Սանսա Ստարկ

Վիքիպեդիայից՝ ազատ հանրագիտարանից
Jump to navigation Jump to search

Sansa Stark
LBCC 2014 - Game of Thrones (15383053186).jpg
Սոֆի Թերները Սանսա Սթարկի դերում
Սեռիգական
ԱմուսինԹիրիոն Լենիստեր
Ռամսեյ Բոլտոն (միայն հեռուստասերիալում)
ԾնողներԷդարդ Սթարկ, Քեթիլին Թալի
Նախասիրություններերաժշտություն, պոեզիա, երգ

Սանսա Սթարկ, ամերիկացի հեղինակ Ջորջ Մարթինի կողմից ստեղծված գեղարվեստական հերոս է։ Հերոսուհին նշանավորվում է Մարթինի մրցանակի արժանցած «Song of Ice and Fire» շարքով։

1996 թվականին ներկայացված Գահերի խաղում Սանսան լորդ Էդարդ Սթարկի և նրա կնոջ լեդի Քեթիլին Թալիի երկրորդ զավակն՝ ավագ դուստրն է։ Սանսան ավելի ուշ հայտնվում է երեք նովելներում՝ «A Clash of Kings (1998)»-ում, «A Storm of Swords (2000)»-ում և «A Feast for Crows (2005)»-ում։ Մինչդեռ նա բացակայում էր հինգերորդ «A Dance with Dragons» նովելում, քանզի գրքերը աշխարհագրորեն առանձնացված են, Սանսան համաձայնեցված կերպով վերադառնում է առաջիկայում սպասվող նախավերջին գրքում՝ «The Winds of Winter»[1]:

HBO-ի ադապտացրած հեռուստասերիալում՝ «Գահերի խաղ»-ում Սանսա Սթարկի դերում խաղում է Սոֆի Թերները[2][3]: Հերոսուհին ստացել է քննադական հավանություն՝ «Rolling Stone»-ի կողմից շնորհվելով շարքի չորրորդ, ամենալավ հերոսը Թիրիոնից, Ջոֆրիից և Դեյեներիս Թարգարիենից հետո[4]:

Հերոսը և կերպարանքը[խմբագրել | խմբագրել կոդը]

Սանսա Սթարկը Էդարդ Սթարկի և Քեթելին Սթարկի երկրորդ զավակն է։ Նա ծնվել և մեծացել է Վինթերֆելում, մինչ իր հորն ու մորը լքելը։ Ունի իրենից փոքր քույր՝ Արյա Սթարկը, երկու փոքր եղբայրներ՝ Ռիքոն Սթարկն ու Բրեն Սթարկը, ինչպես նաև մեծ եղբայր՝ Ռոբ Սթարկը և մեծ, բայց խորթ եղբայր՝ Ջոն Սնոու։

Մեծանալով որպես լեդի՝ Սանսան ավանդորեն շատ կանացի էր։ Սանսայի հետաքրքրություններն են երաժշտությունը, պոեզիան և երգեցողությունը։ Նա փորձում է այնպես անել, որպեսզի դառնա ռոմանտիկ հեքիաթների հերոսուհիներից՝ փորձելով գտնել իր արքայազնին կամ ասպետին։ Սանսան խղճում է իր փոքր քրոջը՝ Արյային, ում համարում է իրենից բավականին տարբեր, քանզի Արյան պաշտում էր սուսերով կռիվը։ Որպես իրեն ուղեկցող կենդանի Սանսան ուներ դայրվուլֆ, որին կոչում էր Լեդի։

Սանսան նկարագրվում էր որպես բարձրահասակ, նրբագեղ և գեղեցիկ։ Նա ունի կապույտ աչքեր և հաստ կարմիր վարսեր։ Սանսան 11 տարեկան է «A Game of Thrones»-ում և մոտավորապես 14 «A Feast for Crows»-ում։ Թերևս Սթարկի երեխաներից ամենամիամիտը լինելով՝ Սանսան կարողանում է իրեն լավ դրսևորել այլ հերոսների մոտ։

Բովանդակություն[խմբագրել | խմբագրել կոդը]

Գրքեր[խմբագրել | խմբագրել կոդը]

«A Game of Thrones»[խմբագրել | խմբագրել կոդը]

Սանսա Սթարկը սկսում է նովելը՝ նշանված լինելով Ջոֆրի Բարատեոնի հետ։ Նա անկեղծորեն հավատում էր, որ Ջոֆրին շքեղ իշխան է։ Երբ Ջոֆրին և Սանսա Սթարկը քայլում էին անտառում, Ջոֆրին նկատում է, որ Արյան կռվում է մի ցածր ծագումով տղայի հետ։ Կռվի ժամանակ երբ Ջոֆրին սպառնում է Արյային հարվածել, Արյայի գայլը հարձակվում է Ջոֆրիի վրա։ Սանսան ստում է թագավոր Ռոբերտին Ջոֆրիի արարքի մասին նրան պաշտպանելու համար։

Երբ Էդարդը իմանում է Ջոֆրիի հեղինակության մասին ճշմարտությունը, նա ասում է Սանսային, որ նրանք հետ կգնան Վինթերֆել։ Սանսան ցանկանում էր մնալ Քինգս Լենդինգում։ Այդ պատճառով էլ նա շուտափույթ հայտնում է Սերսեյին իր հոր պլանների մասին՝ ապահովելով Սերսեյի համար հիմնական տեղեկատվությունն ու հիմքը իր հորը ձերբակալելու համար։ Ռոբերտի մահից հետո Սանսան աղաչում է Ջոֆրիին ողորմություն ցույց տալ իր հորը։ Ջոֆրին համաձայնվում է թույլ տալ Նեդին ապրել միայն եթե Նեդը հավատարմության երդում տար։ Սանսային խոստանալով գթասիրտ լինել՝ Ջոֆրին մահապատժի է ենթարկում Նեդ Սթարկին։ Սանսան արդեն պատանդ էր Քինգս Լենդինգում, և վերջ ի վերջո նա բացահայտում է Ջոֆրիի իրական էությունը։

«A Clash of Kings»[խմբագրել | խմբագրել կոդը]

Սանսան սովորում է արտաքուստ անձնվեր լինել թագավոր Ջոֆրիին ծանր ֆիզիկական բռնություններից խուսափելու համար։

Ջոֆրիի անվան օրվա տոնակատարության ժամանակ Սանսան փրկում է Դոնթոս Հոլարդի կյանքը։ Որոշ ժամանակ անց Թիրիոն Լենիստերը գալիս է Քինգս Լենդինգ և վերաբերվում է Սանսայի հետ բարությամբ ու հարգանքով՝ պաշտպանելով նրան պահակներից, ովքեր վիրավորում էին նրան։ Սանդոր Քլեյգանը պաշտպանում է Սանսային ծեծվելուց։ Սանդորը փրկում է նրա կյանքը Քինգս Լենդինգում տեղի ունեցող զանգվածային անկարգությունների ժամանակ։ Սանդորը նաև առաջարկում է աղջկան իր հետ միասին լքել Քինգս Լենդինգը Բլեքվոթերի կռվի ժամանակ։ Սանսան հրաժարվում է, քանզի նա արդեն պլանավորել էր փախչել Դոնտոսի հետ։ Սանդորն անհայտանում է Քինգս Լենդինգից։ Երբ Լենիստերները հաղթում են կռիվը, նրա և Ջոֆրիի նշանադրությունը չի կայանում, այդպիսով Ջոֆրին կարող էր ամուսնանալ Մարգարի Թայրելի հետ։ Ջոֆրին տեղեկացնում է Սանսային, որ ինքը դեռևս կարող է օգտագործել նրան նույնիսկ իր ամուսնությունից հետո։

«A Storm of Swords»[խմբագրել | խմբագրել կոդը]

Սանսան սկսում է մտերմանալ Մարգարիի և նրա տատիկի՝ Օլեննա Թայրելի, հետ։ Սանսային առաջարկում են ամուսնանալ Լորաս Թայրելի հետ և փախչել Լենիստերներից։ Սակայն պլանը ձախողվում է, երբ Թայվինը ստիպում է Սանսային ամուսնանալ Թիրիոնի հետ։ Թիրիոնը հրաժարվում է լիակատար ավարտել ամուսնությունը մինչ Սանսան չհամաձայնի։ Ջոֆրիի հարսանիքի ժամանակ վերջինիս թունավորում են, և Սերսեյը հրամայում է և՛ Թիրիոնին, և՛ Սանսային ձերբակալել։ Սակայն Դոնթոսը փրկում է նրան այդ քաոսից։ Ավելի ուշ Փիթեր Բեյլիշը սպանում է Դոնթոսին։ Պարզվում է, որ Փիթեր Բեյլիշը հանդիսանում է մայրաքաղաքում տեղի ունեցող բոլոր ինտրիգներում գործող անձ։ Հենց Բեյլիշն է տրամադրել Մարգարիի տատիկին թույն Ջոֆրիին սպանելու համար։ Բեյլիշը տանում է Սանսային Վեյլ և ներկայացնում է նրան որպես իր ապօրինի դուստր Ալայն Սթոն։ Վեյլում էր նաև Սանսայի մորաքույր Լիզա Արենը, ով արդեն ամուսնացել էր Բեյլիշի հետ։ Լիզան հրաժարվում է Սանսային ամուսնացնել իր հիվանդոտ տղայի՝ Ռոբերտի հետ։ Լիզան փորձում է սպանել Սանսային, երբ տեսնում է որ Լորդ Բեյլիշը փորձում է համբուրել Սանսային։ Սակայն Բեյլիշը փրկում է աղջկան և սպանում Լիզային։

«A Feast for Crows»[խմբագրել | խմբագրել կոդը]

Լիզայի մահից հետո Սանսան դառնում է Էյրիի տանտիրուհին և շարունակում է ձևանալ որպես Բեյլիշի ապօրինի դուստր։ Բեյլիշը հաջողությամբ հաշտեցնում է Վեյլի լորդերին, ովքեր մեղադրում էին Բեյլիշին Լիզայի մահվան մեջ։ Այնուհետև Բեյլիշը պատմում է Սանսային իր պլանների մասին։ Ըստ այդ պլանների Բեյլիշը պետք է ամուսնանար Սանսայի հետ Վեյլի ժառանգի համար։ Սանսան Ռոբին Արենին մայրություն է անում՝ խնամելով նրան Լիզայի մահից հետո։

Հեռուստասերիալ[խմբագրել | խմբագրել կոդը]

Հինգերորդ եթերաշրջան[խմբագրել | խմբագրել կոդը]

Այստեղ Բեյլիշը համոզում է Սանսային ամուսնանալ Ռամսեյի հետ։ Սանսան դժկամությամբ էր վերաբերում այդ ամուսնությանը, քանզի Ռամսեյի հայր՝ Ռուսը անձամբ սպանել էր Ռոբին՝ Սանսայի եղբորը։ Սակայն Բեյլիշը համոզում է նրան, որ այդ ամուսնությունը կտա Սանսային հնարավորություն վրեժ լուծել Բոլտոններից։ Վինթերֆելի գնալու ճանապարհին նրանք հանդիպում են Բրիեն Տարթին, ով երդում էր տվել Քեթիլին ապահովել Սանսա Սթարկի անվտանգությունը։ Այս իսկ պատճառով Բրիենը փորձում է համոզել Սանսային գնալ իր հետ։ Բրիենը հետևում և ուղեկցում է Սանսային մինչև Վինթերֆել։ Սանսան շուտով բացահայտում է Ռամսեյի սադիստական էությունը, որն առավել ի հայտ է գալիս այն ժամանակ, երբ Սանսան տեսնում է Թեոն Գրեյջոյին (Ռիք), ով էլ ենթադրաբար սպանել էր Սանսայի եղբայրներ Բրենին և Ռիքոնին։ Երբ հենց իրենց հարսանիքի գիշերը Ռամսեյը բռնաբարում է Սանսային, Սանսան խնդրում է Ռիքին օգնության ազդակ ուղարկել Բրիենին։ Չնայած, որ Ռիքը չէր ցանկանում զայրացնել Սանսա Ռամսեյին, նա պատմում է Ռամսեյին Սանսայի մտադրության մասին։ Զայրացած Սանսան դիմագրավում է Ռիքին, ով պնդում է, որ իրականում ինքը չի սպանել Սանսայի երկու եղբայրներին։ Մինչդեռ Բոլտոնները պատրաստվում էին կռվել Ստանիս Բարատեոնի դեմ, Սանսան կրկին ազդակ է ուղարկում Բրիենին, չնայած, որ վերջինս արդեն գնացել էր Ստանիսին սպանելու։ Տեսնելով, որ օգնություն չկա՝ Սանսան փորձում է վերադառնալ սենյակ, սակայն նրան բռնում է Ռամսեյի հոգեկան սիրեկանը՝ Միրանդան, ով սպառնում է վնաս հասցնել Սանսային։ Վերջապես Թեոնը վրա է հասնում և սպանում Միրանդային։ Վախենալով Ռամսեյից՝ թե՛ Սանսան, թե՛ Թեոնը ցած են նետվում Վինթերֆելի պարիսպներից։

Սթարկների տոհմածառ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Excerpt from the Winds of Winter - George R.R. Martin»։ georgerrmartin.com 
  2. «Game of Thrones: Cast & Crew»։ HBO։ Վերցված է մայիսի 20, 2014 
  3. Martin George R. R. (հուլիսի 16, 2010)։ «From HBO»։ Վերցված է մայիսի 20, 2014 
  4. http://www.rollingstone.com/tv/lists/top-40-game-of-thrones-characters-ranked-20140331/sansa-stark-19691231