Սարգիս Մելիքսեթյան

Սարգիս Մելիքսեթյան
Ծնվել է	օգոստոսի 18 (30), 1899
Ծննդավայր	Գանձակ, Ռուսական կայսրություն
Վախճանվել է	նոյեմբերի 3, 1980 (81 տարեկան)
Վախճանի վայր	Երևան, Հայկական ԽՍՀ, ԽՍՀՄ
Մասնագիտություն	թատերագետ
Ազգություն	հայ
Քաղաքացիություն	Ռուսական կայսրություն և ԽՍՀՄ
Կրթություն	Ներսիսյան դպրոց
Գիտական աստիճան	արվեստագիտության դոկտոր (1971)
Անդամակցություն	ԽՍՀՄ Գրողների միություն
Աշխատավայր	Երևանի բանվորական թատրոն, Սովետական Հայաստան, Հայֆիլմ, Հայաստանի թատերական գործիչների միություն, Երևանի պետական գեղարվեստա-թատերական ինստիտուտ, Արվեստի ինստիտուտ և Եղիշե Չարենցի անվան գրականության և արվեստի թանգարան
Պարգևներ	; և
	Սարգիս Մելիքսեթյան Վիքիդարանում

Վիքիպեդիայում կան հոդվածներ Մելիքսեթյան ազգանունով այլ մարդկանց մասին։

Սարգիս Ալեքսանդրի Մելիքսեթյան (օգոստոսի 18 (30), 1899^[1], Գանձակ, Ռուսական կայսրություն^[1] - նոյեմբերի 3, 1980(1980-11-03)^[1], Երևան, Հայկական ԽՍՀ, ԽՍՀՄ^[1])), հայ թատերագետ, գրականագետ, արվեստագիտության դոկտոր, ՀԽՍՀ արվեստի վաստակավոր գործիչ (1956), ԽՍՀՄ գրողների միության անդամ 1934 թ.-ից։

Կենսագրություն

Ծնվել է Ելիզավետոպոլ (Գանձակ) քաղաքում։ Ավարտել է Թիֆլիսի Ներսիսյան դպրոցը։ Լրագրական գործունեությունը սկսել է 1921 թվականին, Թիֆլիսում։ Հետո փոխադրվել է Երևան, երկու տարի աշխատել է Ժողովրդական կոմիսարների խորհրդում որպես ինֆորմացիոն բաժնի վարիչ, իսկ 1923-1925 թվականներին՝ «Խորհրդային Հայաստան» թերթի խմբագրությունում բաժնի վարիչ։ 1925-1930 թվականներին՝ Գեղաշխի արհեստակցական միության նախագահ, 1930-1935 թվականներին՝ «Հայկինո»-ի սցենարական բաժնի վարիչ, ապա նախագահ-տնօրենի տեղակալ։ Հետագայում աշխատել է որպես Խաղացանկային կոմիտեի նախագահ, Արվեստի գործերի վարչության թատերական բաժնի վարիչ, 1935-1949 թվականներին՝ Հայաստանի թատերական թանգարանի տնօրեն, միաժամանակ՝ 1935-1937 թվականներին Երևանի թատերական տեխնիկումի տնօրեն, 1938-1942 թվականներին Արվեստի գործերի վարչության դրամատուրգիայի գծով գլխավոր խորհրդատու։

1944-1947 թվականներին եղել է Երևանի թատերական ինստիտուտի թատերագիտական ֆակուլտետի դեկանը, 1947-1949 թվականներին՝ ամբիոնի վարիչ նույն ինստիտուտում։ 1950-1954 թվականներին աշխատել է ՀԽՍՀ ԳԱ արվեստի սեկտորի որպես ավագ գիտաշխատող։ 1954-1963 թվականներին գրականության և արվեստի թանգարանի արվեստի բաժնի վարին ու գիտնական քարտուղարն էր։ 1963-1980 թվականներին եղել է Եղիշե Չարենցի անվան գրականության և արվեստի թանգարանի տնօրենը։ 1954 թվականին «Հովհաննես Աբելյան» թեմայով դիսերտացիա է պաշտպանել և ստացել արվեստագիտության թեկնածուի աստիճան։ 1971 թվականին «Սովետական թատրոնի պատմությունը» թեմայով դիսերտացիա է պաշտպանել և ստացել արվեստագիտության դոկտորի աստիճան։ Ռուսերեն լույս է տեսել նրա «Մեր թատրոնի ուղին» (Երևան, 1940) գիրքը։ Պարգևատրվել է Աշխատանքային կարմիր դրոշի շքանշանով։ Մահացել է 1980 թ.-ին^[2]։

Ս. Մելիքսեթյանի երկերի մատենագրություն

Քիթ Մաթոն, Երևան, Պետհրատ, 1925 թ.
Պատմվածքներ ապահովագրության մասին (գրքի մեջ մտնող ապահովագրության մասին պիեսը փոխադրել է Ս. Մելիքսեթյանը), Երևան, Պետհրատ, 1926 թ.
Երևանի պետական թատրոն, Երևան, Պետհրատ, 1933 թ.
Անաթեմայից մինչև աշխատանքի շքանշան, Երևան, Պետհրատ, 1934 թ.
Թատերական ակնարկներ, Երևան, Հայպետհրատ, 1946 թ.
Գևորգ Չմշկյան, Երևան, Հայպետհրատ, 1953 թ.
Հովհաննես Աբելյան, Երևան, Հայպետհրատ, 1954 թ.
Ուրվագծեր սովետահայ թատրոնի պատմության, ՀԽՍՀ ԳԱ, Երևան, 1960 թ.
Մտերմական Շիրվանզադեն, Երևան, Հայպետհրատ, 1964 թ.
Մեծ արվեստի ուժը, Երևան, Հայկական թատերական ընկերություն, 1968 թ.
Կյանք և բեմ, Երևան, Հայկական թատերական ընկերություն, 1970 թ., 328 էջ
Շեքսպիրը և մերոնք, Երևան, Հայկական թատերական ընկերություն, 1974 թ., 222 էջ։

Գրականություն

Մանուկյան Է. Գ., Սարգիս Մելիքսեթյան, Երևան, 1980։

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 Հայկական սովետական հանրագիտարան (հայ.) — Երևան: 1981. — հատոր 7.
↑ Գրական տեղեկատու. Երևան: «Սովետական գրող». 1981. էջ 304.

Վիքիդարանն ունի նյութեր, որոնք վերաբերում են «Սարգիս Մելիքսեթյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 393)։

[_52b2ead8b2ffac15-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 Հայկական սովետական հանրագիտարան (հայ.) — Երևան: 1981. — հատոր 7.

[2] Գրական տեղեկատու. Երևան: «Սովետական գրող». 1981. էջ 304.

[1]

[2]