Սահակ Հակոբյան (մանկավարժ)
Անվան այլ կիրառումների համար տե՛ս՝ Սահակ Հակոբյան (այլ կիրառումներ)- Վիքիպեդիայում կան հոդվածներ Հակոբյան ազգանունով այլ մարդկանց մասին։
| Սահակ Հակոբյան | |
|---|---|
| Ծնվել է | 1916 |
| Ծննդավայր | Վերին Արտաշատ, Հայաստան |
| Մահացել է | անհայտ |
| Քաղաքացիություն |  Ռուսական կայսրություն և  ԽՍՀՄ |
| Կրթություն | Հայկական պետական մանկավարժական համալսարան |
| Մասնագիտություն | մանկավարժ |
| Պարգևներ և մրցանակներ |  |
Սահակ Եղիայի Հակոբյան (1916, Վերին Արտաշատ, Հայաստան - անհայտ), հայ մանկավարժ, Երկրորդ համաշխարհային պատերազմի Արևելյան ճակատի («Հայրենական մեծ պատերազմ», 1941-1945) մասնակից։
Կենսագրություն[խմբագրել | խմբագրել կոդը]
Սահակ Հակոբյանը ծնվել է 1916 թվականին, Արտաշատի շրջանի Վերին Արտաշատ գյուղում։ 1934 թվականին ավարտել է շրջկենտրոնի մանկավարժական ուսումնարանը և նշանակվել Վեդու (այժմ՝ Արարատի) շրջանի Զովաշենի տարրական դպրոցի վարիչ։ Այնուհետև տեղափոխվել է Սովետաշեն գյուղի միջնակարգ դպրոցը, դասավանդել է հայոց լեզու։ Աշխատել է Արտաշատի շրջանի Մուղանի յոթնամյա դպրոցում, միաժամանակ սովորել է Երևանի հեռակա մանկավարժական ինստիտուտի լեզվագրական ֆակուլտետում[1]։
1941 թվականին Սահակը մեկնել է բանակ, սովորել հետևակային ուսումնարանում և, ուսումը չավարտած, մեկնել է գործող բանակ։ 1943 թվականի օգոստոսին նա 89-րդ հայկական դիվիզիայի 400-րդ գնդի կազմում թշնամու դեմ կռվել է Նովոռոսիյսկի մատույցներում, ազատագրել նաև Վերխնեբականսկը և մի շարք այլ բնակավայրեր։ Նատուխան ավանն ազատագրելու համար մղված մարտերում Հակոբյանը վիրավորվել է և ապաքինվելուց հետո տեղափոխվել է Առաջին ուկրաինական ռազմաճակատ։ 274-րդ գնդի կազմում, որպես գնդացրորդ, մասնակցել է Ժիտոմիրի և շրջակա մի շարք գյուղերի ազատագրմանը։ Երկրորդ անգամ է վիրավորվել և ապաքինվելուց հետո, 1944 թվականի մարտին զորացրվել է։ Պարգևատրվել է Հայրենական պատերազմի երկրորդ աստիճանի շքանշանով և մի շարք մեդալներով[1]։
Զորացրվելուց հետո Հակոբյանը երկար տարիներ մայրենի լեզու է դասավանդել Արտաշատի շրջանի դպրոցներում։ 1976 թվականին անցել է կենսաթոշակի[1]։
Պարգևներ[խմբագրել | խմբագրել կոդը]
- «Հայրենական պատերազմի» երկրորդ աստիճանի շքանշան