Սանջիվ Կումար

Սանջիվ Կումար անգլ.՝ Sanjeev Kumar
Ծնվել է	հուլիսի 9, 1938(1938-07-09)
Ծննդավայր	Սուրհաթ, Բոմբեյի նախագահություն, Բրիտանական Հնդկաստան, Բրիտանական կայսրություն
Մահացել է	նոյեմբերի 6, 1985(1985-11-06) (47 տարեկան)
Մահվան վայր	Մումբայ, Հնդկաստան
Քաղաքացիություն	Հնդկաստան
Մասնագիտություն	կինոդերասան, թատրոնի դերասան և դերասան
Պարգևներ և մրցանակներ	Ազգային կինոմրցանակ տղամարդու լավագույն դերակատարման համար

Սանջիվ Կումար (գուջարաթի` સંજીવ કુમાર, իրական անունը` Հարիհար Ջեթհալալ Ջարիվալա, հուլիսի 9, 1938(1938-07-09), Սուրհաթ, Բոմբեյի նախագահություն, Բրիտանական Հնդկաստան, Բրիտանական կայսրություն - նոյեմբերի 6, 1985(1985-11-06), Մումբայ, Հնդկաստան), հնդիկ կինոդերասան, «Արծաթե լոտոս» Ազգային կինոմրցանակի կրկնակի մրցանակակիր, ինչպես նաև արժանացել է Filmfare Awards-ի մրցանակի՝ տղամարդու լավագույն դերի համար։

Կենսագրություն

Սանջիվ Կումարը ծնվել է միջին դասի գուջարաթյան ընտանիքում, որտեղ մեծանում էին նաև նրա երկու եղբայրները և քույրը։ Նա մանկությունից երազել էր կինոյում նկարահանվելու մասին և այդ երազանքն իրականություն դարձնելու համար սկսել էր ելույթ ունենալ թատրոնում, իսկ այնուհետև ընդունվել է Filmalaya կինոստուդիային կից դերասանական դպրոց։ 1960 թվականին այդ նույն կինոստուդիայում` ոչ մեծ դերով նկարահանվել է «Մենք հնդիկներ ենք» ֆիլմում։ 1965 թվականին նա ստացավ «Nishan» ֆիլմի դերերից մեկը։

Սանջիվ Կումարին ճանաչում բերեց 1970 թվականին նկարահանված «Խաղալիքը» կինոնկարը։ Դրան հաջորդեցին մի շարք հաջողված ֆիլմեր՝ «Զիտան և Գիտան» (1972 թ.), «Կամակորի սանձահարումը» (1973 թ.), «Երդվում եմ Ձեզանով» (1974 թ.) և այլն։ Այդ տարիներին նա սկսեց աշխատել հայտնի ռեժիսոր Գուլզարի հետ և միասին նկարահանեցին ևս 9 ֆիլմ ` «Հաղթահարում» (1972 թ.), «Ամպրոպ» (1975 թ.), «Ճանապարհորդություն դեպի անցյալ» (1975 թ.), «Կենվորը» (1982 թ.) և այլն։ Նրա լավագույն դերը համարվում է «Հաղթահարում» ֆիլմում ստեղծած կերպարը։ Այդ դերի համար Սանջիվ Կումարը արժանացել է մի շարք մրցանակների՝ տղամարդու լավագույն դերի համար։ Հաջորդ հիշարժան դերը «Վրեժ և օրենք» (1975 թ.) ֆիլմում կերտած կերպարն էր։ Սանջիվ Կումարի ոչ ավանդական դերերից էր Սաթյաջիտ Ռայի «Շախմատիստները» (1977 թ.) ֆիլմում խաղացած դերը։

Անձնական կյանք

Սանջիվ Կումարը երբեք չի ամուսնացել և իր ողջ կյանքում սիրել է դերասանուհի Հեմա Մալինիին, ով սակայն գերադասել է Դհարմենդրային։ Այդ սիրո պատճառով նա անպատասխան է թողել դերասանուհի Սուլակշանա Պանդիտի սերն իր նկատմամբ։

Սանջիվ Կումարը մահացել է 1985 թվականի նոյեմբերի 6-ին՝ ինֆարկտից։ Ճակատագրի հեգնանքով նա մեծ մասամբ խաղացել է հասուն տարիքի դերեր, սակայն մահացել է դեռ 50 տարին չբոլորած։

Մասնակի ֆիլմագրությունը

Թվական	Անվանում	Բնօրինակ անվանում	Կերպար
1960	Մենք հնդիկներ ենք	Hum Hindustani	ոստիկանության տեսուչ
1966	Ամուսին և կին	Pati Patni	Ամար
1966	Ալի Բաբան և քառասուն ավազակները	Alibaba Aur 40 Chor	Ալի Բաբա
1968	Գաուրի	Gauri	Սանջիվ
1968	Որս	Shikar	տեսուչ Ռայ
1968	Գործընկերը	Saathi	դոկ. Աշոկ
1968	Ռաջան և աղքատը	Raja Aur Runk	Սուդհիր, Վիջայ
1968	Հեղափոխություն	Sunghursh	Դուարկա Պրասադ
1968	Տարօրինակ գիշեր	Anokhi Raat	Բալդև Սինգհ
1968	Տասնչորս տարի անց	Aashirwad	դոկ. Բիրեն
1969	Ճանապարհ դեպի երջանկություն	Bandhan	Ռավի Շարմա
1969	Մեկ անգամ խաբելով	Jeene Ki Raah	դոկ. Մանոհար
1969	Կյանքի ճանապարհ	Satyakam	Նարենդրա Շարմա
1969	Հողն է կանչում	Dharti Kahe Pukarke	Մոտի
1970	Խաղալիքը	Khilona	Վիջայ Կամալ Սինգհ
1970	Հարված	Dastak	Համիդ Ահմեդ
1971	Ապրումներ	Anubhav	Ամար Սեն
1971	Ամուսնական գիշեր	Ek Paheli	ոստիկանության տեսուչ
1972	Տնային դաստիարակը	Parichay	Նիլեշ
1972	Զիտան և Գիտան	Seeta Aur Geeta	Ռավի
1972	Հաղթահարում	Koshish	Հարի Չարան Մաթհուր
1972	Առավոտ և երեկո	Subha-O-Sham	Նասիր
1973	Կամակորի սանձահարումը	Manchali	Սուշիլ Կումար
1973	Անամիկա	Anamika	Դևենդրա Դատ
1974	Զվարճանքներ որոնելիս	Manoranjan	Ռատան (Շերու)
1974	Երդվում եմ ձեզանով	Aap Ki Kasam	Մոհան
1974	Նոր օր և նոր գիշեր	Naya Din Nai Raat	Անանդ, Սվամի Ռահասյանանդ, միսթր Սարանգ
1974	Չամուսնացած հայրը	Kunwara Baap	բժիշկ
1974	Անամոթը	Charitraheen	Ինդրա
1974	Սպիտակ աղավնին	Shandaar	Ռաջան
1975	Ամպրոպ	Aandhi	Ջ. Կ.
1975	Պայքար սիրո համար	Aakraman	մայոր Աջայ Վերմա
1975	Վրեժ և օրենք	Sholay	Թհակուր Բալդև Սինգհ
1975	Փախստակը	Faraar	տեսուչ Սանջայ
1975	Ճանապարհորդություն դեպի անցյալ	Mausam	դոկ. Ամարնաթհ Գիլլ
1976	Կյանք	Zindagi	Ռագհու Շուկլա
1977	Պատիվ և հավատ	Immaan Dharam	Կաբիր Դաս
1977	Շախմատիստները	Shatranj Ke Khilari	Միրզա Սաջադ Ալի
1977	Սա կյանքն է	Yehi Hai Zindagi	Անանդ Նարայան
1977	Արև և ստվեր	Dhoop Chhaon	դոկ. Պարաս
1977	Ձերբազատում	Mukti	Ռատան
1977	Մտերիմ մարդը	Apnapan	Ռաջան Ռաշպալ Սինգհ
1977	Մեղսագործը	Paapi	Աշոկ Ռոյ
1977	Երազանքի մեղեդին	Alaap	Ռաջա Բահադուր
1977	Դավաճանություն	Vishwasghaat	Մահեշ
1978	Շիվա աստծո եռաժանին	Trishul	Ռաջ Կումար Գուպտա
1978	Ամուսինը, կինը և...	Pati Patni Aur Woh	Ռանջիտ Չհադհա
1978	Հիշեցում	Trishna	դոկ. Սունիլ Գուպտա
1978	Աստվածություն	Devata	Տոնի, Տարուն Կումար
1978	Դժոխք և դրախտ	Swarg Narak	Պանդիտ Սոհանլալ Տրիպաթհի
1978	Անձրևի երգերը	Sawan Ke Geet	-
1978	Ճակատագիր	Muqaddar	-
1979	Անհայտ թշնամին	Jaani Dushman	Թհակուր
1979	Տան ձեռքբերում	Griha Pravesh	Ամար
1979	Ծառան	Nauker	Ամար
1980	Ատելության կրակը	Jyoti Bane Jwala	-
1980	Մենք` հինգով	Hum Paanch	Կրիշնա
1980	Աբդուլա	Abdullah	Ամիր
1980	Ինքնակամ ցանկությամբ	Swayamvar	Ռամ
1981	Երկերեսանին	Chehre Pe Chehra	դոկ. Ուիլսոն
1981	Սիրելի կինը	Biwi O Biwi	Մանգալ Սինգհ, Շանկար
1981	Ստրկուհին	Daasi	Անանդ
1981	Սիրային կապ	Silsila	դոկ. Վ. Կ. Անանդ
1981	Ժամանակն է վերացնել բոլոր խոչընդոտները	Waqt Ki Deewar	Վիկրամ
1982	Ամուսին և կին	Shriman Shrimati	Շրիման Շանկար Լալ
1982	Մեծ սեր	Suraag	-
1982	Ինչպես փրկել սերը	Sawaal	Դհանպաթհրայ Մեհտա
1982	Անհոգը	Ayaash	Թհակուր Ջասվանտ Սինգհ
1982	Ամենազորը	Vidhaata	Աբու Բաբա
1982	Խաղող	Angoor	Աշոկ
1982	Կենվորը	Namkeen	Գերուլալ
1982	Երեք եղբայր	Khud-Daar	Հարի Շրիվաստավ
1982	Ինչ կասեն մարդիկ	Log Kya Kahenge	-
1983	Պատանդուհին	Hero	Դամոդար Մաթհուր
1984	Երեսպաշտները	Pakhandi	-
1985	Քանի անուն ունի Աստված	Ram Tere Kitne Nam	Պետու Ռամ, Ռամ Կումար
1985	Հզորագույնը	Zabardast	Ռատան Կումար, Ռամեշ Կումար
1986	Ճակատագրի խաղալիքները	Haathon Ki Lakeeren	դոկ. Բհանու Պրատապ
1986	Գոնե ստացվեր	Baat Ban Jaye	Սուրաջ Սինգհ
1988	Անհնարինը	Namumkin	-
1989	Վերև, ներքև, մեջտեղում	Oonch Neech Beech	-
1993	Պրոֆեսորի հարևանուհին	Professor Ki Padosan	պրոֆեսոր Վիդհյադհար

Ծանոթագրություններ

Վիքիպահեստն ունի նյութեր, որոնք վերաբերում են «Սանջիվ Կումար» հոդվածին։