Ռուբեն Թարումյան

Վիքիպեդիայից՝ ազատ հանրագիտարանից
Jump to navigation Jump to search
Ռուբեն Թարումյան
Դիմանկար
Ծնվել էՓետրվարի 24, 1963
ԾննդավայրԵրևան, Հայկական ԽՍՀ, ԽՍՀՄ
ՔաղաքացիությունFlag of Armenia.svg Հայաստան
ԿրթությունԵրևանի պոլիտեխնիկական ինստիտուտ
Մասնագիտությունճարտարապետ, թարգմանիչ և պատմաբան
ԳործունեությունՃարտարապետ, տառաստեղծ, թարգմանիչ
Կայքtarumian.am
Commons-logo.svg Ruben Tarumian Վիքիպահեստում

Ռուբեն Խաչատուրի Հակոբյան (Ռուբեն Թարումյան) (փետրվարի 24, 1963(1963-02-24), Երևան, Հայկական ԽՍՀ, ԽՍՀՄ), հայ ճարտարապետ, տառաստեղծ, պատմաբան, թարգմանիչ։ Տառաստեղծների միության հիմնադիր-նախագահ։

Կենսագրություն[խմբագրել | խմբագրել կոդը]

Ծնվել է 1963 թվականին ճարտարապետ Խաչատուր Հակոբյանի և նկարիչ Անուշ Հակոբյանի (ծնված՝ Անուշ Թարումյան) ընտանիքում։ Ավարտել է Երևանի պոլիտեխնիկական ինստիտուտի (1985) Ճարտարապետաշինարարական ֆակուլտետը։

1988-1992 թվականներին աշխատել է ՀՍՍՀ ԳԱԱիտությունների ազգային ակադեմիայի Արվեստի ինստիտուտում, 1992-1993 թվականներին՝ «Գինդ» հրատարակչությունում՝ որպես տառատեսակների ձևավորող։ 1993–1994 թվականներին՝ «Հայաստանի Հանրապետություն» թերթում, որպես բաժնի խմբագիր։ 1994-1998 թվականներին՝ ՀՀ նախագահի աշխատակազմում՝ որպես համակարգչային խմբի ղեկավար[1]։ 1996 թվականից դասավանդում է ՃՇՀԱՀ-ում։

2006 թվականին հիմնադրել է Հայաստանի տառաստեղծների միությունը։

2017-2018 թվականներին Հայերենի բարձրագույն խորհրդի անդամ էր։

Գործունեություն[խմբագրել | խմբագրել կոդը]

Աշխատել է տպագրական և կայքերի ձևավորման բնագավառում։ Հեղինակ է մի քանի տասնյակ, գրքերի, խորհրդանշանների և կայքերի, այդ թվում՝ ՀՀ Նախագահի առաջին կայքի։

Հեղինակ է շուրջ 100 տառատեսակների (շուրջ 200 նկարվածք)՝ հայկական, վրացական, հունական, ռուսական, եբրայական տառաշարերով։

1991 թվականին ստեղծել է Xerox Ventura Publisher էջադրման համակարգի հայկական առաջին տառատեսակները։ Մասնակցել է «Տեղեկատվական տեխնոլոգիաներ. Գրանշանների հավաքածուներ և ստեղնաշարեր. Գրանշանների կոդավորում և ստեղների դասավորություն» ՀՍՏ 34.001-2006 ստանդարտի մշակմանը՝ Վ. Մխիթարյանի, Հ. Մելիքյանի, և այլոց հետ միասին։ Եղել է Microsoft Windows ու Microsoft Office ծրագրերը հայացնող առաջին խմբի ղեկավարը։

Արժանացել է լավագույն աշխատանքի համար դիպլոմի՝ Համակարգչային գծանկարի և անիմացիայի "HighArt" փառատոնում (տառաստեղծների խումբ) (1997, հոկտեմբեր)։

2005 թվականին արժանացել է «Մաշտոց-1600» մրցանակաբաշխության առաջին մրցանակին։

Պատմագիտական ուսումնասիրությունները վերաբերում են գրային համակարգերի պատմությանը (մասնավորապես՝ հայոց այբուբենի ծագումնաբանության), ինչպես նաև պատմական աշխարհագրության հարցերին։

Տառատեսակներ[խմբագրել | խմբագրել կոդը]

  • ԱրԹարումյան տառատեսակները՝ ԱրԹարումյան Իշխան, Մատենագիր, Գրքի Նոր, Արեգ, Գրիգ և այլն
  • Arial AM և Courier AM տառատեսակները՝ առաջին հայկական տառատեսակները կատարված TrueType կետաշտկման (hinting) կիրառմամբ՝ UNDP-ի պատվերով (1997-ին․ այնուհետև տարածվել են Յունիկոդ այլագրմամբ, որպես Arial AMU և Courier AMU)
  • DejaVu և Droid ընտանիքների տառատեսակների հայկական տառաշարերը
  • Արիան ԱՄՅու ընտանիքը[2]
  • Verdana, Times New Roman, Arial, Courier New, Georgia, Calibri, Cambria, Trebuchet, Comic Sans MS և այլ տառատեսակների հայկական տառաշարերը։

Գրական գործեր[1][խմբագրել | խմբագրել կոդը]

Հեղինակած գրքերն են՝

  • «Սկզբից էր տառը» (1998)
  • «Զրույցներ համակարգչի մասին» (2003)
  • «Հայոց տառերը» (2017)

Մի քանի տասնյակ գիտական և հրապարակախոսական հոդվածների հեղինակ է։

Թարգմանել է Ջակոմո դա Վինյոլայի «Ճարտարապետության հինգ սյունակարգերի կանոնը» աշխատությունը․

Թարգմանել է Ա․ Պուշկինի, Ֆ․ Տյուտչևի, Ս․ Մարշակի, Լ․ Ֆիլատովի, Ռ․ Քիփլինգի, Ւ․ Շեքսպիրի և այլոց մի շարք բանաստեղծություններ։

Ծանոթագրություններ[խմբագրել | խմբագրել կոդը]

  1. 1,0 1,1 Այվազյան Հովհաննես, Ղազարյան Հայկանուշ (2015)։ Հայ գրատպություն և գրքարվեստ։ հանրագիտարան (հայերեն)։ Haykakan hanragitaran hratarakchʻutʻyun։ ISBN 9785897000425 
  2. Մովսիսյան Լուսինե։ «Ռուբեն Թառումյանը ներկայացրեց համակարգչային տառատեսակների ամենախոշոր հայկական ընտանիքը»։ 168.am 

Արտաքին հղումներ[խմբագրել | խմբագրել կոդը]