Սամիա Սուլուհու
| Սամիա Սուլուհու | |
_(Suluhu_crop).jpg)
| |
| Կուսակցություն՝ | Party of the Revolution? |
|---|---|
| Կրթություն՝ | Մանչեսթերի համալսարան, Southern New Hampshire University?, Mzumbe University?, The Open University of Tanzania? և Lumumba Secondary School? |
| Մասնագիտություն՝ | քաղաքական գործիչ և տնտեսագետ |
| Դավանանք | իսլամ |
| Ծննդյան օր | հունվարի 27, 1960 (64 տարեկան) |
| Ծննդավայր | Makunduchi, Զանզիբարի սուլթանություն |
| Քաղաքացիություն |  Տանզանիա
|
| Պարգևներ | |
Սամիա Հասան Սուլուհու ( սվահիլի՝ Samia Hassan Suluhu, հունվարի 27, 1960, Makunduchi, Զանզիբարի սուլթանություն), տանզանիացի քաղաքական գործիչ, Տանզանիայի գործող նախագահ։ Նա ներկայացնում է Չամա Չա Մապինդուզի կուսակցությունը[2]։
2010 թվականից 2015 թվականներին նա եղել է խորհրդարանի անդամ, իսկ 2010 թվականից՝ միության գործերով փոխնախագահի աշխատակազմի պետնախարար։ Մինչ այդ, նա նախագահ Կարումե Ամանիի վարչակազմում զբաղեցրել է նախարարի պաշտոն Զանզիբար ինքնավար շրջանում։ 2014 թվականին նա ընտրվել է Հիմնադիր խորհրդարանի փոխնախագահ, որին հանձնարարվեց պատրաստել երկրի նոր սահմանադրության նախագիծ։
2021 թվականի մարտի 19-ին Սամիա Սուլուհուն ստանձնեց Տանզանիայի նախագահի պարտականությունները՝ դառնալով Տանզանիայի առաջին կին նախագահը[3][4]։
Վաղ կյանք[խմբագրել | խմբագրել կոդը]
Սամիա Հասան Սուլուհուն ծնվել է Զանզիբարի Սուլթանությունում։ Ուսումն ավարտելուց հետո՝ 1977 թվականին նա որպես գործավար աշխատանքի է ընդունվել նախագծման և զարգացման նախարարությունում։ 1986 թվականին ավարտել է կառավարման զարգացման ինստիտուտը (այժմ ՝ Մզումբեի համալսարան)՝ հանրային կառավարման դիպլոմով։
Դրանից հետո Սամիան աշխատում էր պարենի համաշխարհային ծրագրի կողմից ֆինանսավորվող ծրագրի վրա։ 1992-1994 թվականներին նա սովորել է Մանչեսթերի համալսարանում՝ ստանալով տնտեսագիտության մագիստրոսի կոչում։ 2015 թվականին Սուլուհուն մագիստրոսի կոչում ստացավ տնտեսական զարգացման ոլորտում՝ Տանզանիայի բաց համալսարանի և Հարավային Նյու Հեմփշիր համալսարանի համատեղ ծրագրի միջոցով։
Քաղաքական կարիերա[խմբագրել | խմբագրել կոդը]
Նա քաղաքականությամբ զբաղվել է 2000 թվականից։ Ընտրվել է Զանզիբարի ներկայացուցիչների պալատի անդամ և նախագահ Ամանի Կարումեի կողմից ստացել է նախարարական պորտֆել՝ դառնալով իր կաբինետի միակ բարձրաստիճան կինը։ 2005 թվականին վերընտրվելուց հետո նա կրկին նշանակվել է նախարար։
2010թվականին նա Մակունդուչի շրջանից ընտրվել է Ազգային ժողովի պատգամավոր՝ հավաքելով ձայների ավելի քան 80%-ը։ Նախագահ Ջակայա Կիկվետեն նրան նշանակեց միության հարցերի նախարար։
2015 թվականի հուլիսին Սուլուհուն աջակեց իշխող սոցիալիստական կուսակցության՝ Չամա Չա Մապինդուզի կուսակցության նախագահի թեկնածու Ջոն Մագուֆուլիին։ Նրանք հաղթեցին նախագահական ընտրություններում։
2021 թվականի սեպտեմբերին Սամիա Սուլուհուն հաստատեց, որ մտադիր է 2025 թվականին առաջադրել իր թեկնածությունը նախագահական ընտրություններում և այդպիսով դառնալ երկրի առաջին ընտրված կին նախագահը, եթե նա հաղթի։
Անձնական կյանք[խմբագրել | խմբագրել կոդը]
1978 թվականին Սուլուհուն ամուսնացել է Հաֆիդ Ամիրի հետ, ով նախկինում աշխատել էր որպես գյուղատնտեսության մասնագետ։ Նրանք ունեն չորս երեխա։ Նրա դուստրը՝ Մվանու Հաֆիդ Ամիրը Զանզիբարի ներկայացուցիչների պալատի անդամ է։
Ծանոթագրություններ[խմբագրել | խմբագրել կոդը]
- ↑ https://time.com/collection/100-most-influential-people-2022/6177684/samia-suluhu-hassan/
- ↑ «Member of Parliament CV». Parliament of Tanzania. Արխիվացված է օրիգինալից 2015 թ․ հուլիսի 13-ին. Վերցված է 2013 թ․ փետրվարի 19-ին.
- ↑ «Самия Хасан Сулуху вступила в должность президента Танзании». ТАСС. Վերցված է 2021 թ․ մարտի 19-ին.
- ↑ «В Танзании президентом впервые стала женщина». РБК (ռուսերեն). Վերցված է 2021 թ․ մարտի 19-ին.
Արտաքին հղումներ[խմբագրել | խմբագրել կոդը]
- Professional Newsletter Production by Samia Suluhu et al., (PDF) 2005 թ., OUT / NSHU: