Սելչուք Բայրաքթար

Վիքիպեդիայից՝ ազատ հանրագիտարանից
Jump to navigation Jump to search
Սելչուք Բայրաքթար
Դիմանկար
Ծնվել էհոկտեմբերի 7, 1979(1979-10-07) (42 տարեկան)
ԾննդավայրՍարըյեր, Ստամբուլ, Թուրքիա
ՔաղաքացիությունFlag of Turkey.svg Թուրքիա
Մայրենի լեզութուրքերեն
ԿրթությունՍտամբուլի տեխնիկական համալսարան, Փենսիլվանիայի համալսարան, Մասաչուսեթսի տեխնոլոգիական ինստիտուտ և Ռոբերթ քոլեջ
Մասնագիտությունճարտարագետ, քաղաքական գործիչ և գործարար
ԱմուսինSümeyye Erdoğan?
Պարգևներ և
մրցանակներ
Karabakh Order?

Սելչուք Բայրաքթար (թուրքերեն՝ Selçuk Bayraktar, հոկտեմբերի 7, 1979(1979-10-07), Սարըյեր, Ստամբուլ, Թուրքիա), թուրք ձեռնարկատեր, ինժեներ, «Baykar Makina» ընկերության համասեփականատեր և տեխնիկական տնօրեն, Թուրքիայի նախագահ Ռեջեփ Թայիփ Էրդողանի փեսան[1]։

Կենսագրություն[խմբագրել | խմբագրել կոդը]

Ծնվել է 1979 թվականին։ Հայրը՝ Օզդեմիր Բայրաքթարը «Baykar Makina» ընկերության հիմնադիրն ու սեփականատերն էր։ Ընկերությունը ավիացիոն-տիեզերական ոլորտում զբաղվում է նոր տեխնոլոգիաների մշակմամբ, արտադրում ռոբոտատեխնիկա և կառավարման համակարգեր, ինչպես նաև անօդաչու թռչող սարքավորումներ[2]։

Սելչուք Բայրաքթարը 2002 թվականին ավարտել է Ստամբուլի տեխնիկական համալսարանը։ Ունի Փենսիլվանիայի համալսարանի և Մասաչուսեթսի տեխնոլոգիական ինստիտուտի մագիստրոսի կոչում։ Դոկտորական աստիճան է ստացել Ջորջիայի Տեխնոլոգիական ինստիտուտում[3]։

Սելչուք Բայրաքթարն առավել մեծ հեղինակություն է ստացել 2016 թվականի մայիսին՝ Իզմիրում մասնակցելով միացյալ ռազմամարզական գործողություններին, որտեղ «Baykar Makina» ընկերությունը ներկայացնում էր իր նոր մշակումը. «Bayraktar TB2» հետախուզական անօդաչու թռչող սարքավորումը։ Թուրքիայի զինված ուժերի Գլխավոր շտաբի պետ Հյուլուսի Աքարի որոշմամբ՝ այս անօդաչուն համալրել է թուրքական բանակի զինտեխնիկան[4]։

Ներկայումս հիմնական դերակատարումն ունի իր ընկերության նոր տիպի անօդաչու թռչող սարքավորումների մշակման և արտադրության գործում[5]։

Անձնական կյանք[խմբագրել | խմբագրել կոդը]

Ամուսնացած է Թուրքիայի նախագահ Ռեջեփ Թայիփ Էրդողանի կրտսեր դստեր Սյումեյե Էրդողանի հետ[6]։ Ունի մեկ երեխա[7]։ Բայրաքթարն ունի նաև օդաչուի լիցենզիա։

Ծանոթագրություններ[խմբագրել | խմբագրել կոդը]