Սանտի Ապոստոլի (Վենետիկ)
| Սանտի Ապոստոլի | |
|---|---|
.jpg) | |
| Հիմնական տվյալներ | |
| Տեսակ | եկեղեցի |
| Երկիր |  Իտալիա |
| Տեղագրություն | Վենետիկ |
| Տարածաշրջան | Կանարեջո և Կամպո Սանտի Ապոստոլի |
| Դավանանք | կաթոլիկություն[1] |
| Թեմ | Վենետիկի պատրիարքություն |
| Հիմնական ամսաթվերը | 1021 և 1575 |
| Նվիրված | առաքյալ |
| Անվանված | առաքյալ |
| Ճարտարապետ | Ալեսանդրո Վիտտորիա |
| Ճարտարապետական ոճ | վերածննդի ճարտարապետություն |
| Հիմնադրված | 1021 և 1575 |
| Շինանյութ | աղյուս |
 | |
 | |
 Santi Apostoli (Venice) Վիքիպահեստում | |
Սանտի Ապոստոլի (իտալ.՝ Santi Apostoli), եկեղեցի Վենետիկում, Կանարեջիոյի տարածքում ՝ համանուն հրապարակում։ Գտնվում է Մեծ ջրանցքի վրա գտնվող Կա' դ'Օրո պալատից ոչ հեռու։
Եկեղեցին կանգնեցվել է այն վայրում, որտեղ բնակություն են հաստատել Վենետիկի առաջին բնակիչները։ Եկեղեցին հաճախ վերակառուցվել է։ Եկեղեցու շենքն իր ներկայիս տեսքը ձեռք է բերել 18-րդ դարի կեսերին։ Եկեղեցու կողքին խոյացած զանգակատունը, որը քաղաքի ամենաբարձրերից մեկն է, կառուցվել է 1672 թվականին և իր ներկայիս տեսքը ստացել է 18-րդ դարում՝ ճարտարապետ Անդրեա Տիրալիի շնորհիվ (իտալ.՝ Andrea Tirali):
Եկեղեցու կողքին գտնվում է մատուռ՝ կառուցված վերածննդի ոճով՝ ըստ ճարտարապետ Մաուրո Կոդուչիի նախագծի։ Մատուռում է գտնվում Մարկո Կոռնարոյի դամբարանը, քանդակագործ Թուլիո Լոմբարդոյի աշխատանքները։
Եկեղեցու խորանի վերևում տեղադրված է Վենետիկյան դպրոցի վերջին մեծ ներկայացուցիչ Ջովաննի Բատիստա Տիեպոլոյի «Սուրբ Լուսիայի հաղորդություն» (1748) կտավը։ Եկեղեցու նկարազարդմանը մասնակցություն է ունեցել նաև Ֆաբիո Կանալը (իտալ.՝ Fabio Canal):
Պատմություն[խմբագրել | խմբագրել կոդը]
7-րդ դարում Վենետիկը դեռ քաղաք չէր, այլ փոքր համայնքների միավորում՝ ցրված ամբողջ ծովածոցում։ Սուրբ Մագնուս ( իտալ.՝ San Magno) Օդերզոյի եպիսկոպոսը եկել էր ծովածոց և հիմնել ութ եկեղեցի[2]։ Պատմաբան Ֆլամինիո Կորնարոյի պատմած լեգենդի համաձայն, Սուրբ Մագնուսը տեսիլք է ունեցել Տասներկու Առաքյալների մասին, որոնք պատվիրել են նրան եկեղեցի կառուցել մի վայրում, որտեղ կտեսնի տասներկու կռունկ։ Այդ վայրը Կանարեջիոյի գավառում գտնվելու պատճառով հանդիսացել է Սան Ապոստոլիի եկեղեցու տեղը[3]։
1490-ական թվականներին եկեղեցուն ավելացվել է Կապելլա Կոռնարոն, որը կառուցվել էր Վենետիկյան հարուստ Կոռնարո ընտանիքի համար որպես դամբարան[4]։ Այն համարվել է Վենետիկի Վաղ Վերածննդի դարաշրջանի ամենակարևոր մատուռներից մեկը։ Անհայտ է, թե կոնկրետ ով է նախագծել մատուռը, չնայած այն առավել հաճախ վերագրվում է ճարտարապետ Մաուրո Կոդուչիին[5]։ Միևնույն ժամանակ եկեղեցու ճակատին ավելացվել է շքամուտք և կառուցվել է սրբադասարան։ Այս փոփոխությունները վերահսկել է նաև Կոդուչին։
Պատկերասրահ[խմբագրել | խմբագրել կոդը]
.jpg)
_Font.jpg)
_organo.jpg)
_-_La_nascita_della_Vergine_(1599)_Giovanni_Contarini.jpg)
_-_Cristo_fra_gli_Apostoli_Sebastiano_Santi_1828.jpg)
_-_La_vergine_col_Bambino,_san_Giuseppe,_san_Giovanni_Battista_e_sant%27Antonio_da_Padova_(1755)_Gaspare_Diziani.jpg)
_-_Santa_Caterina_d%27Alessandria,_Sant%27Antonio_Abate,_San_Girolamo_e_San_Giovanni_Nepomuceno_Domenico_Maggiotto.jpg)
Ծանոթագրություններ[խմբագրել | խմբագրել կոդը]
- ↑ Իտալերեն Վիքիպեդիա (իտալ.) — 2001.
- ↑ Giordano, Venice Described, p. 85
- ↑ «Churches in Venice – San Magno and his eight churches». Slow Travel. 2009 թ․ մայիսի 31. Արխիվացված է օրիգինալից 2013 թ․ հոկտեմբերի 4-ին. Վերցված է 2010 թ․ հունվարի 15-ին.
- ↑ Biucchi, Venice: An Architectural Guide, p. 2.22
- ↑ Huse, The Art of Renaissance Venice, p. 86
Արտաքին հղումներ[խմբագրել | խմբագրել կոդը]
- Biucchi, Edwina (2002). Venice: An Architectural Guide.
- Hazlitt, William Carew. History of the Venetian Republic. Vol. 4.
- Giordano, Andrea (1844). Venice described by Baron A. G. From the original Italian. adapted to assist as a guide to the Model of Venice, etc.
- Nichols, Tom (2004). Tintoretto: Tradition and Identity.
- Pullan, Brian (1998). The Jews of Europe and the Inquisition of Venice, 1550–1670.
- Huse, Norbert (1993). The Art of Renaissance Venice: Architecture, Sculpture, and Painting, 1460–1590. University of Chicago Press.
 | Վիքիպահեստն ունի նյութեր, որոնք վերաբերում են «Սանտի Ապոստոլի (Վենետիկ)» հոդվածին։ |
