Սամսոն Ղազարյան

    Ստեղծել հղումը
    Վիքիպեդիայից՝ ազատ հանրագիտարանից
    Սամսոն Ղազարյան
    Դիմանկար
    Ծնվել էհունվարի 28, 1953(1953-01-28)
    ԾննդավայրՏուֆաշեն, Արթիկի շրջան, Հայկական ԽՍՀ, ԽՍՀՄ
    Մահացել էդեկտեմբերի 31, 2022(2022-12-31) (69 տարեկան)
    Մահվան վայրԵրևան, Հայաստան
    ՔաղաքացիությունFlag of the Soviet Union.svg ԽՍՀՄ և Flag of Armenia.svg Հայաստան
    ԿրթությունԵրևանի պետական համալսարան
    Մասնագիտությունքաղաքական գործիչ և պատմաբան
    ԱշխատավայրԱլեքսանդր Սպենդիարյանի անվան օպերայի և բալետի ազգային ակադեմիական թատրոն, Ավանգարդ և Մխիթար Սեբաստացի կրթահամալիր
    ԱնդամությունՂարաբաղ կոմիտե

    Սամսոն Սերյոժայի Ղազարյան (հունվարի 28, 1953(1953-01-28), Տուֆաշեն, Արթիկի շրջան, Հայկական ԽՍՀ, ԽՍՀՄ - դեկտեմբերի 31, 2022(2022-12-31), Երևան, Հայաստան), հայ քաղաքական գործիչ, «Ղարաբաղ» կոմիտեի անդամ, Հայաստանի Հանրապետության Գերագույն Խորհրդի առաջին և երկրորդ գումարման պատգամավոր, ԱԺ պետական-իրավական հարցերի մշտական հանձնաժողովի անդամ[1], Արցախյան առաջին ազատամարտի մասնակից[2]։

    Կենսագրություն[խմբագրել | խմբագրել կոդը]

    Սամսոն Ղազարյանը ծնվել է 1953 թվականի հունվարի 28-ին Արթիկի շրջանի Տուֆաշեն գյուղում։ Ավարտել է Երևանի պետական համալսարանը` պատմաբանի որակավորմամբ։ 1976-1980 թվականներին աշխատել է «Հայկապշին» տրեստում որպես բանվոր։ 1982 թվականին` Երևանի Օպերայի և բալետի պետական ակադեմիական թատրոնում տեխնիկ և Փանոս Թերլեմեզյանի անվ. գեղարվեստի ուսումնարանում ուսուցիչ։ 1983-1987 թվականներին` լրագրական աշխատանք է կատարել ՀՀ Ռադիոյի և հեռուստատեսության պետական կոմիտեում և «Ավանգարդ» թերթում։ 1987-1990 թվականներին ուսուցիչ է աշխատել Մխիթար Սեբաստացու անվան կրթահամալիրում։ 1988 թվականից եղել է «Ղարաբաղ» կոմիտեի երկրորդ կազմ կոմիտեի անդամ։ 1988 թվականի դեկտեմբերի 24-ին ձերբակալվել և մինչև 1989 թվականի մայիսի 31-ը բանտարկվել է «Ղարաբաղ» կոմիտեի մյուս տասը անդամների հետ։ Ընտրվել է ՀՀ ԳԽ պատգամավոր։ ԱԺ պետական-իրավական հարցերի մշտական հանձնաժողովի անդամ։ ԱԺ «Հանրապետություն» խմբակցության անդամ։ Եղել է անկուսակցական[1]։ Արցախյան առաջին ազատամարտի ժամանակ եղել է «Մուշ» ջոկատի հիմնադիր հրամանատարներից[2]։

    2006 թվականին ակտիվ մասնակցություն է ունեցել «Այլընտրանք» հասարակական-քաղաքական նախաձեռնությանը, իսկ 2007 թվականին Իմպիչմենտ դաշինքի ձևավորմանը։ 2008 թվականի համաժողովրդական շարժման մասնակից էր[3]։

    Սամսոն Ղազարյանը երկարատև հիվանդությունից հետո[4] մահացել է Երևանում 2022 թվականի դեկտեմբերի 31-ին[5]։

    Ծանոթագրություններ[խմբագրել | խմբագրել կոդը]

    1. ↑ 1,0 1,1 «National Assembly of Armenia»։ www.parliament.am։ Վերցված է 2022-12-31 
    2. ↑ 2,0 2,1 Սամսոն Ղազարյան (1953-2022). In Memoriam
    3. ↑ ՄԱՄՈՒԼ․ամ։ «Մահացել է Ղարաբաղ կոմիտեի անդամ Սամսոն Ղազարյանը»։ ՄԱՄՈՒԼ․ամ (հայերեն)։ Վերցված է 2022-12-31 
    4. ↑ Արմենիա Sputnik (20221231T1850+0400)։ «Մահացել է «Ղարաբաղ» կոմիտեի անդամ Սամսոն Ղազարյանը»։ Sputnik Արմենիա (ամհարերեն)։ Վերցված է 2022-12-31 
    5. ↑ «Մահացել է «Ղարաբաղ» կոմիտեի անդամ Սամսոն Ղազարյանը»։ news.am (հայերեն)։ Վերցված է 2022-12-31 
    Ստացված է «https://hy.wikipedia.org/w/index.php?title=Սամսոն_Ղազարյան&oldid=8612417» էջից