Ռոլանդ Միչեներ

Վիքիպեդիայից՝ ազատ հանրագիտարանից
Jump to navigation Jump to search
Ռոլանդ Միչեներ
Governor General Roland Michener at Alma College graduation ceremonies 1972 (crop).jpg
 
Կուսակցություն՝ Progressive Conservative Party of Ontario? և Կանադայի առաջադիմական պահպանողական կուսակցություն
Կրթություն՝ Հարթֆորդ Քոլեջ և Ալբերտայի համալսարան
Մասնագիտություն՝ փաստաբան, դիվանագետ և քաղաքական գործիչ
Ծննդյան օր ապրիլի 19, 1900(1900-04-19)[1][2]
Ծննդավայր Lacombe, Ալբերտա, Կանադա
Վախճանի օր օգոստոսի 6, 1991(1991-08-06)[1][2] (91 տարեկան)
Վախճանի վայր Տորոնտո, Կանադա
Քաղաքացիություն Flag of Canada (Pantone).svg Կանադա
Հայր Edward Michener?
Ամուսին Norah Michener?
 
Ինքնագիր Изображение автографа
 
Պարգևներ

Ռոլանդ Միչեներ (անգլ.՝ Roland Michener, ապրիլի 19, 1900(1900-04-19)[1][2], Lacombe, Ալբերտա, Կանադա - օգոստոսի 6, 1991(1991-08-06)[1][2], Տորոնտո, Կանադա), կանադացի քաղաքական գործիչ, թագավորական փաստաբան։ 1953-1962 թվականներին Կանադայի Համայնքների պալատի պատգամավոր առաջադիմական Պահպանողական կուսակցության դրոշների ներքո և 1967-1974 թվականներին Կանադայի 20-րդ գեներալ-նահանգապետը։

Միչեները ծնվել և կրթություն է ստացել Ալբերտայում։ 1917 թվականին ծառայել է Թագավորական ռազմաօդային ուժերում[3] (մինչև 1924 թվականը Կանադայում ռազմաօդային ուժերի առանձին ստորաբաժանում չի եղել)։ Ստացել է բարձրագույն կրթություն և ընդունվել Օքսֆորդի համալսարան, որտեղ ստացել է մագիստրոսի աստիճան, ինչպես նաև ակտիվորեն զբաղվել է սպորտով՝ հոկեյ խաղալով։ Հետագայում Միչեները վերադարձել է Կանադա և աշխատել որպես իրավաբան։ 1957 թվականին ընտրվել է Համայնքների պալատ և 1962 թվականին դարձել խորհրդարանի այդ աստիճանի խոսնակը։ 1964-1967 թվականներին աշխատել է տարբեր դիվանագիտական ներկայացուցչություններում։

1962 թվականի հոկտեմբերի 15-ին Միչեները երդվել է Կանադայի թագուհու գաղտնի խորհրդին[4]։ Այդ կապակցությամբ նա ստացել է համապատասխան կոչում՝ պատվավոր, սակայն, լինելով գեներալ-նահանգապետ, Միչեները ստացել է ցմահ շրջանառության բարձրագույն ձև՝ պատվավոր, արժանավոր։ Մահացել է 1991 թվականի օգոստոսի 6-ին՝ գտնվելով Քինգսթոնի Քուինս համալսարանի կանցլերի պաշտոնում։

Երիտասարդություն[խմբագրել | խմբագրել կոդը]

Ռոլանդ Միչեների տունը Լակոմբեում մշակութային ժառանգության հուշարձան է[5]

Ծնվել է Լակոմբեում (Ալբերտա նահանգ)[6][7]։ Մայրը՝ Մերի Ռոլանդն էր, հայրը՝ Էդվարդ Միչեները, ով հետագայում դարձել է հայտնի քաղաքական գործիչ, Ալբերտայի Օրենսդիր ժողովի ընդդիմության առաջնորդ, սենատոր։ Սովորել է Ալբերտայի համալսարանում, որտեղ ստացել է արվեստի բակալավրի աստիճան։ Այնտեղ նա խաղացել է Օքսֆորդի համալսարանի հոկեյի ակումբում, ծանոթացել է Կանադայի ապագա վարչապետ Լեսթեր Փիրսի հետ, ով հետագայում կարևոր դեր է խաղացել Միչեների նշանակման գործում։ Ավարտելուց հետո նա ստացել է քաղաքացիական իրավունքի բակալավրի աստիճան և վերադարձել է Կանադա, բնակություն է հաստատել Տորոնտոյում։ Ավելի ուշ նա դարձել է Օնտարիոյի Գործադիր խորհրդի անդամ, տեղական ինքնակառավարման մարմինների Մանիտոբայի Թագավորական հանձնաժողովի նախագահ[3]։

1927 թվականի փետրվարի 26-ին Միչեներն ամուսնացել է Նորա Ուիլիսի հետ, զույգը երեք դուստր է ունեցել[6]։

Քաղաքական գործունեություն[խմբագրել | խմբագրել կոդը]

1943 թվականին Միչեները մասնակցել է Օնտարիոյի համընդհանուր ընտրություններին՝ «Առաջադիմական պահպանողականների» կուսակցության հովանու ներքո, սակայն պարտվել է «ֆեդերացիայի կոոպերատիվ համագործակցություն» կուսակցությունից Վիլյամ Դենիսոնին[8]։ Մինեչերը այս անգամ կրկնել է փորձը 1945 թվականին և հաղթանակ է տարել՝ Օրենսդիր ժողովում տեղ ստանալով[9]։ Հետագայում նա նշանակվել է Ալբերտայի փոխնահանգապետ՝ վարչապետի հանձնարարականով։ Ավելի ուշ նա զբաղեցրել է Օնտարիոյի նահանգի նահանգապետի քարտուղարի պաշտոնը։ Նրա խնդիրն օրակարգերի և այլ ընթացիկ աշխատանքիների ձևակերպումն էր։ 1948 թվականին նա կրկին հաղթել է գավառական ընտրություններում, սակայն, որոշել է դուրս գալ դաշնային մակարդակով։

1949 թվականին Միչեներն առաջին անգամ փորձել է մտնել Համայնքների պալատ, սակայն, ինչպես առաջին գավառական ընտրություններում, պարտվել է։ Նա հասարակությունից դուրս է մնացել մինչև 1953 թվականը, երբ վերջապես տեղ է զբաղեցրել Համայնքների պալատում։ Թեև Միչեներին չէր առաջարկվում մտնել վարչապետի կաբինետի կազմի մեջ, նա նշանակվել է Համայնքների պալատի խոսնակ։

1963 թվականի դաշնային ընտրություններում հաղթանակ է տարել Միչեների հին ընկեր Լեսթեր Փիրսոնի կուսակցությունը, որի արդյունքում նա դարձել է վարչապետ։ Ընդամենը մեկ տարի անց Լեսթերը խնդրել է Ժորժ Վանյեին նշանակել Հնդկաստանի գերագույն կոմիսար[10], նա այդ դիվանագիտական պաշտոնում աշխատել է 6 ամիս (1964 թվականի հուլիսի 9-ից)։ Լեսթերը Միչեներին հավաստիացնում էր, որ նա կհամարվի գեներալ-նահանգապետի պաշտոնի գլխավոր թեկնածուներից մեկը, երբ վերադառնա Կանադա[11]։ Առողջական վատթարացման պատճառով Ժորժ Վանյեն հեռացել է փոխնախագահի պաշտոնից և Եղիսաբեթ IIին խորհուրդ է տվել իր պաշտոնում Ռոլանդին։ Մարտի 5-ին Վանյեն մահացել է Ռիդո հոլում, մահից հետո Կանադայում թագուհու վարչակազմի ժամանակավոր ղեկավար է դարձել Կանադայի գլխավոր դատավոր Ռոբեր Թաշրոն։

Կանադայի գեներալ-նահանգապետ[խմբագրել | խմբագրել կոդը]

1967 թվականի մարտի 29-ին Միչեները հրաման է ստացել անհապաղ վերադառնալ Կանադա, քանի որ Եղիսաբեթ II թագուհին մեծ կնիքով նրան նշանակել էր գեներալ-նահանգապետ Ժորժի վերջին խնդրանքով[12][13]։ «Ես չեմ կարծում, որ ինչ-որ մեկը երկրի ներսում կամ նրա սահմաններից դուրս ավելի լավ էր մոտենում, քան Միչեները... մարդիկ պարզապես զգում էին, որ դա հաջող հանձնարարություն էր»[14]։ Ապրիլի 17-ին նա երդվել է Սենատում։

Միչեներն ողջունում է Օնտարիոյի քոլեջի ուսանողներին

Կանադայում պաշտոնն ստանձնելուց տասը օր անց նա պետք է պաշտոնապես բացեր Մոնրեալի Էքսպո-67 համաշխարհային ցուցահանդեսը։ Տոնավաճառին պետք է մասնակցեին 53 պետությունների առաջնորդներ, ինչպես նաև բազմաթիվ բարձրաստիճան պաշտոնյաներ։ Դիվանագիտական արձանագրության համաձայն՝ Միչեները, որպես գեներալ-նահանգապետ, պարտավոր էր հանդիպել յուրաքանչյուրին և դիվանագիտական բանակցություններ վարել։ Հյուրերի թվում էին ԱՄՆ նախագահ Լինդոն Ջոնսոնը, Գրեյս Քելլին, Ժակլին Քենեդին, Հայլե Սելասիեն, Ֆրանսիայի նախագահ Շառլ դը Գոլը և այլք[15]։

1967 թվականի հուլիսի 1-ին ստեղծվել է Կանադայի շքանշանը, և Միչեները դարձել է նրա առաջին սեփականատերը։ 1972 թվականի հուլիսի 1-ին ստեղծվել է Կանադական «Ռազմական արժանիքների համար» շքանշանը, և Միչեները դարձել է նրա առաջին սեփականատերը[16]։

Ձախից աջ՝ Բերնարդ Լիպե-Բիստերֆելդսկին, Յուլիանան և Միչեների կինը՝ Նորան։ Ամստերդամ, 1971 թվականի ապրիլի 14

Միչեները դարձել է առաջին գեներալ-նահանգապետը, որն այցելել է Տրինիդադ և Տոբագո իր անունից, այլ ոչ թե Գեորգ VI-ի և Եղիսաբեթ II-ի անունից, ինչպես նախկինում։ Հոկտեմբերին Ռոլանդը մեկնել է Իրան՝ մասնակցելու Պարսկական կայսրության 2500-ամյակի տոնակատարությանը։ Մեկնելուց առաջ բարձր շրջանակներում տարաձայնություններ են առաջացել, սակայն հաջող այցից հետո նման ուղևորություններ տեղի են ունեցել դեպի համագործակցության այլ երկրներ։

Ժառանգություն[խմբագրել | խմբագրել կոդը]

Միչեները գեներալ-նահանգապետի դերում հիմնադրել է երկու մրցանակ, որոնք հետագայում կհանձնվեն շատ հայտնի կանադացիներին՝ արտացոլելով ձկնորսության նկատմամբ իր հետաքրքրությունը, ստեղծել է «Michener Tuna» գավաթը։ Բազմաթիվ լրագրողների հետ իր ամուր հարաբերությունները ցուցադրելու համար նա հիմնադրել է իր «Լրագրության համար» մրցանակը։ Միչեները նաև հայտնի է նրանով, որ պատմության ընթացքում դարձել է երկրորդ կանադացին, որը երբևէ թագավորական վիկտորիանական շղթա է հանձնել անձամբ Թագուհի Եղիսաբեթ II-ին երկար ծառայության համար։

Հետագա կյանք[խմբագրել | խմբագրել կոդը]

Միչեների նահանգապետ դառնալուց հետո նրա կինը տեղափոխվել է Տորոնտո։ Նա եղել է բարեգործական և մշակութային կազմակերպությունների տնօրենների խորհրդի անդամ, 1973-1980 թվականներին եղել է Քինգսթոնի Քուինս համալսարանի կանցլերի պաշտոնում։ Որպես օրինակ, 80 տարեկան հասակում, նա բարձրացել է Միչիներ լեռան գագաթը։

1980-ականներին նա սկսել է հոգ տանել իր կնոջ մասին այն բանից հետո, երբ նա հիվանդացել է ալցհեյմերով։ Նա մահացել է 1987 թվականի հունվարի 12-ին[17] Տորոնտոյում, իսկ Միչեները՝ 1991 թվականի օգոստոսի 6-ին։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 https://lop.parl.ca/sites/ParlInfo/default/en_CA/People/Profile?personId=14160
  2. 2,0 2,1 2,2 2,3 2,4 Munzinger Personen (գերմ.)
  3. 3,0 3,1 «The Michener Institute > About Michener > Biography of D. Roland Michener»։ The Michener Institute։ 2007։ Արխիվացված է օրիգինալից 2007-09-27-ին։ Վերցված է 2009-03-11 
  4. Privy Council Office (2008-10-30)։ «Information Resources > Historical Alphabetical List since 1867 of Members of the Queen's Privy Council for Canada > M»։ Queen's Printer for Canada։ Արխիվացված է օրիգինալից 2012-01-30-ին։ Վերցված է 2009-03-11 
  5. «Roland Michener House»։ The Canadian Register of Historic Places։ Վերցված է 2020-07-17 
  6. 6,0 6,1 «A History of the Campus and Its People > People in Queen's History > Chancellors since 1877 > The Rt Hon Daniel Roland Michener (1900-1991)»։ Queen's University։ Արխիվացված է օրիգինալից 2009-03-27-ին։ Վերցված է 2009-03-12 
  7. Parker, C.W. Who's who in Canada: an illustrated biographical record of men and women of the time. — Toronto: International Press Limited, 1914. — Т. 6—7. — С. 960.
  8. Canadian Press (1943-08-05)։ «Ontario Election Results»։ The Gazette (Montreal)։ էջ 12 
  9. Canadian Press (1945-06-05)։ «How Ontario Electors Voted in all 90 Ridings»։ The Toronto Daily Star (Toronto)։ էջ 5։ Վերցված է 2012-03-03 
  10. Department of Foreign Affairs and International Trade։ «About the Department > Canadian Heads of Posts Abroad from 1880 > India»։ Queen's Printer for Canada։ Արխիվացված է օրիգինալից 2012-03-22-ին։ Վերցված է 2009-03-11 
  11. Department of Foreign Affairs and International Trade։ «About the Department > Canadian Heads of Posts Abroad from 1880 > Nepal»։ Queen's Printer for Canada։ Արխիվացված է օրիգինալից 2012-03-22-ին։ Վերցված է 2009-03-11 
  12. Office of the Governor General of Canada։ «Governor General > Former Governors General > The Right Honourable Daniel Roland Michener»։ Queen's Printer for Canada։ Վերցված է 2009-03-11 
  13. «Canada Gazette volume 101, number 16, 22 April 1967»։ Library and Archives Canada։ Վերցված է 2017-01-01 
  14. Milnes Arthur (2010-05-05)։ «Have we found our next Governor General?»։ Toronto Star։ Վերցված է 2010-05-05. 
  15. Quebec Bureau (1967-07-24)։ «Quebec gives de Gaulle, warm reserved welcome»։ The Globe and Mail (Toronto)։ էջեր 1, 10 
  16. Mailbox // Royal Insight Magazine. — London: Queen's Printer. — № April 2006. — С. 3.. — «.».
  17. Delacourt, Susan (January 14, 1987), «Norah Michener: Philosopher enhanced Rideau Hall», The Globe and Mail: A17 

Արտաքին հղումներ[խմբագրել | խմբագրել կոդը]