Ռոզա Սիրունյան

Վիքիպեդիայից՝ ազատ հանրագիտարանից
Ռոզա Սիրունյան
Ծնվել էհոկտեմբերի 8, 1962(1962-10-08) (61 տարեկան)
ԾննդավայրԵրևան, Հայկական ԽՍՀ, ԽՍՀՄ
Քաղաքացիություն ԽՍՀՄ և  Հայաստան
ԿրթությունԵրևանի Ալեքսանդր Մյասնիկյանի անվան թիվ 66 հիմնական դպրոց (1979), Արմեն Տիգրանյանի անվան երաժշտական դպրոց և Հայաստանի պետական տնտեսագիտական համալսարան (1985)
Մասնագիտությունտնտեսագետ
ԱշխատավայրԿոմիտասի անվան Կամերային երաժշտության տուն
Պարգևներ և
մրցանակներ

Ռոզա (Ռուզաննա) Վանյայի Սիրունյան (հոկտեմբերի 8, 1962(1962-10-08), Երևան, Հայկական ԽՍՀ, ԽՍՀՄ[1]), հայ մշակութային գործիչ։ ՀՀ մշակույթի վաստակավոր գործիչ, 2013[2]։

Կենսագրություն[խմբագրել | խմբագրել կոդը]

Ռոզա Սիրունյանը ծնվել է 1962 թվականին, Երևանում։ 1969-1979 թվականներին սովորել է Երևանի Մյասնիկյանի անվան թիվ 66 միջնակարգ դպրոցում և հաճախել Երևանի Արմեն Տիգրանյանի անվան երաժշտական դպրոցի դաշնամուրային դասարան։ 1985 թվականին ավարտել է Երևանի պետական ժողտնտեսության ինստիտուտը։ 1984 թվականից եղել է «Հայհամերգ» միավորման գլխավոր հաշվապահի տեղակալ, 1990 թվականից՝ Կամերային երաժշտության տան գլխավոր հաշվապահ, եղել է Հայաստանի պետական ֆիլհարմոնիկ նվագախմբի և Արամ Խաչատրյան համերգասրահ ՊՈԱԿ-ի գլխավոր տնօրենի տեղակալ, 2003 թվականին տնօրենի պաշտոնակատար, 2005 թվականից՝ տնօրեն[3]։ 2017 թվականից Համահայկական նվագախմբի տնօրենն է։ Եղել է տարբեր փառատոների ֆինանսական պատասխանատու, այդ թվում՝ Երևանյան միջազգային երաժշտական փառատոն, Արվեստներ և մշակույթ կառավարման դասընթաց, Ստեփան Էլմաս մրցույթ, Համաշխարհային երաժշտության փառատոն, Չիլինգարյանի անվան Ջութակի, ալտի և թավջութակի մրցույթ, Համահայկական դաշնամուրային մրցույթ, Քուրթ Վեյլի շաբաթ Հայաստանում, Մարդու իրավունքների օր Հայաստանում և այլն։

2013 թվականի մայիսի 5-ին Հայաստանի Հանրապետական կուսակցության համամասնական ցուցակով ընտրվել է Երևանի ավագանու անդամ[4], 2017 թվականի մայիսի 14-ին Հայաստանի Հանրապետական կուսակցության համամասնական ցուցակով ընտրվել է Երևանի ավագանու անդամ[5]։

Պարգևներ[խմբագրել | խմբագրել կոդը]

  • ՀՀ մշակույթի նախարարության ոսկե մեդալ, 2011 թ.
  • ՀՀ «Գրիգոր Նարեկացի» հուշամեդալ, 2013 թ.
  • ՀՀ Ազգային Ժողովի պատվոգիր, 2013 թ.
  • ՀՀ մշակույթի վաստակավոր գործիչ, 2013 թ.[2]

Ծանոթագրություններ[խմբագրել | խմբագրել կոդը]

  1. «Հայաստանի Հանրապետության կենտրոնական ընտրական հանձնաժողով». Elections.am. Արխիվացված է օրիգինալից 2016 թ․ նոյեմբերի 25-ին. Վերցված է 2018 թ․ հունվարի 23-ին.
  2. 2,0 2,1 Հայաստանի Հանրապետության պատվավոր կոչումներ շնորհելու մասին
  3. Baghdasaryan, Aram. «AV Production - Ռուզաննա Սիրունյան». avproduction.am. Արխիվացված է օրիգինալից 2022 թ․ սեպտեմբերի 21-ին. Վերցված է 2018 թ․ հունվարի 23-ին.
  4. «Կինը և հասարակությունը». Կինը և հասարակությունը. Արխիվացված է օրիգինալից 2018 թ․ փետրվարի 20-ին. Վերցված է 2018 թ․ հունվարի 23-ին.
  5. «yerevan.am | Պաշտոնական կայք | Խմբակցություններ». www.yerevan.am. Վերցված է 2018 թ․ հունվարի 23-ին.