Ռոման Ամոյան

Ռոման Ամոյան
	Ռոման Ամոյանը Հրազդանի ձորի բացօթյա մարզահրապարակում մարզվելիս
Անձնական տեղեկություն
Սեռ՝	արական
Ազգություն՝	Եզդի
Մասնագիտացում՝	ըմբիշ
Երկիր՝	Հայաստան
Ծննդյան ամսաթիվ՝	սեպտեմբերի 3, 1983 (39 տարեկան)
Ծննդավայր՝	Երևան, Հայկական ԽՍՀ, ԽՍՀՄ
Մարզիչ(ներ)՝	Հարություն Խաչատրյան, Համլետ Հովհաննիսյան
Հունահռոմ. ըմբշամարտ
Օլիմպիական խաղեր
Աշխարհի առաջնություն
Եվրոպայի առաջնություն

Ռոման Հասանի Ամոյան (սեպտեմբերի 3, 1983(1983-09-03), Երևան, Հայկական ԽՍՀ, ԽՍՀՄ), ազգությամբ եզդի հայաստանցի նախկին ըմբշամարտիկ, Հայաստանի սպորտի վաստակավոր վարպետ (2009)^[1]։ Եվրոպայի առաջնությունների կրկնակի չեմպիոն (2006, 2011), աշխարհի առաջնությունների եռակի մեդալակիր (2009, 2010, 2013), Պեկինի Ամառային օլիմպիական խաղերի բրոնզե մեդալակիր մինչև 55 կգ քաշայինների հունահռոմեական ըմբշամարտում։ 2011 թվականին ընտրվել է Հայաստանի լավագույն մարզիկ^[2]։

Կենսագրություն[խմբագրել | խմբագրել կոդը]

Ռոման Ամոյանը ծնվել է 1983 թվականի սեպտեմբերի 3-ին Երևանում, եզդիների ընտանիքում։ Հունահռոմեական ըմբշամարտով զբաղվել սկսել է տասը տարեկան հասակում Հարություն Խաչատրյանի գլխավորությամբ։ 2001 թվականին դարձել է աշխարհի երիտասարդական առաջնության, 2002 թվականին՝ Եվրոպայի երիտասարդական առաջնության հաղթող։

2003 թվականին Ռոման Ամոյանը նվաճել է արծաթե մեդալ Բելգրադում անցկացվող Եվրոպայի առաջնությունում։ 2005 և 2008 թվականների Եվրոպայի առաջնություններում նա նույնպես արժանացել է արծաթե մեդալների, իսկ 2006 թվականին դարձել է Եվրոպայի չեմպիոն։

2008 թվականին Ռոման Ամոյանը նվաճել է բրոնզե մեդալ Պեկինում անցկացվող Ամառային օլիմպիական խաղերում։ Հաղթելով Ղազախստանի ներկայացուցիչ Ասետ Իմանբաևին և Վրաստանի ներկայացուցիչ Լաշա Գոգիտաձեին՝ Ռոման Ամոյանը կիսաեզրափակչում զիջել է ադրբեջանցի Ռովշան Բայրամովին։ Բրոնզե մեդալի համար կայացած մարտում Ամոյանը վստահ հաղթանակ է տարել Կուբան ներկայացնող Յագնիեր Էռնանդեսի նկատմամբ։ Ամոյանի նվաճած մեդալը դարձել է հայ ըմբշամարտիկների նվաճած առաջին օլիմպիական մեդալը վերջին 16 տարիների ընթացքում^[3]։

2009 թվականին Ռոման Ամոյանը դարձել է աշխարհի առաջնության արծաթե, իսկ 2010 թվականին՝ բրոնզե մեդալակիր։ 2011 թվականին Ռոման Ամոյանը Եվրոպայի առաջնությունում ստացել է գլխի ծանր վնասվածք, սակայն արյունոտ վիրակապով շարունակել է մարտը և երկրորդ անգամ դարձել Եվրոպայի չեմպիոն^[4]։ Նույն թվականին նա ընտրվել է Հայաստանի տարվա մարզիկ։

Ռոման Ամոյանը չի կարողացել որակավորվել 2012 թվականի Ամառային օլիմպիական խաղերին մասնակցելու համար^[5]։ 2013 թվականի աշխարհի առաջնությունում նա նվաճել է բրոնզե, իսկ 2016 թվականի Եվրոպայի առաջնությունում՝ արծաթե մեդալներ։

Անձնական կյանք[խմբագրել | խմբագրել կոդը]

Ռոման Ամոյանի (աջից) և ըմբշամարտի աշխարհի առաջնության հաղթող Մալխաս Ամոյանի (ձախից) համատեղ մարզումը Հրազդանի ձորի բացօթյա մարզահրապարակում

Ռոման Ամոյանն ամուսնացած է։ Կինը բժիշկ է։ Նրանք ունեն դուստր^[6]։

Մրցանակներ[խմբագրել | խմբագրել կոդը]

Օլիմպիական խաղեր
Պեկին 2008	բրոնզ
Աշխարհի առաջնություններ
Հերնինգ 2009	արծաթ
Մոսկվա 2010	բրոնզ
Բուդապեշտ 2013	բրոնզ
Եվրոպայի առաջնություններ
Բելգրադ 2003	արծաթ
Վառնա 200	արծաթ
Մոսկվա 2006	ոսկի
Տամպերե 2008	արծաթ
Դորտմունդ 2011	ոսկի
Ռիգա 2016	արծաթ

Ծանոթագրություններ[խմբագրել | խմբագրել կոդը]

↑ Athletes and coaches entitled Armenia's masters of sports
↑ Роман Амоян — спортсмен года в Армении Archived 2015-05-28 at the Wayback Machine.
↑ «ARMENIANS in OLYMPICS 2008 (Fall 2008)»։ thearmenianchronicles.blogspot.com։ Վերցված է 2013 թ․ հունվարի 11
↑ «Greco-Roman Wrestler Roman Amoyan Voted Armenia’s Athlete of the Year»։ massispost.com։ Վերցված է 2013 թ․ հունվարի 11
↑ «Հայաստանի լավագույն մարզիկը չի մասնակցի օլիմպիական խաղերին»։ www.slaq.am։ Արխիվացված է օրիգինալից 2012-05-26-ին։ Վերցված է 2013 թ․ հունվարի 11
↑ «Ռոման Ամոյան. Ըմբշամարտը, ծանրամարտը, ձյուդոն, բռնցքամարտը վայել չեն հայ կնոջը»։ sport.news.am։ Վերցված է 2013 թ․ մարտի 14

Արտաքին հղումներ[խմբագրել | խմբագրել կոդը]

Այս մեդալն ինձ վստահություն տվեց վարկանիշային մրցաշարերից առաջ. Ռոման Ամոյան
Ռոման Ամոյան – օլիմպիական վիճակագրությունը Sports-Reference.com կայքում (անգլ.)

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ռոման Ամոյան կատեգորիայում։

[1] Athletes and coaches entitled Armenia's masters of sports

[2] Роман Амоян — спортсмен года в Армении Archived 2015-05-28 at the Wayback Machine.

[3] «ARMENIANS in OLYMPICS 2008 (Fall 2008)»։ thearmenianchronicles.blogspot.com։ Վերցված է 2013 թ․ հունվարի 11

[4] «Greco-Roman Wrestler Roman Amoyan Voted Armenia’s Athlete of the Year»։ massispost.com։ Վերցված է 2013 թ․ հունվարի 11

[5] «Հայաստանի լավագույն մարզիկը չի մասնակցի օլիմպիական խաղերին»։ www.slaq.am։ Արխիվացված է օրիգինալից 2012-05-26-ին։ Վերցված է 2013 թ․ հունվարի 11

[6] «Ռոման Ամոյան. Ըմբշամարտը, ծանրամարտը, ձյուդոն, բռնցքամարտը վայել չեն հայ կնոջը»։ sport.news.am։ Վերցված է 2013 թ․ մարտի 14

[1]

[2]

[3]

[4]

[5]

[6]