Ռոմանոս Պետրոսյան

Վիքիպեդիայից՝ ազատ հանրագիտարանից
Jump to navigation Jump to search
Ռոմանոս Պետրոսյան
Ռոմանոս Պետրոսյան.jpg
ՀՀ Կոտայքի մարզի մարզպետ
 2018 թվականի հունիսի 1-ից
 
Քաղաքացիություն՝ Flag of Armenia.svg Հայաստան
Կուսակցություն՝ Քաղաքացիական պայմանագիր
Մասնագիտություն՝ քաղաքական գործիչ
Ազգություն հայ
Ծննդյան օր օգոստոսի 26, 1979(1979-08-26) (39 տարեկան)
Ծննդավայր Չինարի, Տավուշի մարզ, Հայաստան, ԽՍՀՄ
Ամուսին Արմինե Պետրոսյան
Զավակներ Վանիկ Պետրոսյան, Ադել Պետրոսյան

Ռոմանոս Վանիչկայի Պետրոսյան (օգոստոսի 26, 1979(1979-08-26), Չինարի, Տավուշի մարզ, Հայաստան, ԽՍՀՄ), հայ պետական, քաղաքական և կուսակցական գործիչ: 2018 թվականի հունիսի 1-ից զբաղեցնում է ՀՀ Կոտայքի մարզի մարզպետի պաշտոնը[1]: Մասնագիտությամբ՝ երկրաբան: Մինչ ՀՀ Կոտայքի մարզպետի պաշտոնը ստանձնելը երկար տարիներ զբաղեցրել է ղեկավար պաշտոններ տեղական և միջազգային կազմակերպություններում: 2013 թվականից «Քաղաքացիական Պայմանագիր» հանրային-քաղաքական միավորման անդամ է[2]: 2015 թվականի մայիսի 30-ին ՔՊԿ հիմնադիր համաժողովին ընտրվել է կուսակցության վարչության անդամ: 2017 թվականին «Ելք» դաշինքի կողմից առաջադրվել է պատգամավորի թեկնածու Կոտայքի մարզն ընդգրկող թիվ 10 ընտրատարածքում[3]: 2016 թվականի հոկտեմբերի 30-ին ՔՊԿ 2-րդ համաժողովին վերընտրվել է Վարչության կազմում: ՔՊԿ Աբովյանի տարածքային կազմակերպության խորհրդի անդամ է: 1997 թվականից մինչ այժմ հանդիսանում է Հայաստանի Ազգային Սկաուտական Շարժում «ՀՄԸՄ-ՀԱՍԿ» հասարակական կազմակերպության անդամ:

2018 թվականին մասնակցել է Սերժ Սարգսյանի երրորդ պաշտոնավարման դեմ պայքարող Նիկոլ Փաշինյանի՝ Գյումրիից դեպի Երևան իրականացրած քայլարշավին: Կարճ ժամանակահատվածում նախաձեռնությունը վերածվում է Հանրապետական Հայաստանի պատմության մեջ քանակապես անգերազանցելի համարվող ժողովրդական շարժման՝ ընդգրկելով հասարակության ամենատարբեր շերտերը: Գործողությունների արդյունքում 2018 թվականի ապրիլի 23-ին Սերժ Սարգսյանը հրաժարական է տալիս: Մայիսի 8-ին Նիկոլ Փաշինյանն ընտրվում է ՀՀ Վարչապետ, և նախկին իշխանություններին վերջնականապես տապալելու գործընթացում նոր պետական գործիչներ նշանակում նաև ՀՀ մարզերում:

2018 թվականի հունիսի 1-ին Ռոմանոս Պետրոսյանը նշանակվում է ՀՀ Կոտայքի մարզի մարզպետ:

Կրթություն[խմբագրել | խմբագրել կոդը]

1996 թվականին ընդունվել և 2013 թվականին ավարտել է ԵՊՀ Երկրաբանության ֆակուլտետը՝ «Օգտակար հանածոների հանքավայրերի հետախուզում և գնահատում» մասնագիտությամբ[4]:

Աշխատանք[խմբագրել | խմբագրել կոդը]

2003-2006 թվականներին աշխատել է Աբովյանի քաղաքապետարանի Մանկապատանեկան ստեղծագործության կենտրոնում (ՄՊՍԿ)՝ որպես ուսումնական նախագծի ղեկավար: 2006 թվականին կարճաժամկետ պաշտոնավարել է որպես տնտեսագետ «Ախթալայի լեռնահարստացման կոմբինատում»: 2006-2007 թվականներին աշխատել է «Հայր և որդի Երիցյաններ» ընկերությունում: 2007-2008 թվականներին Մոսկվայի «Basis» շինարարական ընկերության ղեկավար մարմնի անդամ է եղել: 2009-2014 թվականներին «Օրանժ Արմենիա» ՓԲԸ գլխամասային վաճառքի գրասենյակում զբաղեցրել է տարբեր պաշտոններ: 2015-2016 թվականներին եղել է «ԷսԷյ-Ինթերփրայզիս» շինարարական հոլդինգի Կոմերցիոն բաժնի ղեկավար, 2017-2018 թվականներին՝ «Բիզնես Ռեջենթ» ՍՊԸ տնօրեն:

Զինվորական ծառայություն[խմբագրել | խմբագրել կոդը]

ՀՀ Զինված ուժերում պարտադիր զինվորական ծառայություն է անցել 1999-2001 թվականներին:

Ընտանիք[խմբագրել | խմբագրել կոդը]

Ամուսնացած է, ունի մեկ որդի և մեկ դուստր: Կինն Արմինե Ռոբերտի Պետրոսյանն է (ծնված՝ 1985 թվականի մայիսի 10-ին), որդին՝ Վանիկ Ռոմանոսի Պետրոսյանը (ծնված՝ 2006 թվականի հոկտեմբերի 16-ին), դուստրը՝ Ադել Ռոմանոսի Պետրոսյանը (ծնված՝ 2014 թվականի հունվարի 2-ին):

Ծանոթագրություններ[խմբագրել | խմբագրել կոդը]

  1. «ԻՐՏԵԿ - Իրավական տեղեկատվական կենտրոն»։ http://www.irtek.am (հայերեն)։ Վերցված է 2018-08-16 
  2. https://civilcontract.am/about-us/rhomanos-petrosyan
  3. «Կառավարություն - Մարզեր - Հայաստանի Հանրապետության Կառավարություն»։ www.gov.am։ Վերցված է 2018-08-16 
  4. «CivilContract.am»։ civilcontract.am։ Վերցված է 2018-08-16 

Արտաքին հղումներ[խմբագրել | խմբագրել կոդը]