Սատանայի կրկնօրինակը (ֆիլմ)

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Սատանայի կրկնօրինակը
The Devil's Double
The Devil's Double.jpg
ԵրկիրFlag of Belgium.svg Բելգիա
Flag of the Netherlands.svg Նիդերլանդներ
Ժանրկենսագրական ֆիլմ և դրամա
Թվականհունվարի 22, 2011[1]
Լեզուանգլերեն
ՌեժիսորԼի Թամահորի
Սցենարի հեղինակMichael Thomas?
ԴերակատարներԴոմինիկ Կուպեր, Philip Quast?, Լյուդիվին Սանե, Mimoun Oaïssa?, Mem Ferda?, Akın Gazi? և Ամրիտա Աչարիա
ՕպերատորՍեմ ՄակՔարդի
Պատմվածքի վայրԻրաք
Նկարահանման վայրՄալթա
Տևողություն108 րոպե
Բյուջե19 100 000 ԱՄՆ դոլար[2]
Շահույթ2 985 158 ԱՄՆ դոլար
Պաշտոնական կայքէջ

«Սատանայի կրնկնօրինակը» (անգլ.՝ The Devil's Double), ռեժիսոր Լի Տամահորիի կողմից 2011 թվականին նկարահանված ֆիլմ Իրաքի նախկին նախագահ Սադդամ Հուսեյնի որդու՝ Ուդեյ Հուսեյնի մասին։ Պրեմիերան կայացել է 2011 թվականի հունվարի 22-ին ֆիլմերի Սանդանս (անգլ.՝ Sundance) կինոփառատոնում[3]: Ֆիլմի հիմքում Լաթիֆ Յահիայի (արաբ․՝ لطيف يحيى‎‎, Laṭīf Yaḥīa) կենսագրական գիրքն է, որը Ուդեյ Հուսեյնի նմանակն է եղել Իրաքում։ Ֆիլմը հիմնված է իրական փաստերի վրա։

Դոմինիկ Քուփեր 2010
Լաթիֆ Յահիա

Սյուժե[խմբագրել | խմբագրել կոդը]

Սադդամ Հուսեյնի ավագ որդին՝ Ուդեյը, հետևելով հորը, իր համար նմանակների է փնտրում, որպեսզի վերջիններս իրեն փոխարինեն վտանգավոր իրադրություններում։ Նա գտնում է իր համադասարանցի, քրդական ծագում ունեցող Լաթիվ Յահիային։ վերջինս սկզբում չի համաձայնվում հանդես գալ Ուդեյի նմանակի դերում, սակայն վերջ ի վերջո, տեղի տալով սպառնալիքներին, համաձայնվում է։ Նա սկսում է ապրել Ուդեյի տանը, օգտվել բոլոր բարիքներից, բացառությամբ Ուդեյի աղջիկների ու կանանց։ Նա նույնիսկ հանդիպում է Սադդամին, որպեսզի վերջինս պարզեր Լաթիֆի և իր որդու միջև եղած նմանության աստիճանը։

Երեկույթներից մեկի ժամանակ Լաթիֆը ծանոթանում է Ուդեյի սիրուհիներից մեկի՝ Սարրաբի հետ և հետաքրքրվում նրանով։ Դա հարուցում է Ուդեյի զայրույթը։ Փախչելով երեկույթներից մեկից, Լաթիվը գնում է տուն, որպեսզի տեսնի հարազատներին, սակայն բռնվում է Ուդեյի թիկնազորի կողմից և դաժանորեն ծեծվում։

Լաթիֆը, Ուդդեյի կերպարանքով այցելում է իրաքյան զորքերի առաջնամասեր ու իր ելույթներով փորձում ոգևորել զինվորներին, որոնք կռվում էին Քուվեյթի սահմանին։ Այցերից մեկի ժամանակ նա հարձակման է ենթարկվում քրդերի կողմից ու վիրավորվում։

Ուդեյը հայտնի էր իր ցոփ, շվայտ, սանձարձակ կյանքով։ Բաղդադի փողոցներից մեկում նա տեսնում է դպրոցական գեղեցիկ աղջկա, փախցնում, բռնաբարում, խեղդում և մարմինը նետում փողոց։ Երեկույթներից մեկի ժամանակ նա դաժանորեն մորթում է հոր՝ Սադդամի օգնականներից մեկին։ Սա հարուցում է անգամ Սադդամի զայրույթը և Ուդեյը ստիպված փախչում է որոշ ժամանակով։

Հարսանիքներից մեկի ժամանակ Ուդեյը բռնաբարում է հարսին, իսկ հարսը, չդիմանալով կատարված իրողությանը, նետվում է տանիքից հենց հարսանիքի ժամանակ, հյուրերի առջև։ Գնալով, ավելի ու ավելի է խորանում Լաթիֆի և Ուդեյի միջև ձևավորվող հակամարտությունը, քանի որ Լաթիֆը չի կարողանում հանգիստ վերաբերվել Ուդեյի կողմից կատարված հանցանքներին։ Մի օր Լաթիֆը կտրում է սեփական երակները։ Նա անօգուտ է համարում անգամ փախչելը, քանի որ Ուդեյը կարող է նրան ցանկացած տեղից գտնել։

Սական, շոււտով նրան հաջողվում է փախչել երկրից Սարրաբի հետ, որը խոստովանում է, որ հոգնել է նման կյանքից ու ունի աղջիկ, որին վտանգ է սպառնում։ Սակայն Ուդեյը գտնում է նրանց, քանի որ Սարրաբը հայտնում է իրենց տեղը։ Փորձելով հետ բերել Լաթիֆին, Ուդեյը իր մոտ է կանչում Լաթիֆի հորը։ Չկարողանալով հետ բերել Լաթիֆին, Ուդեյը սպանում է նրա հորը։

Լաթիֆը վերադառնում է Իրաք և մահացած հարսնացուի փեսայի օգնությամբ մահափորձ կատարում Ուդեյի դեմ, որն անհաջողությամբ է պսակվում, քանի որ Ուդեյը միայն վիրավորվում է։

Դերերում[խմբագրել | խմբագրել կոդը]

Նկարահանումներ[խմբագրել | խմբագրել կոդը]

Նկարահանումները կատարվել է Մալթայում[4]: Մալթայում, ի տարբերություն Իրաքի, ավտոմեքենաների շարժը ձախակողմյան է, այդ պատճառով ֆիլմում օգտագործվում են աջակողմյան ղեկով մեքենաներ, որը չի համապատասխանում իրաքյան իրականությանը։

Ծանոթագրություններ[խմբագրել | խմբագրել կոդը]

  1. Freebase Data DumpsGoogle.
  2. http://boxofficemojo.com/movies/?id=devilsdouble.htm
  3. "Lionsgate and Herrick Take on The Devil's Double". CominSoon (CraveOnline). February 3, 2011. Retrieved July 5, 2011.
  4. Updated: Iraq movie being filmed in Malta

Արտաքին հղումներ[խմբագրել | խմբագրել կոդը]