Ռուվիմ Ֆրաերման

Ռուվիմ Ֆրաերման
Ծնվել է	սեպտեմբերի 10 (22), 1891
Ծննդավայր	Մոգիլյով, Ռուսական կայսրություն
Վախճանվել է	մարտի 28, 1972 (80 տարեկան)
Վախճանի վայր	Մոսկվա, ՌԽՖՍՀ, ԽՍՀՄ
Գերեզման	Պյատնիցկի գերեզմանատուն
Մասնագիտություն	մանկագիր, լրագրող, գրող, ռազմական թղթակից, բանաստեղծ և ակնարկագիր
Լեզու	ռուսերեն
Քաղաքացիություն	Ռուսական կայսրություն և ԽՍՀՄ
Կրթություն	Q28006533?
Ժանրեր	վիպակ և պատմվածք
Անդամակցություն	ԽՍՀՄ Գրողների միություն
	Ռուվիմ Ֆրաերման Վիքիքաղվածքում
	Ռուվիմ Ֆրաերման Վիքիդարանում

Ռուվիմ Իսաևիչ Ֆրաերման (ռուս.՝ Руви́м Иса́евич Фраерма́н, սեպտեմբերի 10 (22), 1891^[1]^[2], Մոգիլյով, Ռուսական կայսրություն^[3] - մարտի 28, 1972(1972-03-28)^[3]^[4]^[2], Մոսկվա, ՌԽՖՍՀ, ԽՍՀՄ^[3]), խորհրդային մանկագիր, լրագրող, Քաղաքացիական և Հայրենական մեծ պատերազմի մասնակից. Արևմտյան ռազմաճակատում ռազմական թղթակից։

Կենսագրություն

Ծնվել է 1891 թվականին Մոգիլյովում (Բելառուս) հրեական ընտանիքում։ 1915 թվականին ավարտել է Մոգիլյովի ռեալական վարժարանը։ 1916 թվականից սովորել է Խարկովի տեխնոլոգիական ինստիտուտում, Բաքվի քաղաքային խորհրդում հաշվապահ է եղել. երրորդ կուրսից գործուղվել է Հեռավոր Արևելք` երկաթգծում գործնական պարապմունքների։ Աշխատել է հնոցապանի օգնական, իսկ Քաղաքացիական պատերազմի բռնկումից հետո` ձկնորս, գծագրող, ուսուցիչ, «Красный клич» («Կարմիր կանչ») թերթում։

Քաղաքացիական պատերազմ

Հեռավոր Արևելքում մասնակցել է Քաղաքացիական պատերազմին (Յակով Տրյապիցինի պարտիզանական ջոկատում)։ Մասնակցել է Նիկոլաևյան դեպքերին։ 1920 թվականի մայիսին նշանակվել է պարտիզանական ջոկատի կոմիսար, ուղարկվել տունգուսների մեջ խորհրդային կարգեր հաստատելու։ Արշավն ավարտվում է Յակուտսկում, որտեղ Ֆրաերմանը նշանակվում է «Ленский коммунар» թերթի խմբագիր։

Լրագրողական աշխատանք

1921 թվականին ընտրվում է Նովո-Նիկոլաևսկում անցկացվող մամուլի աշխատողների առաջին համագումարի պատվիրակ։ Այստեղ ծանոթանում է Եմելյան Յարոսլավսկիի հետ, որը նրան հրավիրում է «Советская Сибирь» («Սովետական Սիբիր») թերթում քարտուղար աշխատելու։ Թերթում տպագրվում է Ֆրաերմանի առաջին բանաստեղծությունը` «Բելառուսիա»։ 1921 թվականին Ֆրաերմանը և Յարոսլավսկին հրավիրվում են Մոսկվայում մասնակցելու մամուլի աշխատողների համառուսական առաջին համագումարին։ Արդեն համագումարի ժամանակ Յարոսլավսկին ԽՄԿԿ ԿԿ-ում բարձր պաշտոն է ստանում, Ֆրաերմանին ծանոթացնում է Ռուսական հեռագրական գործակալության տնօրեն Յակով Դոլեցկիի հետ, որի հետևանքը լինում է այն, որ Ֆրաերմանը դառնում է գործակալության թղթակիցը սկզբում Թիֆլիսում, այնուհետև Բաթումում, իսկ 1923 թվականին հետ է կանչվում Մոսկվա, որտեղ աշխատում է գործակալության վիճակագրական բաժնում և գավառային տեղեկատվության խմբագրությունում։ 1926 թվականին կես տարի հիվանդ է լինում, առողջանալուց հետո սկսում է աշխատել «Беднота» («Չքավորություն») թերթում։

1934 թվականին ընդունվում է ԽՍՀՄ գրողների միության շարքերը։

Գրողների վաշտի մարտիկ

Մասնակցել է Հայրենական մեծ պատերազմին^[5]։ Եղել է 8-րդ Կրասնոպրեսեսնսկիի աշխարհազորային դիվիզիայի 22-րդ գնդի մարտիկ, Արևմտյան ռազմաճակատի ռազմական թղթակից^[6]․ 1942 թվականի հունվարին ծանր վիրավորվել է, մայիսին` զորացրվել։

Ծանոթ է եղել Կոնստանտին Պաուստովսկիի և Արկադի Գայդարի հետ։

Ռուվիմ Ֆրաերմանը հայերեն

Դինգո վայրի շունը կամ պատմվածք առաջին սիրո մասին, Ե., Հայպետհրատ, 1941, 240 էջ։ Թարգմանիչ` Հարություն Հարությունյան։
Պատմվածքներ, Ե., Հայպետհրատ, 1959, 208 էջ։ Թարգմանիչ` Էդուարդ Ավագյան։
Դինգո վայրի շունը կամ պատմվածք առաջին սիրո մասին, Ե., Սովետական գրող, 1978, 142 էջ։ Թարգմանիչ` Հարություն Հարությունյան, խմբագիր` Ս. Վարդանյան։
Դինգո վայրի շունը կամ Պատմություն առաջին սիրո մասին, Ե., Դարակ, 2020, 184 էջ։ Թարգմանիչ` Հարություն Հարությունյան, խմբագիր` Աշոտ Գաբրիելյան։

Ծանոթագրություններ

↑ ^1,0 ^1,1 ПроДетЛит (ռուս.) — 2019.
↑ ^2,0 ^2,1 ^2,2 ^2,3 ^2,4 Историческая энциклопедия Сибири (ռուս.) / под ред. В. А. Ламин — Новосибирск: 2009. — ISBN 5-8402-0230-4
↑ ^3,0 ^3,1 ^3,2 ^3,3 ^3,4 ^3,5 ^3,6 ^3,7 ^3,8 Фраерман Рувим Исаевич // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.
↑ ^4,0 ^4,1 ^4,2 Русская литература XX века. Прозаики, поэты, драматурги (ռուս.) / под ред. Н. Н. Скатов — 2005. — С. 592—594. — ISBN 5-94848-307-X
↑ Память народа
↑ 1941 на narod.ru

Վիքիքաղվածքն ունի նյութեր, որոնք վերաբերում են «Ռուվիմ Ֆրաերման» հոդվածին։

Վիքիդարանն ունի նյութեր, որոնք վերաբերում են «Ռուվիմ Ֆրաերման» հոդվածին։

[_fd7cde3b382cbb0d-1] 1,0 ^1,1 ПроДетЛит (ռուս.) — 2019.

[_1d240f120589d4b3-2] 2,0 ^2,1 ^2,2 ^2,3 ^2,4 Историческая энциклопедия Сибири (ռուս.) / под ред. В. А. Ламин — Новосибирск: 2009. — ISBN 5-8402-0230-4

[_5fcaf476cb217ec0-3] 3,0 ^3,1 ^3,2 ^3,3 ^3,4 ^3,5 ^3,6 ^3,7 ^3,8 Фраерман Рувим Исаевич // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.

[_4ad906b78224b351-4] 4,0 ^4,1 ^4,2 Русская литература XX века. Прозаики, поэты, драматурги (ռուս.) / под ред. Н. Н. Скатов — 2005. — С. 592—594. — ISBN 5-94848-307-X

[5] Память народа

[6] 1941 на narod.ru

[1]

[2]

[3]

[4]

[5]

[6]