Ռոպեր Հատտեճյան

Ռոպեր Հատտեճյան
Ծնվել է	հունվարի 20, 1926(1926-01-20) (98 տարեկան)
Ծննդավայր	Ստամբուլ, Թուրքիա
Մասնագիտություն	լրագրող և դրամատուրգ
Լեզու	հայերեն
Քաղաքացիություն	Հայաստան
Կրթություն	Ստամբուլի համալսարան և Պանգալտիի մասնավոր հայկական դպրոց
Պարգևներ

Ռոպեր Հատտեճյան (հունվարի 20, 1926(1926-01-20), Ստամբուլ, Թուրքիա), հայ գրող, հրապարակագիր։

Կենսագրություն

Ռոպեր Հատտեճյանը ծնվել է 1926 թվականին Կոստանդնուպոլսում։ Նախնական կրթությունն ստացել է Վիեննայի Մխիթարյան վարժարանում։ 1950 թվականին ավարտել է Ստամբուլի համալսարանի գրականության-փիլիսոփայության ֆակուլտետը։ 1967 թվականից եղել է «Մարմարա» թերթի խմբագիր։ Լույս են տեսել Հատտեճյանի «Բառասխալ» (1972), «Մարդոց մեծութեան և խեղճութեան մասին» (1972) պատմվածքների ժողովածուները, «Առաստաղը» (1983, հատոր 1, Ալեք Մանուկյանի գրական մրցանակ՝ 1983) վեպը, «Հակոբ Պարոնեանի մտերմութեան մէջ» (1965) հոդվածաշարը։ 1982 թվականից տպագրվում են Հատտեճյանի «Յուշատետր» (հատոր 1-41, 1982-2002...) փիլիսոփախոհական նոթերը։ Գրել է նաև պիեսներ [«Կեանքի մը երեք կիրակիները» (բեմ.՝ 1959), «Կիրակնօրեա հաշուեփակ» (բեմ.՝ 1959), «Մարդը և իր կեղեւը» (բեմ.՝ 1987), «Մահը ա՞յս է արդեօք» (բեմ.՝ 1994)]։

Մրցանակներ

• Ալեք Մանուկյանի գրական մրցանակ, 1983
• «Սուրբ Մեսրոպ Մաշտոց» շքանշան
• Մովսես Խորենացու մեդալ, 2002

Երկեր

• Թատրոն՝ «Կեանքի Մը Երեք Կիրակիները» (1949), «Վաստակ» (1976)
• Գրա-վերլուծական՝ «Յակոբ Պարոնեանի Մտերմութեան մէջ» (1965)
• Պատմուածքներ՝ «Բառասխալ» (1972)
• Վէպ՝ «Առաստաղ» (1978)
• Հուշատետր (ընտրանի), Էջմիածին, 1998։

Գրականություն

• Դանիելյան Սուրեն, Ռոպեր Հատտէճեան՝ ներաշխարհի գեղարուեստական քննութիւն, Ստամբուլ, 1996։
• Թորոս Թորանյան, Ամբողջական գրագէտը։ Ռոպէր Հատտէճեան, Հալեպ, 2002։