Ռուբի Ռոուզ

Վիքիպեդիայից՝ ազատ հանրագիտարանից
Jump to navigation Jump to search
Ռուբի Ռոուզ
Ruby Rose 2019.png
Ծնվել էմարտի 20, 1986(1986-03-20) (34 տարեկան)
ԾննդավայրՄելբուռն, Ավստրալիա
ՔաղաքացիությունFlag of Australia (converted).svg Ավստրալիա
ԿրթությունUniversity High School?
Մասնագիտությունհեռուստահաղորդավար, դիջեյ, դերասան, մոդել, երաժշտական քննադատ և կինոդերասան
Ruby Rose Վիքիպահեստում

Ռուբի Ռոուզ Լանգենհայմ (անգլ.՝ Ruby Rose Langenheim, առավել հայտնի է որպես Ռուբի Ռոուզ, մարտի 20, 1986(1986-03-20), Մելբուռն, Ավստրալիա), ավստրալացի մոդել[1], հեռուստահաղորդավարուհի[2], դիջեյ, երգչուհի և դերասանուհի: Հայտնի է դարձել Նեթֆլիքսի թողարկած «Նարնջագույնը նոր սևն է» հեռուստասերիալում կատարած դերի շնորհիվ։

Կենսագրություն[խմբագրել | խմբագրել կոդը]

Ռուբի Ռոուզ Լանգենհայմը վաղ մանկությունն անցկացրել է Վիկտորիա նահանգի ֆերմայում (Ավստրալիա)[3]: 20 տարեկանում մայրը փախել է հորից, երբ Ռոուզը եղել է մեկ տարեկան[4]: Ռոուզը նշել է, որ մինչև Հոբարթ հասնող ինքնաթիռի տոմս գնելը, մայրը գողացել է հեռուստացույց և վաճառել է այն:մՍկզբում նրանք բնակություն են հաստատել Ռուբիի մորաքրոջ՝ Մարիամի մոտ, որի մասին նա պահպանել է ամենաջերմ հիշողությունները: Հաջորդել են բազմաթիվ տեղափոխություններ, որոնց ընթացքում նրանք մշտապես ապրել են կարիքի մեջ, մինչև Մելբուռնում հաստատվել են տատիկի մոտ՝ Դայրե Ռոուզ Լենգեյհեմը[5]։

Մանուկ հասակում Ռուբին սեռական բռնություն է վերապրել նրա ազգականներից մեկի կողմից, որի պատճառով սկսել է տառապել մանիկալ-դեպրեսիվ պսիխոզով (երկբևեռ խանգարում)[6][7] և փորձել է ինքնասպան լինել:

Մելբուռնում նա հաճախել է համալսարանական դպրոց և Ֆութսկրեյի քաղաքային քոլեջ[8]։

Կարիերա[խմբագրել | խմբագրել կոդը]

Առաջին համբավը Ռուբի Ռոուզը ստացել է 2002 թվականին, երբ նա մասնակցել է ավստրալական Girlfriend ամսագրի կողմից կազմակերպված մոդելների մրցույթին։ Նա զբաղեցրել է երկրորդ հորիզոնականը՝ զիջելով միայն Քեթրին Մակնիլին[9]:

Հեռուստատեսություն[խմբագրել | խմբագրել կոդը]

Ռուբի Ռոուզը ASTRA AWARDS մրցանակի է արժանացել «Սիրելի հեռուստահաղորդավարուհի» անվանակարգում[10]։ Նա նաև մասնակցել է ավստրալական Talkin' 'Bout Your Generation գեյմ-շոուին, որտեղ աշխատել է հայտնի կատակերգու Ջոշ Թոմասի հետ նույն նկարահանման հարթակում[11]: Նա Australia's Next Top Model թոք-շոուի դրվագներից մեկում եղել է հրավիրված դատավոր[12]։ Հաղորդման եզրափակիչում Ռուբին կատարել է թղթակցի դերը։

2009 թվականին Ռուբին դարձել Է The 7pm Project ծրագրի համասեփականատերերից մեկը, որը հեռարձակվել է ավստրալական Network Ten հեռուստաալիքով[13]։

2010 թվականին եղել է Վանկուվերի ձմեռային Օլիմպիական խաղերի հատուկ թղթակից[14]։

Կինո[խմբագրել | խմբագրել կոդը]

2013 թվականին Ռուբի Ռոուզը նկարահանվել է Քրիստինա Ռիչիի հետ «Կյանքի փորձ» ֆիլմում։

2015 թվականի հունիսի 11-ին թողարկվել է Ռուբիի մասնակցությամբ «Նարնջագույնը նոր սևն է» սերիալի 3-րդ եթերաշրջանը, իսկ 2015 թվականի հունիսի 12-ին թողարկվել է «Մուգ նյութ» սերիալի 1-ին եթերաշրջանը, որում հաստատվել է Ռուբիի մասնակցությունը:

2017 թվականին թողարկվել է «Երեք իքս: Համաշխարհային տիրակալություն» ֆիլմը Դիզելի հետ, որտեղ Ռուբին խաղում է գործընկեր Քսանդեր Քեյջի դեր։ Նույն թվականին նկարահանվել է «Չարի բնակավայր։ Վերջին գլուխ» ֆիլմում։

2018 թվականին Ռուբին դեր է խաղացել «Մեգ։ Խորության հրեշ» ֆիլմում՝ գլխավոր դերում Ջեյսոն Սթեթհեմի մասնակցությամբ։ 2018 թվականին նա նաև ստացել է CW հեռուստաալիքի արտադրության «Բեթվումն» սերիալի գլխավոր դերը։ 2018 թվականին խաղացել է ռոք խմբի վոկալիստուհու դերը «Կատարյալ ձայն 3» ֆիլմում։

Նորաձևություն[խմբագրել | խմբագրել կոդը]

2010 թվականին Ռուբի Ռոուզը համագործակցել է ավստրալական Milk and Honey լեյբլի հետ՝ իր MADTV հագուստի հավաքածուի ստեղծման համար[15]։

Երաժշտություն[խմբագրել | խմբագրել կոդը]

2013 թվականին Gary Go-ի հետ միասին ձայնագրել է Guilty Pleasure անվանումով սինգլը, որի համար նկարահանվել է նաև համանուն տեսահոլովակը։ Ավելի ուշ թողարկվել Break Free երգը։ Ռուբի Ռոուզի երգերի լսումների քանակը last.fm-ում համարյա հասել են 50 000 000-ի[16]։

Անձնական կյանք[խմբագրել | խմբագրել կոդը]

Դպրոցում և քոլեջում Ռուբին տառապել է իր դասընկերների կողմից հոգեբանական և ֆիզիկական բռնությունից, որը հետևանք էր այն բանի, որ 12 տարեկանում Ռոուզը որոշել է դասընկերներին ասել, որ նա լեսբուհի է[17]։ 16 տարեկանում նման բախումներից մեկի արդյունքում, որի ժամանակ նրան ծեծել են քոլեջի ճաշարանում աթոռին, Ռուբին հոսպիտալացվել է։

2009 թվականին Ռուբին նկատվել է ավստրալացի թոփ մոդել Քեթրին Մակնիլի հետ հանբուրվելիս[18]։ Ավելի ուշ լուրեր են տարածվել նրանց ամուսնության մասին, որը չողարկվել է 2010 թվականին։ Որոշ ժամանակ անց երեկույթին նա ծանոթացել է Ֆիբի Դալի հետ, որը հագուստի դիզայներ և մանկական դասական գրականության գրող Ռոալդ Դալի թոռնուհին է, նրա հետ սկսել է սիրավեպ։ Զույգը նշանադրվել է, սակայն 2015 թվականի դեկտեմբերի 14-ին Ռուբի Ռոուզը և Ֆիբի Դալը հայտարարել են սոցիալական ցանցերում իրենց բաժանման մասին[19]։

Ռուբին նաև 2016 թվականի հոկտեմբերից ռոմանտիկ հարաբերություններ է ունեցել Ջեսիկա Օրիլյասոիզի հետ, որից բաժանվել է 2018 թվականի ապրիլին:

2019 թվականին Ռոուզը մեջքի արտակարգ վիրահատություն է տարել ողնաշարի հետ կապված խնդիրների պատճառով, որոնք հանգեցրել են երկու միջողնային ճողվածքների, դրանք նա ստացել է «Բեթվումն» հեռուստասերիալի նկարահանման հարթակում կասկադերային հնարքների կատարման արդյունքում։ Նա պատմել է, որ վիրահատությունը եղել է ռիսկային[20]։

Տեսահոլովակներ[խմբագրել | խմբագրել կոդը]

  • 2013՝ Guilty Pleasure
  • 2013՝ One way or another
  • 2014՝ Break Free
  • 2016՝ On your Side (The Veronicas խմբի տեսահոլովակ)
  • 2015՝ Russ - My Baby

Ծանոթագրություններ[խմբագրել | խմբագրել կոդը]

  1. Лесбиянка снялась для мужского журнала. Internovosti.ru. Архивировано из первоисточника 2014-09-23.
  2. Ruby Rose & Gary Go. Europaplus.ru. Архивировано из первоисточника 2014-09-22.
  3. Christian Taylor (2008)։ «Ruby Rose»։ samesame.com.au։ Արխիվացված է օրիգինալից 2008-12-19-ին։ Վերցված է դեկտեմբերի 28, 2008 
  4. Wilson Kim (մայիսի 24, 2009)։ «MTV star Ruby Rose's dark past»։ Herald Sun։ Արխիվացված է օրիգինալից 2009-05-27-ին։ Վերցված է մայիսի 30, 2009 
  5. «Ruby Rose – Relationships – Wear It With Pride»։ wearitwithpride.com.au։ Արխիվացված է օրիգինալից 2010-02-07-ին։ Վերցված է մարտի 28, 2015 
  6. Ruby Rose confronts her demons
  7. Ruby Rose is back on TV and she’s ‘fired up and excited about everything again’
  8. «Ruby Rose Bashed, Hospitalised After Bullying»։ SameSame.com.au։ ապրիլի 27, 2009։ Արխիվացված է օրիգինալից 2009-04-30-ին։ Վերցված է մայիսի 30, 2009 
  9. Руби и Фиби — самая горячая лесби-пара 2014. Lesbiru.com. Архивировано из первоисточника 2014-09-22.
  10. Who is Ruby Rose anyway ?. Rubyrose.org. Retrieved 2014-09-22.
  11. Talkin' 'Bout Your Generation: Season 1, Episode 1.Imdb.com. Retrieved 2014-09-22
  12. Australia’s Next Top Model Cycle 5 Episode 07 — Media Virgins. Youtube.com. Retrieved 2014-09-22.
  13. Руби Роуз. Okino.ua. Архивировано из первоисточника 2014-09-23.
  14. Ruby Rose talls Olympics from Vancouver(չաշխատող հղում). Novafm.com.au. Retrieved 2014-09-23.
  15. Milk and Honey designed by Ruby Rose. Popsugar.com.au. Retrieved 2014-09-23.
  16. Ruby Rose. Lastfm.ru. Retrieved 2014-09-23.
  17. Ruby Rose confronts her demons
  18. «Ruby Rose and Catherine McNeil» 
  19. «Congrats! Ruby Rose Is Engaged To Phoebe Dahl»։ BuzzFeed։ Վերցված է 2015-10-27 
  20. ‘Batwoman’ Star Ruby Rose Reveals Emergency Neck Surgery After Stunt Injury (Graphic Video)