Ռոզա Հոուփ

Ռոզա Հոուփ
Ծնվել է	հունիսի 8, 1902
Ծննդավայր	Մանչեսթեր, Միացյալ Թագավորություն
Վախճանվել է	մայիսի 7, 1972 (69 տարեկան)
Մահվան վայր	Կոկստադ, Հարրի Գվալա, Կվազուլու-Նատալ, ՀԱՀ
Քաղաքացիություն	ՀԱՀ
Կրթություն	Մանչեսթերի իգական ավագ դպրոց և Ֆելիքս Սլեյդի գեղեցիկ արվեստների դպրոց
Մասնագիտություն	նկարչուհի
Անդամակցություն	Նկարիչ-տպագրիչների թագավորական միություն և Society of Graphic Art?
	Rosa Hope Վիքիպահեստում

Ռոզա Սոմերվիլ Հոուփ (անգլ.՝ Rosa Somerville Hope, հունիսի 8, 1902(1902-06-08), Մանչեսթեր, Միացյալ Թագավորություն - մայիսի 7, 1972(1972-05-07), Կոկստադ, Հարրի Գվալա, Կվազուլու-Նատալ, ՀԱՀ)^[1], անգլիացի նկարչուհի, ով 1935 թվականին այցելել է Հարավային Աֆրիկա և հանգրվանել այնտեղ։ Մայրը եղել է Քեմբերվել արվեստի դպրոցի ուսուցիչ, հայրը՝ գործակալ։

Կենսագրություն

Ռոզա Հոուփը ծնվել է 1902 թվականին Մանչեստր քաղաքում։ Նախ սովորել է Ռոմիլեյի դպրոցում, ապա երկվորյակ քրոջ Մուրիելի հետ՝ Մանչեստրի աղջիկների ավագ դպրոցում։ 1918 թվականին 20 £ կրթաթոշակով դասընթացներ է անցել Ֆելիքս Սլեյդի գեղեցիկ արվեստների դպրոցում։ 1926 թվականին «Հովիվների երկրպագությունը» փրագրության համար արժանացել է Հռոմի մրցանակի։ Աշխատանքը հետագայում ցուցադրվել է Լոնդոնի թագավորական ակադեմիայում։ Ռոզա Հոուփը սովորել է Հենրի Տոնսկի (1862-1937), Ֆիլիպ Ուիլսոն Սթերի (1860-1942) և Ջոն Ուիթլիի (1892-1955) մոտ։ Այդ ժամանակաշրջանում ապրել է Downshire Hill 40 հասցեում, նույն տանը, որտեղ 1852 թվականին ապրել է գրող Մարկ Ռութերֆորդը։ Երբ 1935 թվականին Ռոզա Հոուփն այցելել է Հարավային Աֆրիկա, որտեղ Սլեյդի դպրոցից նրա նախկին ուսուցիչ պրոֆեսոր Ջոն Ուիթլին նրան առաջարկել է դասավանդել Քեյփթաունի համալսարանի Մայքլիս գեղարվեստի դպրոցում։ Հոուփը հիմնել է դպրոցի տպագրության և փորագրության բաժինը։ 1938 թվականին ընդունվել է որպես Նատալի համալսարանի գեղարվեստի բաժնի ավագ դասախոս, որտեղ աշխատել է մինչև 1957 թվականը^[2]։ Այստեղից նա հաճախակի նկարչական ճամփորդությունների է մեկնել Դրակենսբերգ և Տրանսկեի, նրան երբեմն ուղեկցել է նկարիչ-ընկեր Ֆիլիս Մակքարթին։ Ռոզա Հոուփի ստեղծագործությունները որպես նվիրատվություն հանձնվել են Նատալի համալսարանի նկարչական արվեստի կենտրոնին։ 1939 թվականին Ռոզա Հոուփը նախագծել է հարավաֆրիկյան Այրինի գյուղի փոստատան Մեծ թրեքի հարյուրամյակի հախճասալե պատկերը^[1]։

1923 թվականի հունվարին ընտրվել է Նկարիչ-փորագրողների թագավորական ընկերության անդամ։ Եղել է գրաֆիկական արվեստի միության, Նկարիչների համպսթեդ միության և Տպագրության հավաքողների ակումբի անդամ։ Ռոզա Հոուփի ստեղծագործությունները ցուցադրվել են «New English Art Club»-ում, Ռեդֆերն պատկերասրահում, Old Bond Street-ում և Messrs-ում։ Մինչև 1942 թվական ցուցադրվել է Հարավաֆրիկյան նկարիչների հասարակության հետ։

Պատկերասրահ

Հախճասալե որմնանկար Այրինի գյուղի փոստատանը
Նվենիներ, Պիտերմարիցբուրգ, 1944
Անասնագոմ, Պիտերմարիցբուրգ, 1940-ական թթ.
Պտղատու այգիներ, Պիտերմարիցբուրգ, 1945

Ծանոթագրություններ

1 2 Child, Dennis (2002). Painters in the northern counties of England and Wales. Dennis Child. էջ 105. ISBN 978-0-9523247-1-3.
↑ «South African Society of Artists». Արխիվացված է օրիգինալից 2011 թ․ հունիսի 7-ին. Վերցված է 2018 թ․ սեպտեմբերի 14-ին.

Արտաքին հղումներ

Աղբյուրներ

Kokstad Advertiser - 11 May 1972.

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ռոզա Հոուփ կատեգորիայում։

[Child2002-1] 1 2 Child, Dennis (2002). Painters in the northern counties of England and Wales. Dennis Child. էջ 105. ISBN 978-0-9523247-1-3.

[2] «South African Society of Artists». Արխիվացված է օրիգինալից 2011 թ․ հունիսի 7-ին. Վերցված է 2018 թ․ սեպտեմբերի 14-ին.

[1]

[2]