Ռոման Սուտայի և Ալեքսանդրա Բելցովայի թանգարան

Ռոման Սուտայի և Ալեքսանդրա Բելցովայի թանգարան
Տեսակ	թանգարան
Երկիր	Լատվիա
Տեղագրություն	Ռիգա
Վայր	Էլիզաբեթես փողոց
Հասցե	Elizabetes iela 57A-26, Rīga, LV-1050
Հիմնադրվել է	2008
Մակերես	141 քառակուսի մետր
Կայք	lnmm.lv/lv/sbm/

Ռոման Սուտայի և Ալեքսանդրա Բելցովայի թանգարան (լատիշ․՝ Romana Sutas un Aleksandras Beļcovas muzejs), Լատվիայի գեղարվեստի ազգային թանգարանի մասնաճյուղ։ Բացվել է 2008 թվականի հոկտեմբերին դասական մոդեռնիզմի ժամանակաշրջանի լատվիացի նկարիչներ, «Ռիգայի նկարիչների խմբի» մասնակիցներ, ճենապակու նկարազարդման «Բալտարս» արվեստանոցի հիմնադիրներ Ռոման Սուտայի և Ալեքսանդրա Բելցովայի հուշահամալիր բնակարանի բազայի վրա։

Պատմություն

Թանգարանը ստեղծվել է նկարիչների դստեր՝ արվեստագետ Տատյանա Սուտայի ցանկությամբ, երկու նկարիչների կտակի և նրանց աշխատանքների հավաքածուի ու արխիվի հիման վրա։ Գտնվում է Էլիզաբեթես փողոցի վրա գտնվող բնակարանում, որտեղ 1935 թվականից բնակվում էր ընտանիքը։ Թանգարանի ցուցադրությունները տեղակայված են երեք սենյակներում, Ռոման Սուտայի նախկին արվեստանոցում, որը միաժամանակ ծառայել է Ալեքսանդրա Բելցովային և Տատյանա Սուտայի նախկին սենյակը։

Բայբա Վանգայի, Նատալյա Եվսեևայի և նկարչուհի Աննա Հեյնրիխսոնի կողմից ստեղծված կոմպոզիցիան պատմում է նկարիչների կյանքի երեք ասպեկտների մասին՝ ստեղծագործական, հասարակական և ընտանեկան։ Ստեղծագործական կյանքը պատկերվում է իր ողջ բազմազանությամբ` կերպարվեստ, գրաֆիկա, բեմարվեստ։ Լայնորեն ներկայացված են դեկորատիվ կիրառական արվեստի նմուշներ, էսքիզներ և պատրաստի աշխատանքներ։ Պահպանված կահավորանքը և նկարիչների անձնական իրերը ներկայացնում են նրանց մասնակցությունը հասարակական կյանքում, աշխատանքը ստեղծագործական միություններում և բազմաթիվ ուղևորություններում անցկացված ժամանակը։ Ընտանեկան լուսանկարչական ալբոմի դիտումը եզակի հնարավորություն է ընձեռում ճանաչել ընտանիքի անդամների կյանքի մանրամասները ընկերական շրջապատում և մերձավորների շրջանում, ընտանիքի կյանքում տեղի ունեցած կարևոր իրադարձությունները^[2]։

Թանգարանային ցուցահանդեսներ

Ընտրովի՝

Ստեղծագործական տոնակատարություն

(Մարտինի տոնական օրերին այցելուներին առաջարկվում էր դառնալ ստեղծագործողներ և մասնակցել սեփական աշխատանքների ստեղծմանը)

Լատվիական քաղաքական ցլամարտ

(Քաղաքական ծաղրանկարների ցուցահանդես, 1920-ական թվականների Լատվիական երգիծական հրատարակություններում)

Թանգարանի ղեկավարություն

Թանգարանի տնօրեն՝ Բայբա Վանգա
Գլխավոր թանգարանապահ՝ Նատալյա Եվսեևա

Հասցե

Ռիգա, Էլիզաբեթս փողոց, 57 ա բն. 26, մուտքը բակի կողմից (Elizabetes iela 57a-26 ieeja caur pagalmu, 5.stāvs, Rīga, LV-1050)

Ծանոթագրություններ

↑ ^1,0 ^1,1 Muzeju statistika 2018 (լատիշ.) // Latvijas Atvērto datu portāls — Latvijas Republikas Kultūras ministrija.
↑ «Romana Sutas un Aleksandras Beļcovas muzejs». Արխիվացված է օրիգինալից 2019 թ․ ապրիլի 9-ին. Վերցված է 2019 թ․ ապրիլի 9-ին.

Արտաքին հղումներ

[_2bcb0cef2feaee5b-1] 1,0 ^1,1 Muzeju statistika 2018 (լատիշ.) // Latvijas Atvērto datu portāls — Latvijas Republikas Kultūras ministrija.

[2] «Romana Sutas un Aleksandras Beļcovas muzejs». Արխիվացված է օրիգինալից 2019 թ․ ապրիլի 9-ին. Վերցված է 2019 թ․ ապրիլի 9-ին.

[1]

[2]