Սամվել Սևյան
| Սամվել Արմենի Սևյան | |
|---|---|
 Սամվել Սևյան, 2016 թվական | |
| Պետություն(ներ) |  ԱՄՆ |
| Ծննդյան ամսաթիվ | դեկտեմբերի 26, 2000 (22 տարեկան) |
| Ծննդավայր | Նյու Յորք, Քորնինգ |
| Կոչում | Գրոսմայստեր (2014) Միջազգային վարպետ (2013) |
| Առավելագույն վարկանիշ | 2548 (ապրիլ 2015) |
| Ներկայիս վարկանիշ | 2698 |
| ՖԻԴԵ համար | 2040506 |
| 365chess | Samuel_Sevian |
| Chesstempo համար | 193429 |
| ICCF համար | 193429 |
 Samuel Sevian Վիքիպահեստում | |
Սամվել (Սամուել) Արմենի Սևյան (անգլ.՝ Samuel Sevian, դեկտեմբերի 26, 2000, Corning, Ստուբեն շրջան, Նյու Յորք, ԱՄՆ, Քորնինգ), հայազգի ամերիկացի շախմատիստ, ԱՄՆ-ի ամենաերիտասարդ շախմատային գրոսմայստերը։ Նա այս հեղինակավոր կոչմանն արժանացել է 13 տարեկան, 10 ամսական և 27 օրական հասակում` մեկ տարով ավելի վաղ, քան նրան նախորդող Ռեյ Ռոբսոնը։ Այս արդյունքով նա դարձել է աշխարհում 6-րդ ամենաերիտասարդ գրոսմայստերը[1][2]։
Կենսագրություն
Սամվել Սևյանը ծնվել է Քորնինգ քաղաքում, Նյու Յորք, Հայաստանից Արմեն Սևյանի ընտանիքում։ Հայրը՝ Արմեն Սևյանը, լազերային ֆիզիկայի մասնագետ է և 1996 թվականին Հայաստանից մեկնել է ԱՄՆ դոկտորական կրթություն ստանալու համար։ Շախմատային առաջին քայլերը որդուն հայրն է սովորեցրել և տարիների ընթացքում մարզել է նրան[3]։ Հորից հետո առաջին պրոֆեսիոնալ մարզիչը եղել է միջազգային վարպետ Անդրանիկ Մատիկոզյանը, որի հետ համագործակցությունը շարունակվում է մինչ օրս[4]։
Սամվելը համագործակցում է նաև Գարրի Կասպարովի հիմնադրամի և անձամբ աշխարհի 13-րդ չեմպիոնի հետ։ Նրան հրավիրել էին հիմնադրամից՝ դիտելու խաղը։ Սամվելը վեց պարտիա է ներկայացրել և վերլուծել։ Դրանից հետո Կասպարովն ասել է, որ Սամվելի հետ պետք է լրջորեն զբաղվել։ Որոշ ժամանակ անց Սամվելը ներգրավվել է հիմնադրամի «Պատանի աստղեր» ծրագրում, որտեղ նրան տրամադրել են հիմնական մարզիչ՝ գրոսմայստեր Ալեքսանդր Չեռնինին։ Խաղաշրջանների և մրցաշարերի ժամանակ Սամվելին խորհուրդներ է տալիս անձամբ Գարրի Կասպարովը, որը միշտ հետևում է Սամվելի պարտիաներին[4]։
Սամվել Սևյանը շախմատ սկսել է խաղալ հինգ տարեկանից, գրոսմայստերի որակավորում ստացել է 13 տարեկանում։ Իր շախմատային կարիերայի ընթացքում գերազանցել է բոլոր ժամանակների ամերիկյան մի քանի ռեկորդներ։ Սևյանը դարձել է ԱՄՆ-ի շախմատի ֆեդերացիայի ամենաերիտասարդ վարպետը 8 տարեկանում, 9 տարեկանում դարձել է ամենաերիտասարդ ազգային վարպետը, նաև ԱՄՆ շախմատի առաջնության պատմության ամենաերիտասարդ մասնակիցը՝ 12 տարեկանում։ Սամվելը նաև հաղթել է Սլովենիայում անցկացված աշխարհի մինչև 12 տարեկանների առաջնությունում։ 2013 թվականի նոյեմբերին Սևյանը հատել է ՖԻԴԵ-ի 2500 վարկանիշային միավորը, որը գրոսմայստեր դառնալու նորմն է։
2014 թվականին, հաղթահարելով գրոսմայստեր դառնալու համար անհրաժեշտ բոլոր երեք աստիճանները Foxwoods Open-ում, Saint Louis GM Invitational-ում և Washington International-ում, Սևյանը դարձավ ամենաերիտասարդ ամերիկացին, որ երբևէ բավարարել է գրոսմայստերի բոլոր անհրաժեշտ պահանջները 13 տարեկանում, գերազանցել է Ֆիշերի ռեկորդը[5][6]։
Վարկանիշի փոփոխության գծապատկեր
 |
Այս կաղապարին ձեռնարկ է հարկավոր։ Նախագծին օգնելու համար դուք կարող եք ստեղծել այն։ Ձեռնարկում սովորաբար նկարագրվում են կաղապարի նշանակությունն ու օգտագործման կարգը, տրվում է նրա պարամետրերի մեկնաբանությունը։ Այդ ամենը հեշտացնում է կաղապարի օգտագործումը մյուս մասնակիցների համար։ Ձեռնարկ կազմելու ժամանակ ուշադրություն դարձրեք, որպեսզի կաղապարի էջին վերաբերող բոլոր մասերը միշտ մնան <noinclude></noinclude> թեգերի սահմաններում (անգլ. և ռուս. մեկնաբանությունները նրանց մասին)։ Նաև խորհուրդ է տրվում չանտեսել կաղապարային կատեգորիաներն (Վիքիպեդիա:Կատեգորիզացիա) ու ինթերիվիքները, որպեսզի այլ մասնակիցները հետագայում ավելի հեշտորեն գտնեն արդեն ստեղծված կաղապարները։ |
Ծանոթագրություններ
- ↑ Սամվել Սևյանը գերազանցել է լեգենդար Ռոբերտ Ֆիշերին
- ↑ 2000 թվականին ծնվածների վարկանիշ, World Chess Federation. Retrieved 30 November 2014
- ↑ Samuel Sevian: Young Armenian-American Grandmaster Rises to the Top
- ↑ 4,0 4,1 ««Շախմատային Հայաստանի» հարցազրույցը Արմեն և Սամվել Սևյանների հետ»։ Արխիվացված է օրիգինալից 2015-01-18-ին։ Վերցված է 2014-12-30
- ↑ «Սամվել Սևյան. ամերիկահայ պատանի գրոսմայստերի հաղթարշավը»։ Արխիվացված է օրիգինալից 2020-09-21-ին։ Վերցված է 2020-09-07
- ↑ Հայաստանը միշտ իմ սրտում է, ԱՄՆ-ի ամենաերիտասարդ գրոսմայստեր Սամվել Սևյան
- ↑ Էլոյի վարկանիշը ՖԻԴԵ ցանկերից։ Աղբյուրներ՝ fide.com, benoni.de, olimpbase.org
Արտաքին հղումներ
- Սամվել Սևյանի անձնական քարտը ՖԻԴԵ-ի կայքում (անգլ.)
- Սամվել Սևյանի պարտիաները chessgames.com կայքում (անգլ.)
- Սամվել Սևյանի անձնական քարտը 365chess.com կայքում (անգլ.)
| Նախորդող Նիկոլաս Նիփ |
ԱՄՆ ամենաերիտասարդ շախմատային չեմպիոնը 2010-2013 |
Հաջորդող Ավոնդեր Լիանգ |
| Նախորդող Ռեյ Ռոբսոն |
ԱՄՆ ամենաերիտասարդ միջազգային վարպետ 2013-2014 |
Հաջորդող գործող |
| Նախորդող Ռեյ Ռոբսոն |
ԱՄՆ ամենաերիտասարդ գրոսմայստերը 2014 |
Հաջորդող գործող |
| ||||||||||
