Սաբիր Ստեփանյան

Սաբիր Ստեփանյան
Ծնվել է	1933
Ծննդավայր	Ղազախ, Ադրբեջանական ԽՍՀ, ԱԽՖՍՀ, ԽՍՀՄ
Քաղաքացիություն	Ադրբեջանական ԽՍՀ
Կրթություն	Վորոնեժի պետական համալսարան (1962)
Մասնագիտություն	երկրաբան
Պարգևներ և մրցանակներ	և

Սաբիր Նիկոլայի Ստեփանյան (1933, Ղազախ, Ադրբեջանական ԽՍՀ, ԱԽՖՍՀ, ԽՍՀՄ), ՀԽՍՀ հասարակական-պետական գործիչ, տնտեսության գործիչ, երկրաբան։

Կրթություն

• Ծնվել է ծառայողի ընտանիքում։
• 1951 թ. ավարտել է Երևանի լեռնամետալուրգիական տեխնիկումը։
• 1962 թ. ավարտել է Վորոնեժի պետական համալսարանի երկրաբանական ֆակուլտետը։

Աշխատանքային գործունեությունը

• 1951-1954 թթ. աշխատել է Քաջարանի երկրաբանա-հետախուզական խմբում որպես պաշարների հաշվարկման խմբի երկրաբան, ապա փորման երկրաբան, ապա տեղամասի պետ։
• 1954-1955 թթ. - Փխրուտի երկրաբանա-հետախուզական խմբի պետ։
• 1955-1957 թթ. - Ագարակի երկրաբանա-հետախուզական խմբի պետ։
• 1957-1958 թթ. - Հոկտեմբերյանի նավթի և գազի փնտրման և հետախուզման խորը փորման խմբի պետ։
• 1962-1964 թթ. - Վայոց ձորի երկրաբանա-փնտրողական արշավախմբի պետ։
• 1964-1967 թթ. - Էջմիածնի շրջանի խմելու ջրի ջրաերկրաբանական արշավախմբի պետ։
• 1967-1971 թթ. - Ագարակի պղնձամոլիբդենային կոմբինատի տնօրեն։
• 1971-1977 թթ. - Հրազդանի լեռնաքիմիական կոմբինատի տնօրեն։
• 1977-1983 թթ. - «Հայոսկի» ոսկու արդյունահանման հայկական արտադրական միավորման պետ։
• 1983-1986 թթ. - Հայկական ԽՍՀ գազաֆիկացման պետական կոմիտեի նախագահ։
• 1987 թ. ընտրվել է ՀԽՍՀ Գերագույն խորհրդի 11-րդ գումարման ժողովրդական պատգամավոր։
• 1986-1991 թթ. - Հայկական ԽՍՀ նյութատեխնիկական մատակարարման պետական կոմիտեի (Պետմատ) նախագահ, ՀԽՍՀ Մինիստրների խորհրդի նախագահության անդամ։
• 1988 թ. դեկտեմբերի 8-ից - Երկրաշարժի հետևանքների վերացման հանձնաժողովի անդամ։
• 1991-1992 թթ. - Թուրքիայում ԽՍՀՄ առևտրային ներկայացուցչի տեղակալ։
• 1993-1998 թթ. - Ռուսաստանի էկոնոմիկայի մինիստրության բաժնի պետ, Հայաստանին աջակցության ցուցաբերման հանձնաժողովի նախագահի տեղակալ։
• 1998-2002 թթ. - «Հայոսկի» ոսկու արդյունահանման հայկական արտադրական միավորման գլխավոր տնօրեն։
• 2002-2004 թթ. - «Արմենալ» (ԿանԱԶ) ԲԲԸ ապահովման գծով տնօրեն։

Պարգևներ և կոչումներ

• Հայկական ԽՍՀ վաստակավոր երկրաբան (1969)։
• Աշխատանքային Կարմիր Դրոշի շքանշան (1971, 1977)։
• Ժողովուրդների բարեկամության շքանշան (1989)։
• «Հայրենիքին մատուցած ծառայությունների համար» 1-ին աստիճանի մեդալ (2012)։
• Հայաստանյայց Առաքելական Սուրբ Եկեղեցու «Սուրբ ներսես Շնորհալի» պատվո շքանշան (2012)։
• Մեդալներ։
• Ագարակի պատվավոր քաղաքացի։
• Հրազդանի պատվավոր քաղաքացի։
• Հայաստանի Հանրապետության ճարտարագիտական ակադեմիայի իսկական անդամ։
• ՀՀ վարչապետի հուշամեդալ (2013)։