Ռումինիայի գյուղացիական արվեստի թանգարան

Ռումինիայի գյուղացիական արվեստի թանգարան
Տեսակ	թանգարան և ազգագրական թանգարան
Երկիր	Ռումինիա
Տեղագրություն	Բուխարեստ
Վայր	Բուխարեստ
Հասցե	Șoseaua Kiseleff nr. 3
Հիմնադրվել է	1906
Կայք	muzeultaranuluiroman.ro

Ռումինիայի գյուղացիական արվեստի թանգարան (ռումիներեն՝ Muzeul Național al Ţăranului Român), թանգարան Ռումինիայի մայրաքաղաք Բուխարեստում։ Թանգարանի հավաքածուում ներկայացված են տեքստիլային գործվածքներ (մասնավորապես տարազներ), սրբապատկերներ, խեցեղեն և ռումինական գյուղացիական կյանքի այլ առարկաներ։ Լինելով Եվրոպայի կենցաղային արվեստի և ավանդույթների առաջատար թանգարաններից մեկը՝ 1996 թվականին թանգարանը դարձել է «Տարվա եվրոպական թանգարան»^[3]։ Թանգարանը տեղակայված է Բուխարեստի Հաղթանակի հրապարակին մոտ, գործում է Ռումինիայի մշակույթի նախարարության հովանու ներքո։ Հավաքածուն կազմում է մոտ 100000 նմուշ։

Պատմություն

Թանգարանը հիմնադրվել է 1906 թվականին։ Առաջին տնօրենն է եղել Ալեքսանդրու Ցիգարա-Սամուրկաշը, ով թանգարանը ղեկավարել է շուրջ 40 տարի։ Թանգարանը վերաբացվել է 1990 թվականի փետրվարի 5-ին՝ Նիկոլաե Չաուշեսկուի անկումից և գնդակահարումից ընդամենը վեց շաբաթ անց։ Կոմունիստական կուսակցության իշխանության տարիներին շենքում տեղավորված թանգարանը ներկայացրել է երկրի կոմունիստական կուսակցությանը. թանգարանի նկուղում դեռևս կա մեկ սենյակ հեգնական ցուցանմուշներով նվիրված այդ ավելի վաղ գործած թանգարանին^[4]։ Թանգարանի շենքն ի սկզբանե նախագծվել է Նիկոլաե Գիկա-Բուտեշտի կողմից որպես ռումինական արվեստի թանգարան, կառուցվել է 1912-1941 թվականներին^[5]։ Թանգարանի շենքը Ռումինիայի մշակույթի և կրոնական հարցերի նախարարության կողմից ճանաչվել է որպես պատմական հուշարձան^[6]։ 1990 թվականին Միներիադի ժամանակ թանգարանն ավերել են՝ շփոթելով Ազգային գյուղացիական կուսակցության շտաբի հետ։

Թանգարանի ամենահայտնի ցուցանմուշներից է Ցիգարա Սամուրկաշի «տուն տան մեջ» աշխատանքը։ Տունն ի սկզբնե պատկանել է Գորժ շրջանի գյուղացի Անտոնի Մոգոսին։ Սկզբում տունը ցուցադրվել է ոչ-նատուրալիստական ձևով, տան ներսում գտնվող առարկաները ցուցադրվել են դրսում։ Կոմունիստական ռեժիմի օրոք տունը ցուցադրվել է պայմանականորեն, գյուղական թանգարանից դուրս, 2002 թվականին վերադարձել է գյուղացիական արվեստի թանգարան։ Թանգարանի ներկայիս ցուցադրությունը վերակենդանացնում է բնօրինակ ոչ նատուրալիստական մոտեցումը^[7]։

2002 թվականին թանգարանի ցուցահանդեսային տարածքն ընդլայնվել է որպես թանգարանային խանութ և գրասենյակները տեղափոխվեցին հին շենքի հետևում գտնվող նորակառույց շենք՝ զգալի տարածություն թողնելով թանգարանին։

Պատկերասրահ

Թանգարանը կառուցվել է նեո-ռումինական ոճով

Ծանոթագրություններ

↑ ^1,0 ^1,1 Wiki Loves Monuments monuments database — 2017.
↑ Muzeul Național al Țăranului Român
↑ All awards 1977-2003, European Museum Forum. Accessed online 4 April 2007.
↑ «Արխիվացված պատճենը». Արխիվացված է օրիգինալից 2016 թ․ ապրիլի 19-ին. Վերցված է 2017 թ․ մայիսի 25-ին.
↑ Clădire Արխիվացված 2017-08-28 Wayback Machine at the Museum of the Romanian Peasant site
↑ «Lista Monumentelor Istorice 2010: București» (PDF). Արխիվացված է օրիգինալից (PDF) 2018 թ․ սեպտեմբերի 10-ին. Վերցված է 2017 թ․ մայիսի 25-ին.
↑ "The house in the house", wall text, Museum of the Romanian Peasant.

Արտաքին հղումներ

Պաշտոնական կայք

Վիքիպահեստն ունի նյութեր, որոնք վերաբերում են «Ռումինիայի գյուղացիական արվեստի թանգարան» հոդվածին։

[_f9203622a51fdcd0-1] 1,0 ^1,1 Wiki Loves Monuments monuments database — 2017.

[_f5bd8ca03553b93f-2] Muzeul Național al Țăranului Român

[3] All awards 1977-2003, European Museum Forum. Accessed online 4 April 2007.

[4] «Արխիվացված պատճենը». Արխիվացված է օրիգինալից 2016 թ․ ապրիլի 19-ին. Վերցված է 2017 թ․ մայիսի 25-ին.

[5] Clădire Արխիվացված 2017-08-28 Wayback Machine at the Museum of the Romanian Peasant site

[6] «Lista Monumentelor Istorice 2010: București» (PDF). Արխիվացված է օրիգինալից (PDF) 2018 թ․ սեպտեմբերի 10-ին. Վերցված է 2017 թ․ մայիսի 25-ին.

[7] "The house in the house", wall text, Museum of the Romanian Peasant.

[1]

[2]

[3]

[4]

[5]

[6]

[7]