Ռութ Գորդոն

Վիքիպեդիայից՝ ազատ հանրագիտարանից
Jump to navigation Jump to search
Ռութ Գորդոն
անգլ.՝ Ruth Gordon
Ruth-Gordon-1930.jpg
Ռութ Գորդոնը 1930 թվականին
Ծնվել էհոկտեմբերի 30, 1896(1896-10-30)[1][2][3][4][4][5][6][7]
ԾննդավայրՔուինսի, Մասսաչուսեթս, ԱՄՆ
Մահացել էօգոստոսի 28, 1985(1985-08-28)[1][2][3][4][4][5][6][7] (88 տարեկանում)
Մահվան վայրՄասսաչուսեթս, ԱՄՆ
ԿրթությունԹատերական արվեստների ամերիկյան ակադեմիա[8]
ՔաղաքացիությունFlag of the United States.svg ԱՄՆ
Մասնագիտությունդերասանուհի, սցենարիստ
Ակտիվ շրջան1915-1985
Ամուսին(ներ)Garson Kanin?[9]
Պարգևներ և մրցանակներՕսկար երկրորդ պլանի լավագույն դերասանուհու համար և Քրիստալ մրցանակ
ԿինոՊոիսկID 1732143

Ռութ Գորդոն (անգլ.՝ Ruth Gordon, հոկտեմբերի 30, 1896(1896-10-30)[1][2][3][4][4][5][6][7], Քուինսի, Մասաչուսեթս, ԱՄՆ - օգոստոսի 28, 1985(1985-08-28)[1][2][3][4][4][5][6][7], Edgartown, Մասաչուսեթս, ԱՄՆ), ամերիկացի դերասանուհի և սցենարիստ: Նրա ամենահայտնի դերերը դարձան հոգատար հարևանուհի Մինի Քաստևատան՝ «Ռոզմարիի երեխան» ֆիլմում, ինչպես նաև «Հարոլդ և Մոդ» ֆիլմում Մարջորի Չարդինը: Նրա դերասանական կարիերայի 47-րդ տարում դերասանուհին արդեն արժանացել էր «Օսկար» և «Էմմի» մրցանակների, ինչպես նաև 2 «Ոսկե Գլոբուսի»:

Կենսսգրություն[խմբագրել | խմբագրել կոդը]

Պատանեկություն[խմբագրել | խմբագրել կոդը]

Ռութ Գորդոն Ջոնսը ծնվել է 1895 թվականի հոկտեմբերի 30-ին՝ Մասաչուսեթս նահանգի Քուինսի քաղաքում: Նա կապիտան Քլինթոն Ջոնսոնի և նրա կնոջ Էնի Զիգլեր Ջոնի ընտանիքում միակ զավակն էր: Գորդոնը թատրոնին սիրահարված էր դեռևս վաղ հասակում և հաճախ էր իր սիրելի դերասանուհիներին նամակներ ուղարկում ՝ հույս ունենալով, որ կստանա նրանց ինքնագրերը: Դերասանուհի Հեյզել Դոունից պատասխան նամակ ստանալը Ռութ Գորդոնին ոգեշնչեց սկսելու սեփական թատերական կարիերան[10]։ Չնայած նրա հայրը թերահավատորեն էր վերաբերվում դստեր ցանկությանը, սական 1914 թվականին՝ ավագ դպրոցն ավարտելուց հետո օգնեց նրան ընդունվելու Նյու Յորքի Դրամատիկական Արվեստի Ամերիկյան Ակադեմիա:

Թատերական կարիերա[խմբագրել | խմբագրել կոդը]

Արդեն 1 տարի հետո «Կյանքի մրրիկը» համր ֆիլմը դարձավ նրա կինոդեբյուտը, որտեղ խաղում էր պարուհու էպիզոդիկ դեր[11]։ Նույն թվականին Բրոդվեյում խաղաց «Փիթեր Փեն» բեմադրությունում, որտեղ մարմնավորեց կորած տղաներից մեկի՝ Նիբսայի դերը: Այս դերը տպավորեց հայտնի թատերագետ Ալեքսանդր Վուլկոտին, ով դարձավ Գորդոնի ընկերն ու խորհրդատուն: 1918 թվականին դերասանուհին խաղաց Բուտա Թարկինգտոնի «Տասնյոթ» պիեսի Լոլա Պրատի դերը, որտեղ ծանոթացավ իր ապագա ամուսնու՝ դերասան Գրեգորի Քելիի հետ: Նրանց ամուսնությունը տեղի ունեցավ 1921 թվականին և տևեց մինչև 1927 թվականը՝ ամուսնու անսպասելի մահը՝ սրտի հիվանդության պատճառով: Իր առաջին խոշոր դերը Ռութը խաղաց Մաքսվել Անդերսոնի «Շաբաթվա Երեխաները» բրոդվեյական պիեսում, որտեղ խաղաց Բոբիի դերը: Ռութ Գորդոնը շարունակեց ակտիվ խաղալ թատերական բեմում մինչև 1930 թվականը: Նա «Էթան Ֆրոմ» բեմադրությունում խաղաց Մեթիի դերը, իսկ Մարդերի Պինչվայֆին Ուիլյամ Ուիչերլիի «Գյուղացի կինը» կատակերգությունում, ինչպես նաև Նորա Հելմերին Հենրիկ Իբսենի «Տիկնիկների տունը» պիեսում: 1929 թվականին ծնվեց նրա և Բրոդվեյի պրոդյուսեր Ջեդ Հարիսից անօրինական որդին՝ Ջոնսը:

Նատալի Վուդը և Ռութ Գորդոնը 1966 թվականին «Ոսկե Գլոբուս»-ի արարողությանը

Կինոկարիերա[խմբագրել | խմբագրել կոդը]

Ռութ Գորդոնը MGM կինոստուդիայի հետ պայմանագիր կնքեց դեռևս 1930-ականների սկզբին, սակայն ստուդիայում հայտվնեց 1941 թվականին, երբ նա փոքր դեր էր խաղացել Գրետա Գարբոյի «Երկերեսանի կին» ֆիլմում: 1940 թվականին նա հաջող դերեր է խաղացել հոլիվուդյան ստուդիաներում «Լինկոլնը Իլինոյսում» և «Բժիշկ Էլրիխի կախարդական գնդակը» ֆիլմերում 1942 թվականին նա ամուսնացավ դրամատուրգ Գարսոն Կանինի հետ, ով նրանից 16 տարով փոքր էր: Միասին նրանք գրեցին Ջորջ Կյուկորի կողմից հրատարակված մի շարք հրաշալի սցենարների, այդ թվում «Ադամի կողը» և «Փեթ և Մայք» ֆիլմերում Քեթրին Հեփբորնի և Սփենսեր Թրեյսի հետ գլխավոր դերում: Այս երկու ֆիլմերի համար, ինչպես նաև 1947 թվականին առաջին սցենարը «Կրկնակի կյանք» ֆիլմի համար, Գորդոնը և Կանին արժանացան «լավագույն օրիգինալ սցենար» անվանակարգում «Օսկար»-ի: 1953 թվականին «MGM» ընկերությունը թողարկեց «Դերասանուհի» ֆիլմը, որի սցենարիստը նաև Ռութ Գորդոնն էր:Ֆիլմը նկարահանվել է դերասանուհու կենսագրության հիման վրա, իսկ նրա դերում անգլուհի Ջին Սիմոնսն էր: 1970-ական թվականներին Ռութ Գորդոնը գրեց ևս երեք ինքնակենսագրության`« Իմ կողմը», «ՈՒրիշների մեջ» և «Բաց գիրքը »: Չնայած ֆիլմերում հաջող կարիերայի, Ռութ Գորդոնը շարունակում էր խաղալ նաև բեմում: 1956 թվականին նա առաջադրվել է Թոնի մրցանակի որպես լավագույն դերասանուհի Տորտոնա Ուայլդերի «Խնամախոսը» պիեսում Դոլի Լևիի դերի համար, որը հետագայում կոչվեց «Բարև,Դոլլի!»: Դերասանուհին ելույթ ունեցավ Լոնդոնում, Բեռլինում և Էդինբուրգում: Այս ներկայացման շրջագայությամբ հանդես եկավ Լոնդոնում, Բերլինում, Էդինբուրգում:

1966 թվականին Գորդոնը առաջադրվեց Օսկարի և Դեյզի Քլովերի ներաշխարհը ֆիլմում որպես երկրորդ պլանի լավագույն դերասանուհի արժանացավ Ոսկե Գլոբուսի, որի գլխավոր դերում էր Նատալի Վուդը: Ռութ Գորդոնը կինոակադեմիայի պատվավոր մրցանակը և երկրորդ Ոսկե Գլոբուսը ստացավ երեք տարի անց, Այրա Լևինի համանուն վեպի հիման վրա Ռոման Պոլանսկու «Ռոզմարիի երեխան» առեղծվածային ֆիլմում Մինի Կաստևեթի դերի համար: Երրորդ Ոսկե Գլոբուսը նրան բերեց կրոնական Հարոլդ և Մոդ ֆիլմում ծեր կին Մոդի դերը: 1970-ական թվականներին դերասանուհին պարբերաբար հայտնվեց հեռուստատեսությունում: Նա նկարահանվեց «Ռոդա», «Նյուհարթ», «Կոլոմբո», ինչպես նաև «Տաքսի» սերիալում, որը 1979 թվականին նրան բերեց «Էմմի» մրցանակ: Ռութ Գորդոնը մահացել է 1985 թվականի օգոստոսի 28-ին կաթվածից 88 տարեկանում Մասաչուսեթս նահանգի Էդգարթաուն քաղաքի իր տանը:

Ֆիլմարտադրություն[խմբագրել | խմբագրել կոդը]

  • Լինքոլն Իլինոյսում (1940) - Մերի Թոդ Լինքոլն
  • Բժիշկ Էլրիխի կախարդական փամփուշտը (1940) - Հեդվիգ Էրլիխ
  • Երկերեսանի կին (1941) - օրիորդ Ռութ Էլիս
  • Պատերազմ Հյուսիսային Ատլանտիկայում (1943) - օրիորդ Ջերվիս
  • Դեյզի Քլովերի ներաշխարհը (1966) - օրիորդ Քլովեր
  • Ռոզմարիի երեխան (1968) - Մինի Քաստևեթ
  • Ի՞նչ է պատահել մորաքույր Էլիսին:(1969) - Էլիս Դիմոկ
  • Որտե՞ղ է Պոպան (1970) - օրիորդ Հոչեյզեր
  • Հարոլդ և Մոդ (1971) - Մոդ
  • Փորձիր բռնել ինձ (1977) - Էբիգեյլ Միթչել
  • Ինչ էլ որ լինի՝ պարտվում ես (1978) - Զենովիա «Մա» Բոգս
  • Աղբի որս (1979) - Արվիլլա Դրոլ
  • Իմ թիկնապահը (1980) - Պիչ տատիկ
  • Դելտա Պի (1985) - Մագսի
  • Խնդիր գործակալների հետ (1987) - օրիորդ Արկրայթ

Սցենարնեեր[խմբագրել | խմբագրել կոդը]

  • Կրկնակի կյանք (ֆիլմ, 1947)
  • Ադամի կողը (ֆիլմ, 1949)
  • Փրկիր ամուսնությունը (ֆիլմ, 1952)
  • Փեթ և Մայք (1952)
  • Դերասանուհի (ֆիլմ, 1953)

Մրցանակներ[խմբագրել | խմբագրել կոդը]

  • «Օսկար» 1969 - «Երկրորդ պլանի լավագույն դերասանուհի» («Ռոզմարիի Երեխան (ֆիլմ)»)
  • «Ոսկե Գլոբուս» 1966 - «Երկրորդ պլանի լավագույն դերասանուհի» («Դեյզի Քլովերի ներաշխարհը»)
  • «Ոսկե Գլոբուս» 1969 - «Երկրորդ պլանի լավագույն դերասանուհի» («Ռոզմարիի երեխան»)
  • «Էմմի» 1979 - «Լավագույն դերասանուհի» («Տաքսի»)

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 German National Library, Berlin State Library, Bavarian State Library et al. Record #118962434 // Gemeinsame Normdatei — 2012—2016.
  2. 2,0 2,1 2,2 2,3 2,4 data.bnf.fr: տվյալների բաց շտեմարան — 2011.
  3. 3,0 3,1 3,2 3,3 3,4 SNAC — 2010.
  4. 4,0 4,1 4,2 4,3 4,4 4,5 4,6 4,7 4,8 4,9 Internet Broadway Database — 2000.
  5. 5,0 5,1 5,2 5,3 5,4 Find A Grave — 1995. — ed. size: 165000000
  6. 6,0 6,1 6,2 6,3 6,4 filmportal.de — 2005.
  7. 7,0 7,1 7,2 7,3 7,4 FemBio
  8. https://www.aada.edu/alumni/notable-alumni#decade:all/orderby:all/display:panel/perpage:All
  9. Blain V., Grundy I., Clements P. The Feminist Companion to Literature in English: Women Writers from the Middle Ages to the Present — 1990. — P. 443.
  10. Current Biography 1943. pp.238-41.
  11. Կաղապար:Imdb