Ռուբեն Մարուխյան
| Ռուբեն Մարուխյան | |
|---|---|
| Ծնվել է | նոյեմբերի 15, 1934 (84 տարեկան) |
| Ծննդավայր | Երևան, Հայկական ԽՍՀ, ԱԽՖՍՀ, ԽՍՀՄ |
| Քաղաքացիություն | Հայկական ԽՍՀ Հայաստան |
| Ազգություն | հայ |
| Կրթություն | Երևանի պետական գեղարվեստա-թատերական ինստիտուտ |
| Մասնագիտություն | դրամատուրգ, ռեժիսոր և արձակագիր |
| Աշխատավայր | ՀՀ ԳԱԱ արվեստի ինստիտուտ և Երևանի թատրոնի և կինոյի պետական ինստիտուտ |
| Քաղաքական կուսակցություն | ԽՄԿԿ |
| Անդամություն | Հայաստանի գրողների միություն, Հայաստանի ժուռնալիստների միություն և Հայաստանի թատերական գործիչների միություն |
Ռուբեն Արամի Մարուխյան (նոյեմբերի 15, 1934, Երևան, Հայկական ԽՍՀ, ԱԽՖՍՀ, ԽՍՀՄ), հայ դրամատուրգ, ռեժիսոր, արձակագիր: Հայաստանի գրողների միության անդամ (1978): ԽՄԿԿ անդամ 1960 թվականից:
Բովանդակություն
Կենսագրություն[խմբագրել | խմբագրել կոդը]
Ռուբեն Մարուխյանը ծնվել է 1934 թ. նոյեմբերի 15-ին, Երևանում: 1960 թվականին ավարտել է Երևանի գեղարվեստա-թատերական ինստիտուտի դերասանական ֆակուլտետը: Աշխատել է ՀՀ ԳԱԱ արվեստի ինստիտուտում` որպես կրտսեր գիտաշխատող: 1960-1970 թթ. որպես ռեժիսոր աշխատել է Հայաստանի պետական հեռուստատ-ռադիոընկերության մանկական և երիտասարդական հաղորդումների խմբագրությունում, որտեղ ստեղծել է տասնյակ մանկական հաղորդումներ, հեռուստաբեմադրություններ[1]:
Հեղինակել է «Ամենալավ տունը», «Իսկական ընկեր», «Խոսող ձուկը», «Ծաղրածու», «Չիկարելիի արկածները», «Մկնիկը» և այլ պիեսներ, մի շարք հեքիաթներ, ժողովածուներ, վիպակներ, որոնց մի մասը թարգմանվել են ֆրանսերեն, գերմաներեն, անգլերեն, իտալերեն և այլ լեզուներով: 1974 թվականից հեռուստառեժիսուրա, դերասանի վարպետություն, դրամատուրգիա է դասավանդում Երևանի թատրոնի և կինոյի պետական ինստիտուտում, պրոֆեսոր է[2]: Ռուբեն Մարուխյանի պիեսները բեմադրվել են ՀՀ պետական թատրոններում, ռադիո և հեռուստաթատրոններում, արտերկրում։ Հեղինակ է չորս տասնյակից ավելի բեմադրությունների։ Մամուլում հանդես է եկել բազմաթիվ հոդվածներով։ Հեղինակ է ավելի քան 25 գրքի: Մարուխյանի ստեղծագործությունները թարգմանվել ու տպագրվել են ռուսերեն, անգլերեն, ֆրանսերեն, իտալերեն, լեհերեն, գերմաներեն։
1978 թվականից Հայաստանի գրողների միության անդամ է: Հանդիսանում է նաև Հայաստանի ժուռնալիստների և թատերական գործիչների միությունների անդամ: Արժանացել է պարգևների և կոչումների արվեստի և մշակույթի բնագավառում:
Պարգևներ, մրցանակներ[խմբագրել | խմբագրել կոդը]
- «Տիկնիկների զարմանահրաշ տոնավաճառ» գրքի համար արժանացել է ՀԳՄ Վախթանգ Անանյանի անվան մանկապատանեկան գրականության մրցանակի, 2013 թ.
- «Մուկիկը» վիպակի համար արժանացել է միջազգային ՊԷՆ գրական ընկերակցության մրցանակի, 2010 թ.
- «Չիկարելիի արկածները» հեքիաթ-վիպակի համար արժանացել է ՀԳՄ մանկական լավագույն գրքի 1-ին մրցանակի, 1988 թ.
- ՀԹԳՄ «Արտավազդ» մրցանակի` թատերարվեստին արժանապատիվ ծառայության համար, 2015 թ.
Երկեր[խմբագրել | խմբագրել կոդը]
- Ընտրանի, Երևան, 2015 թ.։
- Տիկնիկների զարմանահրաշ տոնավաճառ, Երևան, 2013 թ.։
- Չիկարելիի նոր արկածները, Երևան, 2008 թ., նաև ռուսերեն, Երևան, 2008 թ.։
- Զրույցներ թատրոնի մասին, Երևան, 2006 թ.։
- Հեքիաթների տոնավաճառ, Երևան, 2003 թ.։
Ծանոթագրություններ[խմբագրել | խմբագրել կոդը]
- ↑ Baghdasaryan Aram։ «AV Production - Ռուբեն Մարուխյան»։ avproduction.am։ Վերցված է 2017-02-04
- ↑ Ռուբեն Մարուխյանի մասին ՀԳՄ կայքում
