Ռույ (լեռ)

Վիքիպեդիայից՝ ազատ հանրագիտարանից
Jump to navigation Jump to search
Ռույ
բուլղար․՝ Руй
Rui planina.jpg
Տեսարան դեպի լեռը Գլոգովիցա գյուղից
Տեսակլեռ
ԵրկիրFlag of Serbia.svg Սերբիա և Flag of Bulgaria.svg Բուլղարիա
Վարչատարածքային միավորՊերնիկի մարզ
ԼեռնաշղթաՌույ-Վերիլա լեռնաշղթա
Բարձրությունը ծովի մակարդակից1705,6 մետր
Հարաբերական
բարձրություն
611
Բարձրագույն գագաթՌույ (1705,6 մ)
Կոորդինատներ: 42°51′46.000000100799″ հս․ լ. 22°34′32.000000101603″ ավ. ե. / 42.86277777780577480° հս․. լ. 22.57555555558377947° ավ. ե. / 42.86277777780577480; 22.57555555558377947
Ռույ լեռան գագաթը (1706 մ), Բուլղարիա:

Ռույ, լեռ Արևմտյան Բուլղարիայում և Հարավարևելյան Սերբիայում` Կրայիշտե պատմաաշխարհագրական մարզում: Ռույ-Վերիլա լեռնաշղթայի մասն է: Հյուսիսից սամհանափակում է Տրինյան գոգահովիտը: Վասիլ Միկովի համաձայն՝ լեռան անվանումը ծագում է դրախտածառի լատինական անվանումից (Rhus cotinus), որը լայն տարածված էր այդ տեղերում[1]:

Լեռը տեղակայված է Ռույ-Վերիլա լեռնաշղթայի ամենարևմտյան հատվածում՝ Սերբիայի հետ սահմանին: Հյուսիս-արևմուտքից հարավ-արևելք նրա երկրարությունը կազմում է մոտավորապես 12 կմ, իսկ լայնությունը՝ մինչև 10 կմ: Ընդհանուր առմամբ՝ լեռան մակերեսը կազմում է մոտավորապես 86 կմ2: Հյուսիս-արևելքում, արևելքում և հարավ-արևելքում այն հասնում է մինչև Երմա գետի հովիտ, իսկ հարավում նրա սուր լանջերը իջնում են Տրինյան գոգահովիտ: Հյուսիսում Սերբիայում նա տարածվում է մինչև Բլատանիցա գետի հովիտ (Երմա գետի ձախ վտակ), իսկ հարավում 1243 մ բարձրության վրա թամբով կապված է Միլոսլավսկա լեռնաշղթայի հետ:

Ռույը բլոկային տեսակի տիպիկ լեռ է՝ բեկումներից առաջացած սուր լանջերով սահմանափակված: Լեռան հարթ գագաթը տեղակայված է 1600-1700 մ բարձրության վրա: Ամենաբարձր կետը հարավային հատվածում գտնվող Ռույ համանուն գագաթն է (1705,6 մ)՝ բուլղար-սերբական սահմանին:

Ռույը կազմված է պրոտերոզոյյան գնեյսներից, թերթաքարերից և ամֆիբոլիտներից, ինչպես նաև պալեոզոյյան գրանիտներից և գրանոդիորիտներից: Կան անագե-երկաթաքարի և պղնձաքարի հանքավայրեր: Հողերը գորշ և անտառային բաց շագանակագույն են: Բուսականությունը ներկայացված է լայնատերև անտառներով՝ հաճարենի, կաղնի, բոխի, իսկ գագաթին կան ընդարձակ մարգագետիններ:

Լեռան հարավային ստորոտին, բուլղարական տարածքում տեղակայված են Տրան քաղաքը և 3 գյուղ՝ Զաբել, Զելենիգրադ և Տուրոկովցի: Լեռան հյուսիսային լանջին, բուլղարական տարածքում տեղակայված են 3 գյուղ՝ Վուչի Դել, Ռակիտա և Յասենով դել:

Լեռան հարավային ստորոտին անցնում է № 63 երկրորդ կարգի յոթ կիլոմետրանոց ճանապարհ՝ Պերնիկ - Բրեզնիկ - Տրան - Ստրեզիմիրովցի:

Ռույի գագաթի մոտակայքում կառուցված է Ռույ տնակը, իսկ Երմի գետի փախ ափին, Լոմնիցա գյուղի մոտակայքում, գտնվում է Տրանի վանքը: Լեռան արևելյան մասում գտնվում է գեղատեսիլ Տրանի կիրճը, որում հոսում է Երմա գետը:

Ծանոթագրություններ[խմբագրել | խմբագրել կոդը]

  1. «Planina Ruj» (Serbian)։ Վերցված է 2010-10-21 

Գրականություն[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]