Սարգիս Նաջարյան

Սարգիս Նաջարյան
Ծնվել է	հուլիսի 12, 1950 (69 տարեկան)
Ծննդավայր	Երևան, ՀԽՍՀ
Քաղաքացիություն
Ազգություն	Հայ
Կրոն	Քրիստոնեություն
Կրթություն	Երևանի Վ․Բրյուսովի անվան պետական լեզվահասարակագիտական համալսարան
Մասնագիտություն	Հաղորդավար, մեկնաբան
Պարգևներ և մրցանակներ	ՀՀ վարչապետի հուշամեդալ Հայաստանի Հանրապետության վաստակավոր լրագրող և Գարեգին Նժդեհ մեդալ

Սարգիս Անուշավանի Նաջարյան (1950, հուլիսի 12, Երևան), հայ հաղորդավար, դերասան, թարգմանիչ, ասմունքող: ՀՀ վաստակավոր լրագրող (2005):

Կենսագրություն

Սարգիս Նաջարյանը ծնվել է 1950թ. հուլիսի 12-ին Երևանում: Նախնիները գաղթել են Բայազետից  (Արևմտյան Հայաստան): Ավարտել է Վ. Տերյանի անվան  N 60 միջնակարգ դպրոցը, այնուհետև` Երևանի օտար լեզուների ինստիտուտի անգլիական ֆակուլտետը և Մոսկվայի արվեստի համալսարանի թատերական ֆակուլտետի դերասանի վարպետության հեռակա բաժինը (1969-1971թթ.): Երկրորդ կուրսում մասնակցել է Հեռուստառադիոպետկոմի հաղորդավարների մրցույթին և ընդունվել աշխատանքի որպես հաղորդավար: Խոսքարվեստի երեքամյա հատուկ դասընթացներ է անցել Մոսկվայի ռադիոհեռուստատեսությանը կից խոսքարվեստի ստուդիայում (1973 թ.): Խոսքարվեստի ուսուցիչներն են եղել հանրապետության վաստակավոր արտիստներ Մարատ Հալաջյանը, Ջոն Հակոբյանը, Լիա Կարապետյանը, Վերա Հակոբյանը, Հայկուհի Գարագաշը, ժողովրդական արտիստ Հրաչուհի Ջինանյանը: Կարճ ժամանակ անց Սարգիս Նաջարյանը հրավիրվել է հեռուստատեսություն՝ վարելու  «Համայնապատկեր», «Կինոյի աշխարհում»,  «Լինում է չի լինում»,  «Մարդը և օրենքը», «Երևանը և երևանցիները», «Գրական կամուրջներ» հաղորդաշարերը:

Ռադիո և հեռուստահաղորդումներ

 Մոտ հինգ տարի Նաջարյանն անընդմեջ եղել է արտասահմանի հայության համար տրվող հաղորդումների խմբագրության մշտական հաղորդավար-խմբագիրը: Երկար տարիներ մասնակցել է «Հայֆիլմ» կինոստուդիայի Երևան կինոմիավորման բազմաթիվ ֆիլմերի կրկնօրինակումներին, թարգմանական և խմբագրական աշխատանքներին Հայֆիլհարմոնիայի «Ոսկե աշուն» տոնահանդեսներին և համերգներին: 1985թ. երեք ամիս ուսումնասիրել է Կոմիտասի կյանքը: Ռադիո աշխատանքին զուգահեռ պատրաստել է նաև հեռուստատեսային հաղորդումներ, որոնցից հիշարժան են Անտուան Դը Սենտ Էքզուպերիի «Փոքրիկ իշխանը»  բեմադրությունը, «Հեռուստաթատրոն»-ում՝ «Պարոնյանի Մեծապատիվ Մուրացկաններ»-ում՝ պոետի դերը, Կոմիտասին նվիրված տասներկու ֆիլմ-ներկայացում և երեք տեսաֆիլմ՝ «Կոմիտասական» ընդհանուր  խորագրով:

1984 թ.-ից Հայաստանի թատերական ընկերության անդամ է:

1984 թ. անգլերենից թարգմանել և 13 օր շարունակ «Ռոսիա» կինոթատրոնում  ներկայացրել է շվեդ կինոռեժիսոր Փեո Հոմքվեստի «Վերադարձ դեպի Արարատ» գեղարվեստական ֆիլմի հայերեն տարբերակը` նվիրված Հայոց մեծ եղեռնի զոհերի հիշատակին:

1986 թ.-ից պատրաստում և վարում է «Կեսգիշերից առաջ» գրական գեղարվեստական, այժմ՝ հոգևոր ծրագիրը:

1992 թ. մոտ երեք ամիս հրավիրվել է Հանովեր հայկական համայնքի կողմից, ելույթներ ունցել Բերեմն և Քյոլն քաղաքներում: (Գերմանիա):

Շուրջ ութ տարի եղել է Հայաստանի ֆիլհարմոնիկ նվագախմբի և երգչախմբի մենակատար (հոգևոր համերգների ասմունքող-խմբագիր, դիրիժոր՝ Լորիս Ճգնավորյան): Հինգ տարի Մայր Աթոռ Սուրբ Էջմիածնի դաստիարակության կենտրենի պատվերով պատրաստել, խմբագրել և ընթերցել է «Եվ ասե Աստված» հոգևոր ծրագիրը (Հանրային ռադիո), հաճախակի մասնակցել Մայր Աթոռ Սուրբ Էջմիածնի վեհարանում կազմակերպվող հանդիսություններին և միջոցառումներին:

1993 թ.Հայաստանի հեռուստատեսության երաժշտական հաղորդումների գլխավոր խմբագրության հետ համատեղ նկարահանվել է «Արամ խաչատրյան»  հինգմասանոց հեռուստատեսային ֆիլմում, որպես պատմիչ, խմբագիր և թարգմանիչ (ռեժիսոր Լ. Զիգարջյան): Փարիզի «ԱՅԲ», Մոնտեվիդեոյի «Կոմիտաս» ռադիոկայանների և Աբովյան քաղաքի «Աբովյան» հեռուստաընկերության համար պատրաստել է հոգևոր, գրական-երաժշտական կոմպոզիցիաներ որոնք առ այսօր հնչում են վերոհիշյալ հեռուստաընկերության եթերում:

1993-1999 թթ. դասավանդել է «Դավիթ Անհաղթ» հումանիտար համալսարանում և եղել է ժուռնալիստիկայի ֆակուլտետի դեկան, Մոնթե Մելքոնյան հումանիտար համալսարանում մոտ յոթ տարի դասավանդել է «Հռետորական արվեստ», «Խոսքը եթերում», «Ռադիոժուռնալիստիկա» առարկաները: Դասավանդել է նաև ԵՊՀ բանասիրական ֆակուլտետում:

1996 թ. «Քինգ ընդ ֆեմիլի-301» ձայնագրման ստուդիայի պատվերով պատրաստել է մանկական Աստվածաշունչ գրքի ձայներիզային տարերակը (ութ ձայներիզ) և «Եղիշե Չարենց- 1897, 1937, 1997» գիրք ձայներիզը (չորս ձայներիզ):

1994-2000 թթ. ղեկավարել է Ավետիք Իսահակյանի  հանրային գրադարանի ասմունքի խմբակը, որի սաները ասմունքի մրցութներում արժանացել են մրցանակների և դիպլոմների:

1996 թ. Նաջարյանի սցենարով և Կոմիտասի դերակատարմամբ Սոֆի Դևոյանի «Պարի և հոգու» թատրոնում բեմադրվել է «Կոմիտասը մեր աչքերով» ներկայացումը, որի հիման վրա նկարահանվել է նաև ֆիլմ-ներկայացում (ռեժիսոր` Գառնիկ Մակարյան),

Կոմիտասի անվան  կամերային երաժշտության տանը աշխատել ու տասը տարիների ընթացքում (1987-1997թթ.) որպես սցենարիստ-ռեժիսոր կազմակերպել է շուրջ ութսուն շնորհալի երեխաների ցուցահանդեսներ, մրցույթներ, մեծարման երեկոներ, գրական երաժշտական համերգներ:

2002թ.-ից առ այսօր «Վեմ» ռադիոկայանում վարում է «Գանձասար»  հոգևոր ծրագիրը և այլ հաղորդումներ:

2002-2004 թթ. Նաջարյանի ընթերցմամբ թողարկվել է Հովհաննես Թումանյանի «քսանչորս հեքիաթները», Էքզուպերիի «Փոքրիկ իշխանը» «Անդերսենի հեքիաթները»  ձայնասկավառակները, «Մակար Եկմալյան՝ պատարագ և պատմական հուշարձաններ», «Սա Հայաստանն է» երկլեզու տեսաերիզները,  «Այբբենարան», հայ մանուկների համար գիրք-ձայներիզները, Առակաց գիրքը, «Հայկական պոեզիան հինգերորդ դարից մինչև մեր օրերը» հայերեն անգլերեն ձայնասկվառակը (1-ին մաս), «Նոր կտակարան», իսկ Հայաստանի պարի պետական անսամբլի հետ պատրաստել է Մեծ Եղեռնի 90-ամյակին նվիրված, «Հայոց աշխարհիկ» պարային-գրական կոմպոզիցիան դասական պոեզիան (Հովհաննես Թումանյան, Համո Սահյան, Եղիշե Չարենց, Վահան Տերյան), Արևմտահայ պոեզիա, Դավթի սաղմոսները ձայներիզները:

2009թ-ին անձնական միջոցներով թողարկել է  «Պարույր Սևակ անկեղծ ասած», Գրիգոր Նարեկացու «Մատյան ողբերգության» պոեմի  ընտրանին, Սայաթ Նովայի «տաղեր և երգեր» հայկական պոեզիայի անթոլոգիա հայերեն և անգլերեն տարբերակներով, և Կոմիտաս «հավերժի Ճամբորդը» ձայներիզները:

2009թ.-ին ընթերցել է ռեժիսոր Հովիկ Հախվերդյանի «Մատենադարան» ֆիլմի անգլերեն տարբերակը(ձայներիզ, 30 մաս)

2014թ. նկարահանել է «Կարոտի կռունկ» գողտրիկ ներկայացում-ֆիլմ նվիրված մեծն Կոմիտասին:

2014թ.- «Կոմիտաս՝ հավերժի ճամփորդը» մոնոներկայացմամբ հանդես է եկել Գերմանիայում, Հունաստանում, Մոսկվայում, Տուլայում, Կալուգայում, Հորդանանում, Արաբական Էմիրություններում, Ավստրալիայում, Արցախում, Երևանում, Գավառում:

2015թ.-ից դասավանդում է ԵՊՀ-ի «Մաս Մեդիա» գիտակրթական կենտրոնում:

2016թ.-Հայաստանի Ազգային պարարվեստի միության անդամ է (նախագահ՝ Կարեն Գևորգյան)

2017թ.-պատրաստել է Գրիգոր Նարեկացու «Մատյան Ողբերգության» պոեմի ձայներիզը ամբողջությամբ (տասնչորսուկես ժամ):

Հեռուստաֆիլմ

• 1993 թվականին նկարահանվել է «Արամ Խաչատրյան» հեռուստաֆիլմում։
• Նկարահանվել է «Տաճար» ֆիլմում,«Սուրբ Էջմիածին» ֆիլմում՝ գլխավոր դեր
• Մասնակցել է «Հիսուսը Նազարեթից» ֆիլմի կրկնօրինակմանը «Հայֆիլմ» կինոստուդիայում
• Խաղացել է «Նեմեսիս» ներկայացման մեջ
• 2003թ. Փարիզի «Նարեկ Դուրյան» թատերախմբի կազմում, Թեհրանում «Նեմեսիս» ներկայացման մեջ խաղացել է դատավոր պատմիչի դերը:
• Նկարահանվել է Գևորգ Էմինի Էսսեի հիման վրա նկարահանված «Հավերժի ճամփորդը» ֆիլմի գլխավոր դերում:

Պարգևներ

• 1993թ արժանացել է Ամենայն Հայոց Կաթողիկոս Վազգեն Ա Վեհափառ Հայրապետի անհատական արծաթե մեդալին:
• «Սայաթ Նովա-2000»  համահայկական երգի փառատոնում արժանացել է գլխավոր մրցանակի և դրամական պարգևի, որպես  «Ելիր, ով հայ» հայրենասիրական երգի խոսքերի հեղինակ (կոմպոզիտոր Ավետիս Բերբերյան),
• 2002թ.-հոգևոր աշխարհում մատուցած ծառայությունների համար արժանացել է Ամենայն Հայոց Կաթողիկոս Գարեգին Բ-ի հատուկ շնորհակալագրին:
• 2005թ.-տարվա լավագույն հաղորդավար-լրագրող
• 2005թ.- «Սայաթ-Նովա» մշակութային միության դիպլոմ
• 2005թ.- Տարվա լավագույն հաղորդավար-լրագրող
• 2006թ.-ՀՀ վաստ.արտիստ և լրագրող
• 2011թ.-Երևանի քաղաքապետի շնորհակալագիր
• 2012թ.-ՀՀ վարչապետի հուշամեդալ
• 2013թ.-Երևանի քաղաքապետի ոսկե մեդալ
• 2013թ.- ՀՀ Սփուռքի նախարարության  «Կոմիտաս» մեդալ
• 2014թ. Նկարահանել է «Կարոտի կռունկ» գողտրիկ ներկայացում-ֆիլմ նվիրված մեծն Կոմիտասին:
• 2014թ.-ՀՀ Սփուռքի նախարարության «Իմ Հայաստան» փառատոնի հավաստագիր:
• 2015թ.-ԼՂՀ Ազգային  ժողովի նախագահի պատվոգիր
• 2015թ.- «Մեծն Տիգրան»  աշխարհազորային գունո պատվոգիր
• 2015թ.- «Համազգային վստահություն» խորհուրդ-Տարվա լավագույն հանրային ծառայող:
• 2016թ.-ԼՂՀ Մշակույթի և երիտասարդության հարցերի նախարարություն «Գարեգին Նժդեհ» մեդալ
• 2016թ. Վանուշ Խանամիրյանի անվան Հայաստանի պարարվեստի գործիչների միության պատվոգիր:
• «Քրիստոնեական Հայաստան-1700» միջոցառումների հանձնաժողովի կողմից արժանացել է առաջին կարգի դիպլոմի «Կոմիտաս՝ հավերժի ճամփորդը»- համերգ ներկայացման համար (սցենար երաժշտական և բեմի ձևավորում և Կոմիտասի դերակատարում):

Արտաքին հղումներ

• Սարգիս Նաջարյանի կենսագրությունը AV Production կայքում