Սեդրակ Անանյան

Սեդրակ Անանյան;
Ծնվել է	1917
Ծննդավայր	Շնող, Բորչալուի գավառ, Ռուսական կայսրություն
Մահացել է	անհայտ
Քաղաքացիություն	Ռուսական կայսրություն և ԽՍՀՄ
Կրթություն	Հայկական պետական մանկավարժական համալսարան
Մասնագիտություն	մանկավարժ
Կուսակցություն	ԽՄԿԿ
Պարգևներ և ; մրցանակներ	և

Սեդրակ Աղաբեկի Անանյան (1917, Շնող, Բորչալուի գավառ, Ռուսական կայսրություն - անհայտ), հայ մանկավարժ, Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) մասնակից։ ԽՄԿԿ անդամ (1944): «Ժողովրդական կրթության գերազանցիկ» կրծքանշան (1978):

Կենսագրություն[խմբագրել | խմբագրել կոդը]

Սեդրակ Անանյանը ծնվել է 1917 թվականին Թումանյանի շրջանի Շնող գյուղում։ Ավարտել է Շնողի միջնակարգ դպրոցը և նշանակվել Աթանի 7-ամյա դպրոցի աշխարհագրության ուսուցիչ^[1]։

1941 թվականի մայիսին, խորհրդա-գերմանական պատերազմի նախօրյակին, զորակոչվել է կարմիր բանակ։ 1943 թվականին Անանյանը մասնակցել է Հյուսիսային Կովկասի և Ղրիմի ազատագրմանը։ Ստացել է «Մարտական ծառայությունների համար» մեդալ, 1944 թվականին դարձել է կոմունիստական կուսակցության անդամ։ 1945 թվականին մասնակցել է Քյոնիգսբերգի գրավմանը, որի համար ստացել է մեդալ։ Մասնակցել է Լեհաստանում, Գերմանիայում մղված մարտերին^[1]։

1945 թվականի նոյեմբերին Անանյանը զորացրվել է բանակից։ 1945 թվականի դեկտեմբերին աշխատանքի է անցել Թումանյանի շրջանային ժողկրթբաժնում որպես դպրոցական տեսուչ, ապա՝ եղել է լուսաշխի արհմիության շրջկոմի նախագահ։ Աշխատելու տարիներին, սովորել և ավարտել է Երևանի հեռակա մանկավարժական ինստիտուտի աշխարհագրության ֆակուլտետը։ 1954 թվականին աշխատանքի է անցել Ալավերդի քաղաքի Եղիշե Չարենցի անվան դպրոցում, որպես աշխարհագրության ուսուցիչ, հետո՝ ուսմասվար։ 1968 թվականի սեպտեմբերից աշխատել է նույն դպրոցում որպես տնօրեն^[1]։

Հետպատերազմյան տարիներին Անանյանն արժանացել է «Աշխատանքային գերազանցության համար», «Աշխատանքային արիության համար» մեդալների։ 1978 թվականին ստացել է «Ժողովրդական կրթության գերազանցիկ» կրծքանշան^[1]։

Պարգևներ[խմբագրել | խմբագրել կոդը]

«Մարտական ծառայությունների համար» մեդալ
«Քյոնիգսբերգի գրավման համար» մեդալ
«Աշխատանքային գերազանցության համար» մեդալ
«Աշխատանքային արիության համար» մեդալ
«Ժողովրդական կրթության գերազանցիկ» կրծքանշան

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 Հայաստանի ուսուցիչները մեծ հայրենականում (Ա. Հ. Հարությունյան, Լ. Ս. Մելքումյան, Ա. Ղ. Սուքիասայան), «Լույս» հրատարակչություն, Երևան, 1982:

[books-1] 1,0 ^1,1 ^1,2 ^1,3 Հայաստանի ուսուցիչները մեծ հայրենականում (Ա. Հ. Հարությունյան, Լ. Ս. Մելքումյան, Ա. Ղ. Սուքիասայան), «Լույս» հրատարակչություն, Երևան, 1982:

[1]