Սեմ Ռոքուելլ
.jpg)
.svg){kind=small}
Սեմ Ռոքուելլ (անգլ.՝ Sam Rockwell, նոյեմբերի 5, 1968[1][2], Դեյլի Սիթի, Սան Մատեո շրջան, Կալիֆոռնիա, ԱՄՆ), ամերիկացի դերասան։ «Օսկար», «Ոսկե գլոբուս», «Արծաթե արջ», BAFTA և ԱՄՆ կինեդերասանների Գիլդիայի մրցանակների դափնեկիր, «Թոնի» մրցանակի հավակնորդ։
Կենսագրություն
[խմբագրել | խմբագրել կոդը]Ռոքուելլը ծնվել է Դեյլի Սիթիում, Կալիֆոռնիա,դերասաններ Փեննի Հեսս և Փիթ Ռոքուելլի ընտանիքում։ Նրա ծնողները տեղափոխվել են Նյու Յորք, երբ նա երկու տարեկան էր։ Սկզբում նրանք ապրում էին Բրոնքսում, ապա Մանհեթենում։ Սեմ Սեմը դարձավ հինգ տարեկան, նրա ծնողները բաժանվեցին, և նա հոր հետ միասին տեղափոխվեց Սան Ֆրանցիսկո, որտեղ էլ մեծացել է։ Ամառային արձակուրդները անցկացնում էր մոր հետ՝ Նյու Յորքում։
Բեմում իր դեբյուտը կատարել է 10 տարեկանում՝ մոր հետ։ Այնուհետև սկսել է հաճախել J.E. McAteer High School բարձրագույն դպրոցի դասընթացներին։ Սովորելով այնտեղ՝ նկարահանվել է սարսափ ֆիլմ «Ծաղրածուների տունը» (1989թ.): Հաջորդ դերը նա ստացել է NBC հեռուստաալիքի «Երազանքի փողոց» Հեռուստասերիալում (1989թ.), սակայն որոշ ժամանակ անց հեռացվեց, իսկ նախագիծը փակվեց։ Ուսումն ավարտելուց հետո վերադարձել է Նյու Յորք և երկու տարի սովորել է Ուիլյամ Էսպերի դերասանական արվեստի ստուդիայում։ Այս ընթացքում նկարահանվել է մի շարք ֆիլմերում և սերիալներում, ինչպիսիք են «Սահմանից դուրս» (1990), «Նինջա–կրիաները» (1990)։ Բացի դրանցից, Ռոքուելլը նկարահանվել է նաև «Օրենք և կարգ» հեռուստասերիալի մի դրվագում (1990)։ Միաժամանակ նա աշխատում և խաղում էր թատրոնում։
1994 թվականին՝ շնորհիվ Miller գարեջրի գովազդի հոնորարի, դերասանը կարողացավ թողնել իր ամենօրյա աշխատանքները և կենտրոնանալ իր դերասանի կարիերայի վրա։ 90–ականների կեսերին նա նկարահանվել է այնպիսի սերիալներում, ինչպիսիք են «Բասկիա» (1996), «Միակնանի Ջիմմիի փնտրտուքներում» (1994), «Փառքի փայլը» (1996), «Ողորմություն» (1995) և «Լուսնային լույսի արկղը» (1996)։
Ճանաչումը Հոլիվուդում
[խմբագրել | խմբագրել կոդը]Ռոքուելլը ստեղծել է հիշարժան կերպարների մի պատկերասրահ այնպիսի ֆիլմերում, ինչպիսիք են Ռուսո եղբայրների կատակերգություն «Բարի գալուստ Հոլիվուդ»-ը՝ Ջորջ Քլունիի, Մեյսի Ուիլյամսի, Փաթրիշա Քլարկսոնի և Ջենիֆեր Էսպոզիտոի մասնակցությամբ, «Կողոպուտ»-ը՝ Դեյվիդ Մեմետի կողմից Ջին Հեքմենի, Ռեբեկկա Փիջեոնի և Դենի Դե Վիտոի հետ, բլոկբաստեր «Չարլիի հրեշտակները»՝ Դրյու Բերիմորի, Քեմերոն Դիասի և Լյուսի Լյուի հետ, «Օսկար»-ում առաջադրված՝ Ֆրենկ Դարաբոնտի «Կանաչ մղոն»-ը՝ Թոմ Հենքսի դերակատարմամբ։
Ծանոթագրություններ
[խմբագրել | խմբագրել կոդը]- 1 2 Internet Broadway Database — 2000.
- 1 2 filmportal.de — 2005.
- ↑ Former Students — William Esper Studio.
- ↑ Geni(բազմ․) — 2006.
- ↑ https://www.bafta.org/awards/film/supporting-actor
Արտաքին հղումներ
[խմբագրել | խմբագրել կոդը]- Sam Rockwell Interview Արխիվացված 2014-01-09 Wayback Machine (Rescue Dawn)
- Review of Moon at Sundance 09
 |
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Սեմ Ռոքուելլ կատեգորիայում։ |
- Նոյեմբերի 5 ծնունդներ
- 1968 ծնունդներ
- Ապրող անձինք
- Կալիֆոռնիայում ծնվածներ
- Երկրորդ պլանի լավագույն դերասան Օսկարի մրցանակակիրներ
- Անձինք այբբենական կարգով
- Դերասաններ այբբենական կարգով
- 20-րդ դարի ամերիկացի տղամարդ դերասաններ
- 20-րդ դարի դերասաններ
- 21-րդ դարի ամերիկացի տղամարդ դերասաններ
- 21-րդ դարի դերասաններ
- BAFTA մրցանակի դափնեկիրներ
- Ամերիկացի տղամարդ թատերական դերասաններ
- Ամերիկացի տղամարդ կինոդերասաններ
- Ամերիկացի տղամարդ հեռուստատեսային դերասաններ
- Ամերիկացի տղամարդ հնչյունավորողներ