Սառնենի

Վիքիպեդիայից՝ ազատ հանրագիտարանից
Սառնենի
Delosperma cooperi1.jpg
Գիտական դասակարգում
Թագավորություն Բույսեր
Տիպ Ծածկասերմեր
Դաս Էուդիկոտներ
Ընտանիք Թնաձրատերևազգիներ
Լատիներեն անվանում
Mesembrianthemum


Wikispecies-logo.svg
Դասակարգումը
Վիքիցեղերում

Commons-logo.svg
Պատկերներ
Վիքիպահեստում




Սառնենի , (լատ.՝ Mesembrianthemum) պատկանում է թնաձրատերևազգիների (Crassulaceae-Alzoaceae) ընտանիքին։

Կենսաբանական նկարագիր[խմբագրել | խմբագրել կոդը]

Մշակության մեջ տարածված են բազմաթիվ տեսակներ։ M.cordifolium fol. var. Hort.-ը փռվող է, գետնի վրա տարածվող ճյուղերով, որոնք կրում են սրտաձև, նուրբ դեղին, սպիտակագույն մսոտ տերևներ։ Բույսը արագաճ է, բարձրությունը հասնում է 6-12 սմ-ի, ծաղիկները փոքր են, մանուշակագույն, բացվում են միայն արևի տակ։

Օգտագործում[խմբագրել | խմբագրել կոդը]

Օգտագործվում են գորգային ձևավորումներում ներդաշնակ կերպով զուգակցվելով կարմրագույն ալտերնանթների և իրեզինեների հետ։ Կանաչատերև մեզեմբերիանտեմումը (M. cordifolium) առայժմ ծաղկային ձևավորումներում սահմանափակ է օգտագործվում։ Աչքի ընկնող տեղ է գրավում նաև բյուրեղատերև մեզեմբրիանտեմումը (M.cristallinum), որի տերևների վրա կարծես մշտապես ցող է նստած և արևի ճառագայթների տակ փայլփլում են զանազան գույներով։

Մշակում[խմբագրել | խմբագրել կոդը]

Սովորաբար տնկում են բույսը բույսից 10 սմ հեռավորության վրա։ Պահանջկոտ է լույսի ջերմության և հողի նկատմամբ։ Ջուրը տրվում է չափավոր։ Բազմացվում է կտորներով և սերմերով։ Կտորները վերցվում են ջերմատներում ձմեռող մայրակներից, որոնք իրենց հերթին ստացվում են օգոստոս ամսում արմատակալեցված կտորներից։ Ջերմատներում կտորներով բազմացումը կատարվում է վաղ գարնանը, ավազով լցված բազմացման արկղերի մեջ։ Տնկելուց հետո բույսը հաճախակի ջրել չի կարելի, այլ պետք է ջրել միայն այն դեպքում, երբ խիստ ընկնում է բույսերի տուրգորը։ Սերմերով բազմացնելիս ցանկը ջերմատներում սովորաբար կատարում են ցանկարկղերի մեջ՝ փետրվար ամսին։ Ծլում է 7-10 օրում։ Սերմերը ծլունակությունը պահպանում են 3-4 տարի։ Բացի վերը նշվածներից, գոյություն ունեն սառնենիների բազմաթիվ տեսակներ ու այլատեսակներ, որոնք իրենց հիանալի դեկորատիվ տեսքի շնորհիվ մշակում են բնակարաներում։

Պատկերասրահ[խմբագրել | խմբագրել կոդը]

Գրականություն[խմբագրել | խմբագրել կոդը]

  • Ծաղկաբուծություն և դեկորատիվ այգեգործություն, Հ. Ե. Նարինջյան