Սաղամո լիճ

Վիքիպեդիայից՝ ազատ հանրագիտարանից
Jump to navigation Jump to search
Սաղամո լիճ
Saghamo Lake, Javakheti Upland, Georgia (1).jpg
Տեսակլիճ
ԵրկիրFlag of Georgia official.svg Վրաստան
ԲԾՄ1996 մետր
Խորություն2,3 մետր
Մակերես4,8 կմ²
Աշխարհագրական տեղադրությունՋավախքի սարահարթ
Հոսող հոսքերԲոյուքդարա
Ավազանի երկիրՎրաստան
Լիճ հոսող գետԲոյուքդարա
Կոորդինատներ: 41°18′19.00000809999″ հս․ լ. 43°44′24.000000100007″ ավ. ե. / 41.3052777800277724° հս․. լ. 43.74000000002777711° ավ. ե. / 41.3052777800277724; 43.74000000002777711

Սաղամո, Թեն, Դումա, Դումայի լիճ, Դուման, Թուման, Սաղամո, Սաղամոն, Սաղամոս, Տուման, (վրաց.՝ საღამოს ტბა)՝ լիճ Վրաստանում, Նինոծմինդայի շրջանի տարածքում: Տեղակայված է Ախալքալաքի սարահարթում, Փարավանա գետի ավազանում գետի ավազանում, Փարվանա լճակից հարավ, ծովի մակարդակից 1996 մ բարձրության վրա: Լճի մակերեսը կազմում է 4,8 կմ², միջին խորությունը՝ 1,6 մ, առավելագույնը հասնում է 2,3 մ: Ունի տեկտոնական ծագում: Լճի սնուցումը ստորգետնյա, ձնային և անձրևային եղանակով է: Ջրի առավելագույն մակարդակը մայիսին է,նվազագույնը՝ սեպտեմբերին: Լճի միջով հոսում է Փարվանա գետը: Հարավային և հարավ-եվրոպական ափերը կազմված են անդեզիտներից: Լիճն ունի սեղանի ձև: Ջրի բարձրագույն ջերմաստիճանը հուլիսին հասնում է 14,4ºC: Ձմռանը լիճը սառցակալում է մինչև 4,5 ամիս: Լճի ափին է գտնվում Սաղամո գյուղը:

Լճակի մեջ թափվում են Բոյուքդարա և Գանձա գետերը, դուրս է գալիս Տումի ջուրը։ Ջուրը քաղցրարահամ է, ձկներով առատ։ հյուսիս-արևելյան ափին գտնվող Սաղամո գյուղի անունով կոչվում է նաև Սաղամո։ Գրականության մեջ երբեմն սխալմամբ նույնացվում է հարավ արևմուտքում գտնվող Խանչալի լճի հետ[1]:

Ծանոթագրություններ[խմբագրել | խմբագրել կոդը]

  1. Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 2 [Դ-Կ] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 1986, էջ 438 — 992 էջ։