Սալմիյարվի լիճ

Վիքիպեդիայից՝ ազատ հանրագիտարանից
Jump to navigation Jump to search
Picto infobox map.png
Սալմիյարվի
նորվ.՝ Svanevatn
69°25′49″ հս․. լ. 30°02′30″ ավ. ե. / 69.4303° հս․. լ. 30.0417° ավ. ե. / 69.4303; 30.0417
Կոորդինատներ Կոորդինատներ: 69°25′49″ հս․ լ. 30°2′30″ ավ. ե. / 69.43028° հս․. լ. 30.04167° ավ. ե. / 69.43028; 30.04167
Երկիր Նորվեգիա Նորվեգիա Ռուսաստան Ռուսաստան
Վարչատարածքային բաժանում Սյոր-Վարանգեր (Նորվ.)
Մուրմանսկի մարզ (ՌԴ)
Հայելու բացարձակ բարձրությունը 21 մ
Ավազանի մակերեսը 32,51 կմ²
Ջրափնյա գծի երկարությունը 66,21 կմ
Թափվող գետերը Պացոկի
Սկիզբ առնող գետերը Պացոկի

Սալմիյարվի (նորվ.՝ Svanevatn), լիճ Նորվեգիայի և Ռուսաստանի սահմանին՝ Պացոկի գետի հովիտում[1]: Վարչատարածքային առումով ընդգրկված է Մուրմանսկի մարզում (ՌԴ) և Սյոր-Վարանգեր կոմունայում (Նորվ.): Ունի 32,51 կմ², որից 23,12 կմ²-ը ՌԴ-ում: Գտնվում է ծովի մակարդակից 21 մ բարձրության վրա: Հանդիսանում է Սկուգֆոսի ՀԷԿ-ի վերին ջրասնուցիչը[2]:

Սալմիյարվի լիճը Բարենցի ծովի ջրահավաք ավազանի մաս է կազմում, որին միանում է Պացոկի գետի միջոցով: Ջրահավաքում հիմնականում տեղի է ունենում ձնահոսքերի և անձրևաջրերի միջոցով: Ափի ռելիեֆը բարձրադիր է, որի կենտրոնական մասում հստակ ընդգծված է Հարյունվարա լեռը: Անտառային շերտը հիմնականում կազմված է կեչու և սոճու ծառերից: Լճում առկա են մի քանի կղզյակներ, որոնցից ամենամեծն է Լիտլե-Սկուգեն: Սալմիյարվի Պացոկի գետի միջոցով գետն ի վեր միանում է Սկուգվաթն լճին, իսկ գետն ի վար, Բերնսուդ և Թրոնգսուդն նեղուցների միջոցով Կոնտիոյարվի լճին: Լճի հյուսիսարևմտյան մասում հստակ ընդգծված է Սվանվիկա ծոցը[2][3]:

Լճի ափին տեղակայված են նորվեգական Բերնեբյուկտ, Հովլանդ, Բերկլուն, Սվանվիկ, Լանգնես և այլ բնակավայրեր: Ռուսական կողմում է գտնվում Սալմիյարվի գյուղը: Արևելյան ափով անցնում է ռուսական P10 ավտոմայրուղիննորվեգական 885 ավտոմայրուղուն զուգահեռ[3]:

Լճի ամենահին անվանումը Øvre Klostervann է, ինչը թարգմանաբար նշանակում է «Վերին վանքային լիճ»: Ընդհուպ մինչև Երկրորդ համաշխարհային պատերազմը օգտագործվում էր Čoalme-jau’re, որը թարգմանաբար նշանակում է «Լիճ-մակընթացություն»: Պատերազմից հետո լճի արևմտյան ափը բնակեցվեց ֆիններով և այն ստացավ իր ներկա պաշտոնական անվանումը: Նորվեգական անվանումն է Svanevatn, ինչը նշանակում է «Կարապի լիճ»[4]:

Ծանոթագրություններ[խմբագրել | խմբագրել կոդը]

  1. Նորվեգիայի և Ռուսաստանի սահմանի քարտեզ, կորդ. 146—156.
  2. 2,0 2,1 «Svanevatn». Faktaark. Kartverket. Besøkt 27. oktober 2016.
  3. 3,0 3,1 «Norgeskart». Kartverket. Besøkt 7. januar 2016.
  4. Этимология Сальмиярви