tsui & Kurt Schneider: The Covers»։ Sh-K-Boom Records։ Արխիվացված է օրիգինալից 2010-02-17-ին։ Վերցված է 2009-09-14 
  8. «Tsui-eet sounds on ABC's World News Tonight»։ Yale Daily News։ The Yale Daily News Publishing Company։ 2009-10-28։ Արխիվացված է օրիգինալից 2010-11-27-ին։ Վերցված է 2010-09-14 
  9. «Cross Campus: 11.12.09»։ Yale Daily News։ The Yale Daily News Publishing Company։ 2009-11-12։ Արխիվացված է օրիգինալից 2012-09-24-ին։ Վերցված է 2010-09-14 
  10. Joe (2009-11-11)։ «Sam Tsui upstages the entire cast of Glee»։ The Yale Herald։ Yale University։ Արխիվացված է օրիգինալից 2010-09-13-ին։ Վերցված է 2010-09-14 
  11. 11,0 11,1 11,2 Yager Sarah (2010-01-29)։ «Kurt Schneider re(de)fines formula for YouTube success»։ The Yale Herald։ Yale University։ Արխիվացված է օրիգինալից 2010-09-05-ին։ Վերցված է 2010-09-14 
  12. 12,0 12,1 12,2 Schneider Kurt Hugo։ «KurtHugoSchneider's Channel»։ YouTube։ Վերցված է 2010-12-02 
  13. 13,0 13,1 «Incredible Feats»։ The Oprah Winfrey Show։ Harpo Productions։ 2010-02-22։ Վերցված է 2010-09-14 
  14. Zuckerman Esther (2010-12-02)։ «Tsui '11 and Schneider '10 on 'Ellen'»։ Yale Daily News (The Yale Daily News Publishing Company)։ Արխիվացված է օրիգինալից 2011-02-22-ին։ Վերցված է 2010-12-02 
  15. «YouTube Sensation Sam Tsui Performs!»։ Ellen.WarnerBros.com. Warner Bros.։ December 2, 2010։ Արխիվացված է օրիգինալից December 6, 2010-ին։ Վերցված է 2010-12-02 
  16. «My "Hold it Against Me" cover was just posted on @britneyspears official website!! Ahhh! :-D»։ Twitter։ 2011-02-04։ Վերցված է 2011-02-06 
  17. «Interview with Andy Frankham-Allen»։ The Accidental Author։ 2011-03-26։ Վերցված է 2014-11-11 
  18. «Tom Hanks Addresses Yale Class of 2011» 
  19. «Video Gives Musical Answer to the Question: ‘Why Choose Yale?’»։ news.yale.edu։ Yale University։ 2010-01-27։ Վերցված է 2014-11-11 
  20. «Admissions to debut new video: update on the ‘That’s Why I Chose Yale’ cast»։ news.yale.edu։ Yale University։ 2017-12-04։ Վերցված է 2018-02-23 
  21. Kurt Hugo Schneider. YouTube. Retrieved on 2013-03-31.
  22. Fletcher Dan (2009-11-23)։ «YouTube Effect: Making Money from Viral Videos»։ Time (Time Inc)։ Վերցված է 2010-12-02 
  23. «Tour Dates – A Summer with Alex Goot and Friends»։ 2013-05-15։ Արխիվացված է օրիգինալից November 5, 2014-ին։ Վերցված է 2014-11-11 
  24. «KHS Tour»։ 2013-09-26։ Արխիվացված է օրիգինալից October 12, 2014-ին։ Վերցված է 2014-11-11 
  25. «Instagram (thesamtsui)»։ Վերցված է 2014-11-11 
  26. «Behind the Bottles: 5 Questions With Kurt Hugo Schneider»։ The Coca-Cola Company 
  27. «Kurt Hugo Schneider – Tour»։ kurthugoschneider.com 
  28. «Bones - Episode 11.16 - The Strike in the Chord - Featurette, Promo, Sneak Peeks, Promotional Photos & Press Release *Updated*»։ SpoilerTV։ May 19, 2016։ Վերցված է June 15, 2016 
  29. «Sam Tsui»։ Վերցված է 25 March 2017 
  30. «Vlog – Exciting News!!!!!»։ YouTube։ Վերցված է 2015-04-16 
  31. TheSamTsui (2017-04-11), VLOG: The Proposal Story!!! ft. Casey Breves, https://www.youtube.com/watch?v=908Fg2SG4Eg, վերցված է 2017-04-12 
  32. «Casey Breves and Sam Tsui's Wedding Website»։ TheKnot։ Վերցված է 2015-04-16 
  33. «The Covers by Sam Tsui & Kurt Schneider»։ iTunes Store։ Վերցված է 2010-09-14 
  34. «Make It Up by Sam Tsui & Kurt Hugo Schneider»։ iTunes Store։ Վերցված է 2013-05-20 
  35. «Trust by Sam Tsui on Apple Music»։ 26 January 2018։ Վերցված է 10 February 2018 
  36. «DJ Got Us Falling In Love (produced by Kurt Hugo Schneider)»։ iTunes Store։ Վերցված է 2010-10-11 
  37. iTunes Store. itunes.apple.com. Retrieved on 2013-03-31.
  38. iTunes Store. itunes.apple.com. Retrieved on 2014-07-25.
  39. «Secret Sam Tsui»։ Amazon.com։ Վերցված է 2017-10-08 
  40. ։ Amazon.com https://www.amazon.com/Cameo/dp/B075L1ZP3J/ref=sr_1_2?s=dmusic&ie=UTF8&qid=1507468646&sr=1-2&keywords=Sam+Tsui&refinements=p_n_feature_browse-bin%3A625151011։ Վերցված է 2017-10-08 
  41. Sam Tsui, Impatience, https://www.amazon.com/Impatience/dp/B077GB44F1/ref=sr_1_1?ie=UTF8&qid=1514346522&sr=8-1&keywords=impatience+sam+tsui, վերցված է 2017-12-27 
  42. iTunes – Music – Moves Like Jagger – Single by Sam Tsui. itunes.apple.com (2011-11-15). Retrieved on 2013-03-31.
  43. iTunes – Music – Domino – Single by Sam Tsui. itunes.apple.com (2012-02-04). Retrieved on 2013-03-31.

Արտաքին հղումներ[խմբագրել | խմբագրել կոդը]