Սամուել Քոլրիջ-Թեյլոր

Սամուել Քոլրիջ-Թեյլոր
Ծնվել է	օգոստոսի 15, 1875[…]; Լոնդոն, Մեծ Բրիտանիայի և Իռլանդիայի միացյալ թագավորություն
Երկիր	Մեծ Բրիտանիայի և Իռլանդիայի միացյալ թագավորություն
Մահացել է	սեպտեմբերի 1, 1912[…] (37 տարեկան); Լոնդոն, Մեծ Բրիտանիայի և Իռլանդիայի միացյալ թագավորություն
Գերեզման	Bandon Hill Cemetery
Մասնագիտություն	կոմպոզիտոր, դաշնակահար և դիրիժոր
Գործիքներ	դաշնամուր
Աշխատավայր	Crystal Palace School?
Կրթություն	Երաժշտության թագավորական քոլեջ
Ամուսին	Jessie Sarah Fleetwood Walmisley?
	Samuel Coleridge-Taylor Վիքիպահեստում

Սամուել Քոլրիջ-Թեյլոր (անգլ.՝ Samuel Coleridge-Taylor, օգոստոսի 15, 1875(1875-08-15)^[1]^[2]^[3]^[…], Լոնդոն, Մեծ Բրիտանիայի և Իռլանդիայի միացյալ թագավորություն^[4] - սեպտեմբերի 1, 1912(1912-09-01)^[1]^[2]^[3]^[…], Լոնդոն, Մեծ Բրիտանիայի և Իռլանդիայի միացյալ թագավորություն), կրեոլական ծագմամբ բրիտանացի կոմպոզիտոր, դաշնակահար և դիրիժոր: Անունը ստացել է բանաստեղծ Սամուել Թեյլոր Քոլրիջի պատվին^[6]:

Կենսագրություն

Ծնվել է Լոնդոնի Հոլբորն փողոցում բժիշկ Դենիել Փիթեր Թեյլորի ընտանիքում, որը ծագումով Բրիտանական Արևմտյան Աֆրիկայից էր (ներկայիս Սիերա Լեոնե), և Էլիս Մարտինի (1856–1953) ընտանիքում^[7]: Մանկությունն անցկացրել է Լոնդոնի Քրոյդոն թաղամասում։ Հայրը լքել է իր կնոջը մինչև Սամուել Թեյլորի ծնվելը և հեռացել Անգլիայից։ Սամուելը վաղ հասակից ցուցաբերել է իր երաժշտական տաղանդը՝ երաժշտական դպրոցում սովորելով նվագել ջութակ և դաշնամուր։ Նա առաջին անգամ հանդես է եկել հանրության առջև որպես ջութակահար ութ տարեկանում։ 1890 թվականին ընդունվել է Թագավորական երաժշտական քոլեջ, իսկ 1891 թվականին լույս է տեսել նրա «Քո մեջ, Տե՛ր» օրհներգը։ 1892 թվականին իռլանդացի կոմպոզիտոր Չարլզ Վիլյերս Ստենֆորդը նրան սկսել է սովորեցնել տարբեր ստեղծագործություններ, իսկ 1893 թվականին Սամուել Թեյլորը ստացել է կրթաթոշակ։ Նույն թվականին Քրոյդոնում նա համերգ է տվել, որտեղ ներկայացրել է կվինտետ դաշնամուրի համար, սոնատի որոշ հատվածներ կլառնետի համար և մի քանի երգեր։ 1898 թվականին սկսել է դասավանդել Թագավորական երաժշտական քոլեջում։ 1899 թվականին ամուսնացել է իր ուսանողուհու՝ Ջեսի Ուելմսլիի հետ, չնայած վերջինիս ծնողները դեմ են եղել նրանց ամուսնությանը՝ Թեյլորի ծագման պատճառով։ Զույգն ունեցել է երկու երեխա՝ որդի՝ Գայավատա (1900–1980) և դուստր՝ Ավրիլ (1903–1998), որոնք նույնպես դարձել են երաժիշտներ^[8]։

Քոլրիջ-Թեյլորը ժամանակի ընթացքում ստացել է միջազգային ճանաչում որպես կոմպոզիտոր և միևնույն ժամանակ ընդգծել է իր խառը ինքնությունը։ Նա համագործակցել է աֆրոամերիկացի բանաստեղծ Փոլ Լորենս Դանբարի հետ^[8]։ ԱՄՆ-ում նա եղել է աֆրոամերիկյան համայնքի առաջատար դեմքերից մեկը։ 1901 թվականին Վաշինգտոնում հիմնադրվել է 200 անդամ ունեցող երգչախումբ՝ «Սամուել Քոլրիջ-Թեյլորի ընկերություն» անվամբ։ 1904, 1906 և 1910 թվականներին նա համերգային շրջագայություններով հանդես է եկել ԱՄՆ-ում^[8]։ 1904 թվականին նշանակվել է Հենդելյան ընկերության դիրիժոր։ Միևնույն ժամանակ մեծ ուշադրություն էր հատկացնում դասավանդմանը։ Աշխատում էր որպես Քրոյդոնի կոնսերվատորիայի դոցենտ, երաժշտության դասախոս Թրինիթի երաժշտական քոլեջում և Գիլդհոլի երաժշտության և թատրոնի դպրոցում։

Մահացել է 37 տարեկանում թոքերի բորբոքումից^[9]:

Ծանոթագրություններ

1 2 3 4 Bibliothèque nationale de France data.bnf.fr (ֆր.): տվյալների բաց շտեմարան — 2011.
1 2 3 4 Discogs(անգլերեն) — 2000.
1 2 3 4 Brockhaus Enzyklopädie (գերմ.) — F.A. Brockhaus, 1796.
1 2 Magnusson M. Chambers Biographical Dictionary — W & R Chambers, 1990. — ISBN 978-0-550-16041-6
↑ https://interlude.hk/samuel-coleridge-taylor-and-jessie-sarah-fleetwood-walmisley-nobody-knows-the-trouble-ive-seen/
↑ «Samuel Coleridge-Taylor (1875-1912), Britain's Foremost Black Classical Composer: The Centenary Legacy». 2012 թ․ սեպտեմբերի 1. Արխիվացված օրիգինալից 2016 թ․ հոկտեմբերի 19-ին. Վերցված է 2017 թ․ փետրվարի 14-ին.
↑ Mike Phillips, «Samuel Coleridge-Taylor (1875—1912)» Արխիվացված 2017-12-08 Wayback Machine. Black Europeans: A British Library Online Gallery feature.
1 2 3 Green, Jeffrey (2009 թ․ հունիսի 19). «Do we really know Samuel Coleridge-Taylor?» (PDF). Black & Asian Studies Association.
↑ «Celebrating the life of Sierra Leone's ingenious classical music composer – Samuel Coleridge-Taylor» (ամերիկյան անգլերեն). 2012 թ․ հունվարի 29. Վերցված է 2018 թ․ հոկտեմբերի 25-ին.

Վիքիպահեստն ունի նյութեր, որոնք վերաբերում են «Սամուել Քոլրիջ-Թեյլոր» հոդվածին։

[_425cc0a3788b71df-1] 1 2 3 4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_62b59e8517537fe0-2] 1 2 3 4 Discogs(անգլերեն) — 2000.

[_1517d784284bdc36-3] 1 2 3 4 Brockhaus Enzyklopädie (գերմ.) — F.A. Brockhaus, 1796.

[_2a1b5cad3b953d05-4] 1 2 Magnusson M. Chambers Biographical Dictionary — W & R Chambers, 1990. — ISBN 978-0-550-16041-6

[_c486f9d5eef693f3-5] ttps://interlude.hk/samuel-coleridge-taylor-and-jessie-sarah-fleetwood-walmisley-nobody-knows-the-trouble-ive-seen/

[burrage-6] «Samuel Coleridge-Taylor (1875-1912), Britain's Foremost Black Classical Composer: The Centenary Legacy». 2012 թ․ սեպտեմբերի 1. Արխիվացված օրիգինալից 2016 թ․ հոկտեմբերի 19-ին. Վերցված է 2017 թ․ փետրվարի 14-ին.

[7] Mike Phillips, «Samuel Coleridge-Taylor (1875—1912)» Արխիվացված 2017-12-08 Wayback Machine. Black Europeans: A British Library Online Gallery feature.

[GreeneBASA2-8] 1 2 3 Green, Jeffrey (2009 թ․ հունիսի 19). «Do we really know Samuel Coleridge-Taylor?» (PDF). Black & Asian Studies Association.

[9] «Celebrating the life of Sierra Leone's ingenious classical music composer – Samuel Coleridge-Taylor» (ամերիկյան անգլերեն). 2012 թ․ հունվարի 29. Վերցված է 2018 թ․ հոկտեմբերի 25-ին.

[1]

[2]

[3]

[4]

[5]

[6]

[7]

[8]

[9]