Jump to content

Ռոկամադուր

Վիքիպեդիայից՝ ազատ հանրագիտարանից
Բնակավայր
Ռոկամադուր
ֆր.՝ Rocamadour[1]
Զինանշան

ԵրկիրՖրանսիա Ֆրանսիա
ՀամայնքԼո և arrondissement of Gourdon?
Մակերես49,42 կմ²
ԲԾՄ279 մետր
Բնակչություն611 մարդ (հունվարի 1, 2021)[2]
Ժամային գոտիUTC+1 և UTC+2
Փոստային դասիչ46500[3]
Պաշտոնական կայքmairierocamadour.fr(ֆր.)
Ռոկամադուր (Ֆրանսիա)##
Ռոկամադուր (Ֆրանսիա)

Ռոկամադուր (ֆր.՝ Rocamadour, օքս.՝ Ròc Amador), կոմունա Ֆրանսիայի հարավ-արևմուտքում, Լո դեպարտամենտում։ Փոքրիկ միջնադարյան քաղաքը և նրա սրբավայրերը մեծ ճանաչում ունեն Ֆրանսիայի զբոսաշրջիկների և ուխտագնացների շրջանում։

Կոմունան գտնվում է Կերսի պատմական պրովինցիայի Վերին Կերսի կրաքարային սարահարթի կենտրոնում, Ալզու գետից 150 մետր բարձրության վրա։ Ռոկամադուրը մտնում է Տիրամոր ակնածանքի ընդունված վայրերի ցանկում (ֆր.՝ Ville mariale), և արդեն XII դարում նա դարձավ ուխտագնացության վայր հայտնի ու անհայտ բազում քրիստոնյաների համար (ֆր.՝ roumieux). նրանց թվում էին անգլիացի արքա Հենրիխ Երկրորդը, Սիմոն դե Մոնֆորը, Բլանկա Կաստիլյանը՝ պատանի Լյուդովիկոս IX-ի հետ, սուբր Դոմինիկն ու Բեռնարը[4]), որոնք գալիս էին այստեղ խոնարհվելու սև մադոննայի և սուրբ Ամադուրի առաջ[5]։

Ռոկամադուրը, լինելով հոգևոր կենտրոն, համարվում է նաև Ֆրանսիայի կարևորագույն զբոսաշրջային կենտրոններից մեկը, որը տարեկան այցելում են գրեթե 1,5 միլիոն զբոսաշրջիկներ. այդ ցուցանիշով Ռոկամադուրը զիջում է Մոն Սեն Միշել կղզուն, Կարկասոն ամրոցին, Էյֆելյան աշտարակին և Վերսալին[6]։

Միջնադարյան քաղաք Ռոկամադուրը պահպանել է մի քանի ապրացրած դարպասներ (porte Salmon, porte Cabilière, porte de l’hôpital, porte du figuier)։ Մեծագույն աստիճանը, որով ուխտագնացները նախկինում ծնկադիր բարձրանում էին (ներկայումս նման բան հազվադեպ է պատահում), հրապարակից տանում է սրբավայրերին՝ բազիլիկե Սեն Սյովերին (ֆր.՝ basilique Saint-Sauveur), սուրբ Ամադուրի դամբարանին (դասարակարգված է ՅՈՒՆԵՍԿՕ-ի Համաշխարհային ժառանագության օբյեկտների ցանկում[7]), Sainte-Anne, Saint-Blaise, Saint-Jean-Baptiste, Notre-Dame (որտեղ գտնվում է սև մադոննայի արձանը) և Saint-Michel ժամատներին։ Այդ համալիրի մոտ գտնվում է Տյուլի եպիսկոպոսների պալատը[4]։

Կրոնական կառույցների և ժամատների համալիրից ներքև գտնվող բնակչության կյանքը բոլոր ժամանակներում կախված է եղել ուխտագնացների հոսքից և զբոսաշրջային առևտրից։ Ռոկամադուրի անունն է կրում պանրի մի տեսակ, որը պատրաստվում է այծի կաթից և 1996 թվականին արժանացել է Ֆրանսիայի ազգային որակավորման կենտրոնի մրցանակի։

Ծանոթագրություններ

[խմբագրել | խմբագրել կոդը]
  1. Code officiel géographique
  2. Populations légales 2021The National Institute of Statistics and Economic Studies, 2023.
  3. Base officielle des codes postauxLa Poste, 2018.
  4. 4,0 4,1 Didier Poux Rocamadour, haut-lieu de pèlerinage. — Albi: Apa-Poux, 1992.
  5. Բացակայում է որևէ փաստացի հիմք՝ սուրբ Ամադուրին (կամ Ռոկոմադուրի Ամատորին) Օսերի եպիսկոպոս Ամատորի հետ նույնացնելու համար։
  6. «Մոն Սեն Միշել աբբայությունը հանգցնում է իր 1300 մոմերը» (ֆրանսերեն). actualitte.com կայք. Արխիվացված օրիգինալից 2013 թ․ հուլիսի 4-ին. Վերցված է 2013 թ․ հունիսի 30-ին.
  7. http://whc.unesco.org/fr/list/868/multiple=1&unique_number=1019

Գրականություն

[խմբագրել | խմբագրել կոդը]
  • Ernest Rupin Roc-Amadour - Étude historique et archéologique. — 2001. — 416 p. — ISBN 2843730767
  • Современное издание Le Livre des miracles de Notre-Dame de Rocamadour au XII siècle, перевод Эдмона Альба, предисловие Режин Перну, Тулуза, 1994 год.

Արտաքին հղումներ

[խմբագրել | խմբագրել կոդը]